ابي شوركم...

[غزلونه]

السالفة وما فيها إني أداوم في بنك، و أنا ساكنه عيمان ، يتلي فرصه في دبي القابضة بس المعاش اللي بيعطوني إياه بيكون شرات الراتب اللي بأخذه يوم بترقى إن شاء الله ، واللي هو المفروض هالشهر إن شاء الله ، وبعد يوم أفكر الدرب يبكون بعيد علي ، دبي و أنا في عيمان وعندي عيال ، ودوامهم من 8 لين 5 ، متى بظهر من البيت ومتى برد له على هالزحمه..
المشكلة إني استوى لي أسبوعين أدوام من السبت لين الخميس بدون أجازه ، عندنا نقص في الموظفين قلت ما عليه ، المديرة المباشرة علينا قالت لي أنا واللي وياي في الشغل لا تاخذون إجازات ، لين ما يردون الموظفين، واللي هو المفروض على هالاسبوع ، اتفاجأت يوم الخميس اللي طاف إنها عطت اللي وياي أجازه ، يوم كلمنا المدير أنا ومسؤولتي قال لنا إنهم كلموه وقالوا له إنهم رمسوا المسؤوله وهي تقول ما رمسوني ، عاد أنا قلت له إني أبي يوم الأحد أجازه عند أشغال أبي أخلصهم ، قال لي اوكيه..
اليوم و بعد ما ظهرت من دبي القابضة( ما رضيت أوقع قلت أبي وقت أفكر وقالت لي اوكيه) ، لقيت في الموبايل حوالي 5 مكالمات من الدوام ، يوم رديت اتصل ، كلمتني المديرة ، أو بالمعنى الأدق صارخت علي ، قالت لي كيف تاخذين أجازه وقلت لمن ، قلت لها وأنا أرمسها بهدوء قلت للمدير ، قالت لا هو قال انه ما يعرف، وتمت تصارخ وبعدين قالت خلاص بللا، وسكرت، طبعا أنا فار دمي ،على فكره علاقتنا كانت اوكيه، وآنا مب الناس اللي يسوون مشاكل في الدوام، ومتى ما طلبوني حتى لو في يوم إجازتي أداوم..
رديت اتصلت لها وقلت ، فلانة تراج صارخت علي ، تدرون شو قالت خلاص الموضوع عندي منتهي ، وسكرت ، عاد أنا يسلت أصيح من الغصة ، ريلي يقول ما تستاهل هالانسانه انج تصيحين ، قلت له مب عشانها ، أنا أصيح على عمري ، عيل أداوم مثل الحماره على هالراتب ، وإذا حد غاب ما أقول شي ، وأخرتها هاذي جزاتي، مسكت عمري شوي واتصلت للمدير ، وقلت أنا ما رمستك ،قال هي بس أنتي ما رمستيها رديت عليه كنت أنت لازم أتخبرها مب أنا، عالعموم أنا بقدم استقالتي، قالي ما تستاهل السالفة، طبعا هو زايع في وايدين من الموظفين طلعوا من القسم اللي استقال واللي انتقل ، محد تم ، بس أنا اصريت..
الحين أنا هديت، وفكرت هل إني استمر وأقدم استقالتي، ولا اطلب نقل لشغله ثانيه.. خصوصا إني ما اقدر أداوم معاها في نفس القسم يوم زيادة....
اتريا شوركن وان شاء الله ألاقي الحل عندكم..

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[شما المحيربي]

لا حول ولا قوة الا بالله العلي العظيم ولله حاله


نفس الشي

انكرف كراف ومحد مقدرررررررررررررررررر

[غزلونه]

لا حول ولا قوة الا بالله العلي العظيم ولله حاله


نفس الشي

انكرف كراف ومحد مقدرررررررررررررررررر

والمشكله انه اعز ما على الواحد كرامته ، يحسبون الشخص يوم يحشمهم انه ما عنده شخصيه ..
عالعموم مشكروه على وقتج عزيزتي..

[الأسطـــــوره]

الله يعيييييييييييييينج هذا اللي يخوفني بالشغل ... مادري حبيبتي استخيري وشاوري ريلج واللي فيه الخير بيصير ان شاء الله

[شنيوبة]

أختي شوفي هاذي الطريقة سامعه عنها في التلفزيون...

هاتي ورقة وخلي فيها عمودين عمود الإيجابيات وعمود السلبيات...

أكتبي شو الإيجابيات إلي بتحصلينها إذا تميتي في دوامج وشو الإيجابيات إلي بتحصلينها إذا سرتي

الدوام الثاني...ونفس الشي السلبيات...

يعني مثلا الراتب إذا كان في دبي القابضة أكثر يعتبر شي إيجابي...بس أهم شي الراحة يعني لا تفكرين

في البيزات كثر ماتفكرين في راحتج...وبتدفعين للبترول أكثر يعني شي من الراتب بيسير للبترول...

ثاني شي وإلي مفروض يكون أول شي: فكري في المكان الحــــــــلال يعني إنتي تقولين أنج تشتغلين في بنك بس ماحددتي إسلامي وإلا لا...إذا كان إسلامي

أوكي بس إذا كان ربوي أنا أنصحج إنج تطلعين...قال رسول الله صلى الله عليه وسلم: "درهم ربا يأكله

الرجل وهو يعلم أشد عند الله من ستة وثلاثين زنية". يعني الربا مب شي هين...

واستعيني بالإستخارة....

[بنوته راك]

الله يعيييييييييييييينج

[غزلونه]

الأسطوره ، شنيوبة ، بنوته راك...
مشكورات عالعمرور

[أم ذياااب]

استخيري و الخيرة في ما اختاره الله يا اختي

اولا : اذا البنك ربوي استقيلي (بدون تفكيييييييييييييير حتى ) لان ربج يبالج الخير و ياج عذر الاستقالة على طبق من ذهب نفس ما يقولون ...

ثانيا : اذا ما كان ربوي خذي ورقة و قلم و قسمي الورقة نصين نص البنك و نص دبي القابضة و كتبي السلبيات و الايجابيات في كل عمل و مدى تأثيره على حياتج و بيتج و عيالج و ريلج ...
و لازم تحطين في بالج عيالج وكيف تعوضين فترة غيابج عنهم هل بترجعين ترتاحين او تجابلينهم لان اهم مرحلة في عمر الطفل و اللي تحدد مدى تعلقه بأمه و ابوه هي أول 10 سنوات اذا كبر و ما كان عنده تعويض ،، يوم بيكبر ما بيفرق عنده يسال عنكم او لا و هذا كلام خبراء و دكاترة علم النفس هب كلامي ... و انتي حطي هالاشياء كلها جدامج و قرري و توكلي على الله يا اختي ...

وأسال لج التوفيق في حياتج كلها وين ما كنتي و وين ما سرتي ....


اختج
أم ذياااب

[غزلونه]

أختي ام ذياااب مشكورة عالعمرور..
وانا صليت الاستخاره اكثر من مره ، ويوم روحت علشان اوقع العقد ما قدرت ، حسيت عمري متردده..
والمشكله الثانيه اللي تخليني احاتي.. ان عندي 3 عيال الله يحفظهم من كل شر، وكلهم اعمارهم اصغر عن 5 سنين، و هذا اللي معور قلبي..

[anglsky]

استخيري ربج والخيره فيما اختاره الله

[ملكه دبي]

الله يعينج فدنياج مثل ما قالوا خواتي استخيري الله، واذا كان البنك ربوي استقيلي
واذا كان اسلامي، اطلب انه يغيرون قسمج والله يوفقج فحياتج، دبي القابضه يرقون في فتره زمنيه قصيره لكن دوامهم طويل على ما اظن لين الساعه 6

موفقه باذن الله