محتاره ..حيره ما بعدها حيره

[سراب_دبي]

السلام عليكم ورحمة الله وبركاته..هذه أول مشاركة لي في هالمنتدى الغاوي إلي صدق حسيت إن يستاهل ان في حد يكتب ويشارك فيه ..وعندي مشكلة وحابه اسمع آرائكن في الموضوع

انا محتاره بين اني اسوي حفلة عرس وإلا لا؟؟؟ بصراحه مفكره اني اسوي حفله صغيره ألبس فيها شي حلو وبسيط واعزم أقرب الناس وعقب اسافر مع ريلي ..ما ابغي اسوي حفلة عرس ومعازيم ودق وحشره ..شو رايكن؟؟ اتم على رايي وإلا اغيره؟؟؟

اتمنى اني اسمع رايكن في الموضوع وإني أوصل للحل

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حمده]

انا راي ان هذي ليلة العمروما تتفوت

كل شي تقدرين اتعوضينه من سفر وعزايم

بس العرس والفستان الابيض ولمت الناس حواليج

وانت ملك ما يتعوض ابدا

[Miss.UAE]

اول شئ ألف مبروووك
وثاني شئ لو انت يوريلج واهلج مقتنعين عيل اقووولج سويي اللي تبينه ولا تسرفين او تحملين عمرج وريلج فوق طاقتكم واتمون اتحاتون الديون وغيره

[قماشه]

حبيبتي انا من راي انج اتسويين حفلة عرس وتعزمين كل اللي تعرفينه لأن هالشي يستوي مرة فالعمر ، ولبسي فستان عرس غاوي ومب شرط يكون غالي ،،، وياعزيزتي الدين أجاز الضرب بالدف لإظهار الفرحة فإنت سوي اناشيد دينيه حق الأفراح ولا تخلين الصوت صاخب لانج ماتحبين الحشره ،( هذا لو انت ماتحبين الأغاني) ...

[Baith]

شوفي انتي في بلاج اتسوين حفله بيسطه استخبري فالخيره فيما اختاره الله

[ذات الحياة]

الله يوفقج ويسعدج يارب

يابوج سوي عرس وفرحي

يوم عندج أهلج وربيعاتج

الله يبارك لج ويوفقج

[أحلى زعل]

والله انا من رايج،،، دايماً اتيي في بالي نفس الفكرة.. الواحد الصراحة مل من الأعراس والروتين.. بطريقتج هذي اتسوين حفلة بسيطة (تحجزين مثلاً في مطعم رومنسي وهادي) واتفصليلج فستان غاوي وبسيط واتحطين أغاني كلاسيك هادية ماله داعي للدق وايد وعشاء راقي من المطعم بيكلفج أقل عن العرس والحشره واعزمي الناس القراب...

انا في رايي الأعراس ممله الصراحة وكل مره نفس الشي ومهما ذبحتي عمرج وركضتي حق العرس الناس ما يعجبها العجب وبيطلعون 100 علة في عرسج. فبطريقتج هذي بتسوين حركة يديده وفي نفس الوقت بتوفرين فلوس العرس حق السفر تقدرين اتسافرين دولة أوروبية بدال ما ايقولج ما عندي فلوس خلصوا على العرس قومي انسير دولة خليجية... وبيتوفرلج فلوس اكثر عشان مثلا اتأثثون الشقة اذا انت طالبة سكن بروحج.. فمن رايي تمي على كلامج إلا اذا ريلج مقتنع بالفكرة.

[Cute_Barbie]

والله فرحه العرس ما تتعوض اختي .. لازم اتسوين لج حفله و اتعزمين كل اللي تعرفينهم من ربيعاتج .. انتي لاحقه على السفر .. اهم شي تستانسين انتي و ريلج ..

[نــــوره]

امممممممممم

هاذي ليلة العمر

ما تتفوت

و اعرف وحده ما سوت عرس سافرت هيه وريلها

و اندمت

تقول يوم تسير اعراس تتخيل عمرها لابسه ابيض

و مسويه عرس كبير

و لا البوم .. و لا حنا عرووووووووووس

[سلامــــة]

فديتج هذي ليله العمر


لازم تسووووووووووين عررررررررررررس

والله يوفقج ويرزقني بولد الحلال

[سراب_دبي]

مشكورة خواتي الغاليات ..ردودكن حلوه بس انا قصدت الحفلة الصغيره لأني ما ابغي اراكض واصرف مصاريف مالها أول ولا آخر ..وفي الاخير محد بيعيبه شي ..ممكن ألبس فستان ابيض واقرب الناس حوليه واصور لأن الصور إلي بتم.. احس العروس وايد تتعب ..ما ادري ...؟؟
خلوني اسمع رايكن يا بنات

[سراب_دبي]

فديتج هذي ليله العمر


لازم تسووووووووووين عررررررررررررس

والله يوفقج ويرزقني بولد الحلال

فديتج يا سميت بنت أخوي..الله يرزقج بالزوج الصالح والذرية الصالحه يا رب

[كيوت الامارات]

انا من رايي الصراحة انج اتمييين على رايج لانه صدق الواحد مل من هالاعراس اللي كلها نفس الشي وحش الحريم تعالي اسمعيه والله غيري هالروتين واكسريه وسوي شي تستانسين وتوفرين فنفس الوقت يعني قبل كانت الاعراس بالبيت والله كانت وناسه ما بعدها وناسه بس الناس الحين مظاهر مظاااااااااااااااااااااااااااااااااااااااااااااهر بمعنى الكلمة

[فتاة راك]

حلو..............اذا انتوا عايبنكم..........وتوفير احسن لكم

[القوية]

اختي
اللي انتي مقتنعة فيه سويه،،
لكن يكون قرارج نهائي عشان ما تندمين
و أي شيء يريحج مب بالضرورة يعجب غيرج
دام انه مب غلط
و مرتاحة له
توكلي
الله ييسر لج أمورج
و حياة هانئة لكم ان شاء الله
والله يسعدج