السلام عليكم،،،
بما ان اللي ذاق هالبسكويت أعجب فيه فقلت احطه لكم هنيه ان شاء الله تستفيدون،،، وتدعون لي<< أهم شي
بسكويت هش ولذيذ،، وفوق هذا بسيط جدا،،
الخلطة مش من عندي ،، الخلطة مشهوره وممكن تلقينها في اي مكان،،
انا استخدم كوب الوزن بالجرامات بالضبط،،عشان جيه مرتاحه،، وانصحكم تستخدمونه،،
وهذا بالضبط نفس اللي عندي ويشتغل على بطارية اشتريته من محل ما اذكر اسمه بس هو آوت لت في الخالدية مول
المقـــــــــــــــــاديــــــــــــــــــــــــــ ــــــــــــــــر
1- البسكويت :
180 جرام زبدة بدرجة حرارة الغرفة
ملعقة شاي : فانيليا
110 جرام سكر بني لين "مش ناشف"
بيضة واحدة بدرجة حرارة الغرفة
185 جرام طحين متخمر مشخول sifted
105 جرام طحين رقم واحد مشخول sifted
ربع ملعقة شاي بيكربونات الصودا
50 جرام ناريل coconut
2- الكريمة:
اي مربى تحبينه ويفضل فراولة ، رازبيري
60 جرام زبدة بدرجة حرارة الغرفة
120 جرام سكر بودرة
2 ملقعة شاي حليب
الطريقة:
شغلي الفرن على حرارة 180
في الخلاط
اخلطي الزبدة مع السكر مع الفانيليا بعدها
ضيفي البيضة وضيفي المقادير الجافة بالتدريج
بعد تكون العجينة كوري بإيدج مقدار بسيط من العجينة (او حسب كيف تحبين البسكويت كبير او صغير) وتحطين الكورة على الصينية وتضغطينها بشكل بسيط جدا جدا
لأنها بأي حال بتفرش بعد ما تدخل الفرن وبشوكه اضغطي عليها عشان تعطينها شكل
نصيحة 1: اختاري صينية تكون بدون جوانب او جوانب قصيرة فايدتها في انها توصل الحرارة للبسكويت من كل النواحي،، او صينيتك العادية
نصيحة 2: متى تعرفين البسكويت استوى اضغطي البسكويته بصبعج كأنج تريدين تحركينها من مكانها إذا تحركت معناتها انتهت
نصيحه 3: انا استخدم صينية تيفال ولأنها ما تلصق فما امسح عليها زيت،،، شوفي انتي كيف صينيتك ،، او حطي عليها الورق،، الخاص
نصيحة 4: لا تستعيلين على البسكويت خليه لحد ما يبرد وبعدين حطي عليها الكريمة.
طريقة الكريمة:
في الخلاط : زبدة مع الفانيليا مع السكر والحليب واخلطي
وإذا حبيتي تضيفين لون ممكن بدال اللون الأبيض
بعدين حطيه في ورق عصر الكريمة للسهوله ،،، او ممكن تستخدمين ملعقة إذا ايدج ثابته وما تخافين <<< يا جريء
بعد ما يبرد البسكويت حطي طبقة من الجام وطبقة من الكريمة
وبالعافية عليكم،،
ودعــــــــــــــــــــواتكم،،المزيد من آخر المواضيع من نفس القسم:
- طريقة عمل كنافة بالعسل اللذيذه
- طريقة عمل كيك الاناناس الهشه
- طريقة عمل كيك البرتقال الشهية
- طريقة عمل كيك الكاكاو السهل
- طريقة عمل بسبوسة السينابون السهله
- طريقة عمل كنافة بالمهلبية السهله
- طريقة عمل معمول التمر السهل
- طريقة عمل كيك التمر اللذيذ حصري
- طريقة عمل كيك التمر السهل حصري
- طريقه عمل كيك النستله السهل
للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا
المشاركة الأصلية كتبت بواسطة cdlccakes
.gif "12 (69)")
