كيف أسوي غدا؟؟

[قانونيه]

السلام عليكم

بغيتكم اتساعدوني أبا أبتدي أطبخ
فلي اتعرف أكله أروم أسويها ع الغدا يعني عيش ابيض ويه صالونه مثلا ولا اي شي ثاني
يعني تكتب لي المكونات و الطريقه بس اتمنى الطريقه اتكون واضحه لأني مول ما أعرف أطبخ
و ما عليك أمر أباها بالتفصيل الممل<<تتشرط بعد ههههههه



اتريه ردودكم

سلام

المزيد من آخر المواضيع من نفس القسم:

• طريقة عمل صوص بيشاميل السهله
• طريقة عمل صوص رانش اللذيذه
• كبسة إماراتية؟
• كروكيط الأرز المقلية وجبة سهلة و سريعة...
• سؤال لشيفات الامارات
• كريب بنوتيلا هائل و رائعة بمكونات بسيطة
• مطبخ العزبه
• أشهر مؤكولات و حلويات الشيف الشربيني
• انواع المطابخ
• كيفية صنع الزبادي من الحليب في الطبيعة...

[روعة الاحساس1]

الله يوفقج ويسعدج اختي

اليوم عيالي وزوجي صايمين ماشاء الله عليهم

ماخذه اجازه من الغدا ههههههههههه

بس تقدري تبتدي بشي بسيط

يعني عيش ومقلي او مشوي

<<<<<<<<<تبيها تتعقد من البدايه هههههههههه

[قانونيه]

ههههههههههههه
عادي ببتدي بأي شي
بس المهم أبتدي أطبخ
مو مشكله لو حتى صعب بس المهم اتكون الطريقه واضحه عشان تضبط عندي
اتريه ردود البقيه


سلام

[غرشة عطر]

حبيبتي العيش الابيض مايباله عباله إذا كنتي بتسوين كوب عيش حطي له كوبين ماي ونص ملعقة صغيره ملح وقبل أن ينشف الماء سكري الجدر وخلي النار هاديه لين يتنشف عنه الماي
إذا انتي ماتعرفين تطبخين فأفضل انج تبدين بأشياء بسيطه يعني إذا بتسوين دجاج غسليه زين وقطعيه وحطي عليه ملح وخليه ربع ساعه عشان يخوز عنه الدم وبعدين ردي غسليه عن الملح وحطي عليه ملعقة ملح صغيره وبزار وكركم وإذا تحبينه ايكون حار حطي عله بهارات هنديه أو فلفل أحمر وحطي زيت عميق في المقلاه وسخنيه وبعدين حطي الدجاج فيه بس على شرط أتكون النار هاديه وسكري المقلاه وخليه 20 دقيقه وبعدين اقلبيه الجهة الأخرى وخليه 20 دقيقه وطالعيه كل عشر دقائق علشان ما يحترق
وإن شاء الله أكون أفدتج وإذا حابه تسألين عن أي شيء فأنا حاضره وإن شاء الله أقدر أساعدج
وسامحيني على القصور

[قانونيه]

غرشوبه مشكوره ع الطريقه
يعني لو بسوي وجبه تكفي لاربع اشخاص يكفني كوب عيش؟
بما إني ما احب أقطع دياي قلت باخذ دياي مقطع
بس كنت أشوف الوالده الله يرحمها قبل اتفور الدياي عشان يستوي عقب اتقلي
شو الاحسن؟


سلام

[غرشة عطر]

حبيبتي إذا أربع أشخاص أكبار سوي ثلاث أكواب
وعلشان الدياي بصراحه انا اسوي الطريقتين مره احط كل البهارات فوق الدياي بعد ما اشيل الوسخ عنه وخليه يفور لين ينضى وبعدين اجليه شيء بسيط لانه خلاص ناضي وأوقات أسويه بالطريقه اللي خبرتج عنها قبل
وممكن اتسوين الدياي في صينية الفرن تحطين الدياي وتقطعين قطع كبيرة وياه بصل وطماطم وبطاطس وفلفل بارد واتبهرينهم بالملح والبزار والكركم وتحطين فلفل اخضر حار بدون ما تقطعينه وتحطين مسمار وجرفه حب وتغطين الصينيه بالقصدير وتشغلين الفرن من تحت وتخلينه تقريبا ساعه ونصف وبعدين تفتحين القصدير وتشغلين الفرن من فوق علشان الدياي يتحمر
وبالهناء والعافيه

[كشيخة]

حتى انا امي تفور الدياي اول

فوريه قبل لانه في القلي اذا خليتي الديايه جيه منغير طبخ مسبق بتنقلي من برع ومن داخل بتكون بعدها نيّه... ترومين عقب تخبصين تسوين اي شي...تضيفين طماط مقطع وبهارات وخضره عالدياي وتخلينه يتقلي ويشرب الصلصه.. بيستوي عندج ناشف دياي

[سديسة]

نقلت لك طريقة سهلة
في عمل الكبسة السعودية

المقادير:

بصلة متوسطة جزرة كبيرة حبة طماطم كبيرة و لونها احمر كوب ارز بسمتي او اي ارز طويل الحبة مرقة لحم او دجاج غير مبهرة الا بالملح و الفلفل ملعقة كبيرة كبيبة صيني ملعقة ممسوحة بهارات كبسة ثلاث ملاعق زبيب و لمن يحب لوز محمر


الطريقة:

يغسل الارز جيدا و يترك منقوع 5 دقائق ثم يصفي و تكون شوربة اللحم جاهزة و مقدارها مقدارماء الارز اي حوالي كوب ونصف او كوبان و يضاف للشوربة الملح و الفلفل الاسود المناسب ثم تبشر الجزرة و البصلة و الطماطم و نضعهم في الشوربة ثم الارز ثم البهار الخاص بالكبسة و ممكن لمن يرغب فلفل اسود غير مطحون و يقلب الجميع و بمجرد ان تشرب النار ماء الارز يتم الهدئة علي النار و يأخد حوالي من 10 الي 12 دقيقة ثم يرفع و يغرف و يرش عليه الزبيب و يخلط جزء به و ممكن للوز المحمر و اللحم

وبالعافية

وان شاء الله تعجبك الكبسة
وتحبين السعودية من خلال كبستهم

[أحلى ذوووق]

نقلت لك طريقة سهلة
في عمل الكبسة السعودية

المقادير:

بصلة متوسطة جزرة كبيرة حبة طماطم كبيرة و لونها احمر كوب ارز بسمتي او اي ارز طويل الحبة مرقة لحم او دجاج غير مبهرة الا بالملح و الفلفل ملعقة كبيرة كبيبة صيني ملعقة ممسوحة بهارات كبسة ثلاث ملاعق زبيب و لمن يحب لوز محمر


الطريقة:

يغسل الارز جيدا و يترك منقوع 5 دقائق ثم يصفي و تكون شوربة اللحم جاهزة و مقدارها مقدارماء الارز اي حوالي كوب ونصف او كوبان و يضاف للشوربة الملح و الفلفل الاسود المناسب ثم تبشر الجزرة و البصلة و الطماطم و نضعهم في الشوربة ثم الارز ثم البهار الخاص بالكبسة و ممكن لمن يرغب فلفل اسود غير مطحون و يقلب الجميع و بمجرد ان تشرب النار ماء الارز يتم الهدئة علي النار و يأخد حوالي من 10 الي 12 دقيقة ثم يرفع و يغرف و يرش عليه الزبيب و يخلط جزء به و ممكن للوز المحمر و اللحم

وبالعافية

وان شاء الله تعجبك الكبسة
وتحبين السعودية من خلال كبستهم

يسلمووو حبوبه

بروح اجربها

امووووووت انا بالكبسه السعوديه << كانت عندهم شغاله تسويها جنااااان من راحت ماذقناها

هئ هئ هئ

[أحلى ذوووق]

اقووول وين تبين ماتعرفين تطبخين هههههههههههههههههههههههه

هههههههههههه

والله انج ضحكتيني ,,

ابعلمك برياني دياي انما ايييييييييييييييييييييه ...

وجبه الاربع اشخاص ..

هاتي ديايه على قولتج مقطعه هههههههههه <<< طرشها لي بقطعها عنج واقطع ابوها بعد ههههههه

هاتي راسين بصل وسط

هاتي طماطتين وسط

هاتي قرنين فلفل حار

هاتي قوطيين صلصله

هاتي ورق غار (( الورق الاخضر مال الهنود اللي يعطي نكهه حلوه ))

واشتري بزار (( مثر )) من الكارفور قوطي اخضر احلى شي لللاكلات الهنديه والصوالين ..

فلفل ذره صغيره + ملح حسب الرغبه ولا بعد ماتعرفين تتذوقين خخخخ

اذا عندك بورده جوز الهند ذوبي 4 ملاعق بكوب ماي اذا ماعندج قوطي روووب

قوطي ونص عيش ((( حطي لج في يونيه العيش قوطي سميد فاضي للقياس )) غسليه وودنيه

××××××××××××××××××××××××××××××

نبدا طبخ ..

اول شي البرياني له اكثر من طريقه .. في ناس تحب الدياي مقلاي .. وفي ناس لا ..

انا بقولج اللي مو مقلاي اسهل لج تختصرين يعني شوي ..

اول شي حطي البصل بالزيت وحمريه شوي لا تحرقينه ... وحطي عليه الطماط والفلفل الاخضر وكم حبه ورق غار (( هب تحطين القرطاسه كلها هه))

حمسيه مع بعض لين يذوي الطماط .. حطي فوقه الدياي والبهارات ملح فلفل بزار مذر حطي ملعقه كبيره وملعقه صغيره كركم..

وحركيه ... هاتي كوبين ماي كبار وصبيهن فوقه ..

وسكريه لين ينشف شوي مع التحريك ...

بنفس الوقت انتي حاطه قدر ثاني تطبخين العيش..

حطي ماي نص قدر وسط وخليه يفور وحطي عليه العيش المغسول .. وخليه يفور اول مره وبعدين قصري عالغاز ........ فاهمه

وكل شوي شيكي عالدياي .. لين يبدا ينشف ,, وتذوقيه جان يباله ملح ..

قبل ما ينشف الماي عن الدياي حطي عليه روب او حليب جوز الهند اللي يعيبج..

وخليه ينطبخ معاه لييين تصير ناشفه الصالونه ..هب تكون لااااصقه بالجدر لاا يعني فيها روح شويه ..

وهناك عقب ما تطبخين العيش وتشوفيه استوى لين .. اشخليه .. وخلي الماي ينشف عنه

وهاتي صبغه صفرا ..((( تلقينها حتى في الدكان الي عدال بيتكم )) قولي صبغه مال عيش

حطي ربع ملعقه صغيره باتسكانة ماي ,, وذوبيها ..

عقب ما ينشف العيش هاتيه وحطيه فوق الدياي وصبي فوقه الصبغه دوريها فوقه..

وغطيه بالمنيوم وسكريه بغطا زين .. وخلي النار خفييييييييييييييييييييييفه عليه لمده 5 دقايق

والف عااااااااااااااااااااااااااافيه على قليبج حبوبه

<< عيزتيني خخخخخخخ