اسأل مجرب

**miss fan** · 2007-08-05, 15:54

السلام عليكم..
شخباركم خواتي .. انا عضوة يديدة..وحابة اشارك.. وفي كل منتدى لي فيه راح تشوفون لي مشاركة..
وفي هالمنتدي.. الي تبى تسأل اي سؤال عن الحياة الزوجية او الحمل او الولادة او تربية اليهال.. حاظررييييييين.. لاني والحمد لله معرسة وعندي بيبيات ومثقفة.. واحب اشاركم واساعد اليداد الكتاكيت..

اترياكم

المزيد من آخر المواضيع من نفس القسم:

**فرصاده** · 2007-08-05, 17:24

جزاج الله الف خير..

اول سؤال،،،

كيف انخلي البنت تاكل،،

بنتي عمرها 3 اسنين وما تاكل بالمره..اتنقب شرات الديايه

شو الحل وكيف افتح نفسها للاكل؟؟؟

**miss fan** · 2007-08-06, 13:54

هلا الغالية
اول شي عرفي الاشياء الي تحبها بنتج والي ما تحبها
وابدي بالاشياء الي تحبها
عالاقل عشان تضمني شي
وعلى راحتج ابدي بالاشياء الي ما تحبها
نوعيلها الاكل.. لان الياهل يمل بسرعة
سويلها قصة .. لان الطفل خياله واسع
اخلطيلها الاشياء في العصير اوالكيك
اوعديها بهدية اذا كملت طبقها.. الموضوع يباله مساحل
وديها بيبي شوب وخليها تختار الاطباق والاكواب الي بتاكل فيها عشان تفتح نفسها

احيانا يمتنع الطفل عن الاكل للفت انتباه الاهل

وطمنيني عليها

***ام ميثة*** · 2007-08-06, 14:13

هلا اختي انا الحين 36اسبوع و6 ايام ومن اسبوعين كان فيني ويع ورحت المستشفى سوتلي الدكتوره تخطيط وقالتلي انه فيني انقباضات ،وان الرحم مفتوح سانتي ونص وانه مرن من تحت ورقدوني في المستشفى.
انا فيني اوياع تيني واتروح فابا اعرف عادي اشرب شاي زعتر وافكر اشرب الخروع .
فشو رايج ؟ مشكوره

**miss fan** · 2007-08-06, 22:25

اختي..
الله يقومج بالسلامة..
انت الحين في وضع الأمان .. يعني متى ما تربين عادي
لا تستعيلي..
واذا كنت متعودة تشربي زعتر وخروع مب مشكلة..
بس الأحسن في الايام الأخيرة من الحمل التغذية من الحديد والكالسيوم..
والمهم بعد تلاحظين حركة البيبي وتشيكين نبضات القلب

ولا تنسين تدعيلنا في وقت الولادة

***nawari*** · 2007-08-07, 00:16

يا مرحبابج فالمنتدى

و يزاج الله خير بصدعج ويا اسألتي هههههه و خصوصا اني حامل فالبجر

سؤالي هو:

أنا الحمدالله فالتاسع و باقلي اسبوعين عن موعد ربايه فبقيت اعرف إذا طفت الموعد شكثر بتتريا علي الدكتوره؟؟
و أنا وااايد هيزه هههه ما امشي وايد و هلكت امي ويايه فاليوم مشيت حق يمكن ساعه و احين احس بويع آخر ظهري و احس بثجل شوي هل ها عادي؟؟
و هل عادي الجماع و انا احين باقلي اسبوعين؟ و انا سمعت انه وايد يخفف الولاده هل ها صدق وإلا؟؟

و مشكوره ادري ما انعطا ويه ههههه

**miss fan** · 2007-08-07, 13:04

يا مرحبابج فالمنتدى

و يزاج الله خير بصدعج ويا اسألتي هههههه و خصوصا اني حامل فالبجر

سؤالي هو:

أنا الحمدالله فالتاسع و باقلي اسبوعين عن موعد ربايه فبقيت اعرف إذا طفت الموعد شكثر بتتريا علي الدكتوره؟؟
و أنا وااايد هيزه هههه ما امشي وايد و هلكت امي ويايه فاليوم مشيت حق يمكن ساعه و احين احس بويع آخر ظهري و احس بثجل شوي هل ها عادي؟؟
و هل عادي الجماع و انا احين باقلي اسبوعين؟ و انا سمعت انه وايد يخفف الولاده هل ها صدق وإلا؟؟

و مشكوره ادري ما انعطا ويه ههههه

اختي الحلوة
اخذي راحتج
ما دام دخلت التاسع بتربين في اي وقت انا ربيت مرة عالموعد والبجر اول التاسع
والثقل وويع اخر الظهر من علامات الولادة
ومفعول المشي طلع
واحسن شي المشي على السيفة
واذا عديتي الموعد باسبوع عادي
بس لازم تراقبي حركة البيبي وتراجعي الطبيبة
هذا اذا ما زخوج بالمستشفى
والجماع عادي واثبت علميا انه زين بس مب بدفاشة
شوي شوي وبالوضعية الي تريحج
ويوم بتربين اما بينزل ماي او دم
فلا تخافين.. بس بما انج بكرية لا تتري في البيت..
وجهزي شنطة حقج وشنطة حق البيبي من الحين..
وحطي تمر ولا رطب وكليه يوم بتحسين بويع الولادة..يسهل الولادة
ولا تشربين سوائل وايد.. عل الخفيف عشان ما ترجعين..
واقري سورة الزلزلة طول فترة الويع..
واي اية او دعاء..
واذكرينا..
وتقومين ان شا الله بالسلامة..

***ام ميثة*** · 2007-08-07, 13:14

اسمحيلي اختي بتعبج باسئلتي لكن فيني اوياع خفيفه ،وريلي بيسافر خلال اسبوعين فافكر ايرب اشرب الخروع لكني ما يربته قبل وقالولي انه نوع من انواع الحلول فشو رايج اشربه والا اسير افحص عند دكتوره قبل ؟

**miss fan** · 2007-08-07, 13:23

الغالية ام ميثة..
كل ما تم الياهل في البطن كل ما اخذ كفايته من الحديد والكالسيوم.. وكبر حجمه..
بس الافضل تستشيرين دكتورة.. عندي ربيعة امها تسقيها حلول عشان تربي.. بس ما دري عندج وقت تريي :اسبوع حق البيبي.. وبتم اسبوع حق ابوه عشان يشوفه..

وان بعد بسال لج دكتورة خطيرة..

وبرد عليج مرة ثانية

***ام ميثة*** · 2007-08-07, 13:45

مشكوره اختي عالرد انا الحين في 37 اسبوع وريلي رايح علاج مع عمي واحتمال الاسبوع الياي ، اذا تعرفين دكتوره في بوظبي اسير عندها ؟

**فطامي 25** · 2007-08-08, 10:40

مرحبا الغالية ..
انا مشكلتييه اني وايد احس بخوف من انه يوم بربي اخاف يستويلي شي .. او اموت ووايد زايغه ادري انه وسواس بس ماخليت شي ماسويته عشان اسيطر عليه .. انا الحينه في نهاية التاسع .. واعتقد انيه اعاني من الاكتئاب عشان بروحييه في البلاد الاهل كلهم مسافرين عنييه ..
اتمنى انكم تدعولييه ان الله يقومنييه بالسلامه ويخليني لعيالييه فدييييتم .

**miss fan** · 2007-08-08, 14:35

ام ميثة ركزي انت في اي شهر.. ترى في فرق وايد بين 27 و 37

المهم سيري امشي عالسيفة.. يالله نبى نسمع خبر حلو..

وبالشفاء للجميع..

**miss fan** · 2007-08-08, 14:36

فطامي اختي اول مرة تربين؟

***ام ميثة*** · 2007-08-08, 15:01

اختي انا 37 اسبوع

**miss fan** · 2007-08-09, 01:29

ام ميثة الغالية سامحيني احوليت..

في وحدة سالفتها مثلج..

في منتدي الحمل.. بس هي تشرب الحبة الحمرا..

اختي متى ما الله كاتب بيي الياهل

وانا ائيد المستشفيات الحكومية..مب الخاص كله مقصة

فبوظبي زايد العسكري و الكورنيش وايد اوكي

وانا اعرف دكتورة بس الحين مسافرة ولا بوصيها عليج..

وعليج بالمشي عسيفة البحر..

وطمنينا..

الموضوع: اسأل مجرب

أدوات الموضوع

عرض