اسأل مجرب

**سنقباسي** · 2007-08-09, 02:57

في البدايه احب اشكرج حبيبتي على هالبادره الطيبه

الله يعطيج الصحه والعافيه يا رب

حبيبتي انا حامل في اول الخامس وداااااااااايما نهاية ظهري احسه بينقص

وعزكم الله لو ما اشرب ماي اروح الحمام ولا الاربع مرات ورا بعض

وغير جي احس بنزول ان بطني نازل ماعرف هل ها طبيعي والا كيف

وبخصوص الادويه انا ما اقدر اصرط الادويه مووووول اتعب منهن

هل يظر على صحه الجنين والا كيف ؟؟

**همسة فرح** · 2007-08-09, 14:16

إختي الغاليه ....MISS FAN
أنا احين في الثامن.....ومن كنت في الشهر السابع وأنا أعاني نفس الألم ...أحس بالم في العضلات اللي أسفل الرحم ويوم خبرت الدكتوره طبعاً ما عطت أهميه للموضوع....والألم يكون قوي يوم أنام في الليل وما روم أتحرك على الجهه الثانيه من شدة الألم...وساعات ما أقدر أمشي هل هالألم طبيعي؟؟؟
وجزاج الله ألف خير ...مع العلم إنه هي حملي الثالث وما صار فيني قبل جيه
ومشكوره

**miss fan** · 2007-08-09, 19:59

المشاركة الأصلية كتبت بواسطة سنقباسي

في البدايه احب اشكرج حبيبتي على هالبادره الطيبه

الله يعطيج الصحه والعافيه يا رب

حبيبتي انا حامل في اول الخامس وداااااااااايما نهاية ظهري احسه بينقص

وعزكم الله لو ما اشرب ماي اروح الحمام ولا الاربع مرات ورا بعض

وغير جي احس بنزول ان بطني نازل ماعرف هل ها طبيعي والا كيف

وبخصوص الادويه انا ما اقدر اصرط الادويه مووووول اتعب منهن

هل يظر على صحه الجنين والا كيف ؟؟

هلا اختي..

اختي اهتمتمج بصحتج ضروري خلال فترة الحمل.. مب عشان البيبي بس.. عشانج انت بعد..

والماي لازم تشربين بما يعادل دبتين مسافي... ماي وشوربة وعصير..
نوعي وايد.. لان ادري نفسية الحامل غير..

واذا انت ما تتحملين الحبوب.. عوضي بالأكل.. كله عشان دمج ما ينزل.. أهم شي الفيتامينات(فاكهة- سلطة خضار متبلة بالليمون) والحديد(لحم- تين- تمر او رطب-جرجير- رمان- صفار البيض)..
والكالسيوم(روب - حليب- مهلبية- لبن- بياض البيض)

ودايما ريحي ظهرج.. ورفحي ريلج فوق يمكن تحسين براحة.. نص ساعة مرتين في اليوم

ولا تمشين وايد لين ما تدشين التاسع باذن الله.. بس حركة خفيفة المعتادة

واهم من هذا كله.. تراجعين عند دكتورة وحدة تتابع حالتج.. تسوي لج فحص دم وبول.. وتشوف وضع الجنين بالسونار

هذا كل الي اقدر اقوله لج..

وموفقة ان شا الله

**miss fan** · 2007-08-09, 20:03

المشاركة الأصلية كتبت بواسطة همسة فرح

إختي الغاليه ....MISS FAN
أنا احين في الثامن.....ومن كنت في الشهر السابع وأنا أعاني نفس الألم ...أحس بالم في العضلات اللي أسفل الرحم ويوم خبرت الدكتوره طبعاً ما عطت أهميه للموضوع....والألم يكون قوي يوم أنام في الليل وما روم أتحرك على الجهه الثانيه من شدة الألم...وساعات ما أقدر أمشي هل هالألم طبيعي؟؟؟
وجزاج الله ألف خير ...مع العلم إنه هي حملي الثالث وما صار فيني قبل جيه
ومشكوره

مشكورة اختي ..

انا كان في نفس الالم..

اعتقد والله اعلم يعتمد على وضع البيبي..

يعني هو ما خذ راحته شوي..

واذا تميتي مب مرتاحة سيري عند دكتورة ثانية.. بس موثوق فيها..

واذا قالت لج نفس الكلام.. اطمني.. والله يقومج بالسلامة

**سنقباسي** · 2007-08-10, 01:02

يطول عمرج يا ربيه

ما شاء الله عليج احسبج دكتوره صدق

ان شاء الله بسوي اللي تقوليبه و ان شاء الله خير

**F6amy K** · 2007-08-10, 04:27

حبيبتي سمعتي عن عشبة اسمها الأرطة؟

**أم موفي** · 2007-08-10, 08:58

هلا والله الغالية ..

عيبني موضوعج ....

بغيت اسالج ... انا يوم ربيت وطبعا اول ياهل .. الياهل ما طلع سيدة ... وبعدين النيرس سوت لي خياطة وايد بس للاسف الخياطة ما كات اوكي.... احس انه المكان وايد توسع عندي وما اعرف شو اسوي ...؟؟؟ مليت والله .... وما عليج امر الغالية لو عندج شي مضمون و مجرب خبريني ....

والسموحة ...

أختكم

أم موفي

**miss fan** · 2007-08-10, 14:15

المشاركة الأصلية كتبت بواسطة F6amy K

حبيبتي سمعتي عن عشبة اسمها الأرطة؟

لا اختي للأسف ما سمعت

هذا الاسم باي لهجة؟

**miss fan** · 2007-08-10, 14:20

المشاركة الأصلية كتبت بواسطة أم موفي

هلا والله الغالية ..

عيبني موضوعج ....

بغيت اسالج ... انا يوم ربيت وطبعا اول ياهل .. الياهل ما طلع سيدة ... وبعدين النيرس سوت لي خياطة وايد بس للاسف الخياطة ما كات اوكي.... احس انه المكان وايد توسع عندي وما اعرف شو اسوي ...؟؟؟ مليت والله .... وما عليج امر الغالية لو عندج شي مضمون و مجرب خبريني ....

والسموحة ...

أختكم

أم موفي

أختي أنا ما حب اتعبث وايد بالاماكن الحساسة..

كل الي تقدرين تسوينه هو التطهير بالمسك بعد الحيض .. والغسول بالماي والملح..

وفي تمرين حق عضلة المهبل يساعد على شدها لمدة خمس دقايق كل يوم.. وانت يالسة او نايمة او واقفة..

مع الشهيق شديها على فوق ومع الزفير ارخيها..

هذا اوكي وايد..

وفي بعد العمليات الجراحية.. وهاي يبالها استشارة طبيبة استشارية.. ولازم موافقة الزوج..

اتمنى اني فدتج بشي..

بالتوفيق ان شا الله

***ام ميثة*** · 2007-08-10, 15:08

عندي سؤال عن الافرازات اللي تنزل عادة للحامل انا في التاسع وطبعا كانت تنزل مني افرازات البيضه لكن من يومين قامت تنزل مني افرازات بيضه على شكل خيوط غليظه .
والحين صار لي يومين ما ينزل مني شي ، فهل هالشي عادي ؟

**miss fan** · 2007-08-10, 15:43

المشاركة الأصلية كتبت بواسطة *ام ميثة*

عندي سؤال عن الافرازات اللي تنزل عادة للحامل انا في التاسع وطبعا كانت تنزل مني افرازات البيضه لكن من يومين قامت تنزل مني افرازات بيضه على شكل خيوط غليظه .
والحين صار لي يومين ما ينزل مني شي ، فهل هالشي عادي ؟

أكيد الغالية عادي..

وان شا الله يوم بتربين بتفتكي من هالسوالف

المهم مافي حكة أو ريحة كريهة..

***ام ميثة*** · 2007-08-10, 16:04

لا اختي الحمدلله

**أم موفي** · 2007-08-10, 18:49

مشكورة الغالية وما قصرتي ....

أختكم
أم موفي

**miss fan** · 2007-08-11, 16:39

خواتي الحبيبات مشكورين عالثقة واتمنى إني قدرت أساعدكم بالشي القليل..

والله يوفق الجميع لما فيه خير..

أختكم المحبة..

**miss fan** · 2007-08-16, 01:02

اشتقت لأسألتكم .. هاهاها

الموضوع: اسأل مجرب

أدوات الموضوع

عرض

المواضيع المتشابهه

تجاعيد العين \\\ اسأل مجرب ولا تسأل طبيب

اسأل مجرب ولا تسأل طبيب ....

انفلونزا الخنــــازير (( الجـــزء الثـــــاني ))..اسأل مجرب..!!!!!!!!!

اسأل مجرب ولا تسأل طبيب؟؟.*** ( القولون العصبي ).. ادخلو...*

علاج طبيعي للربو " اسأل مجرب ولا تسأل طبيب"