حابه افضفض,,,,,مضايجه

**دم وردي** · 2011-12-04, 00:23

السلام عليكم

شحالكم خواتي؟عساكم بخير
بنت عمري 17 سنة شطورة ومجتهده في دراستي وايد الحمدلله و طموحاتي عالية

حياتي تغيرت و كل شىء تغير عقب وفاة ابوي ما كنت احس ان بيستوي فيني جي و احس عمري مهمومه

لما ابوي توفى (تقريبا قبل 3 شهور) اتمسكت بصلاتي وديني اكثر واكثر صرت احترم الناس اكثر و اتقربت لربي اكثر واكثر ان كل انسان ممكن يموت باي وقت وباي ساعة قبل كنا نقول بعدنا صغار نسنانس ونطلع و نيي ونتمشى بس احين تغيرت هالفكره عندي ان شو الي يضمن ان نعيش و نكبر ونتزوج

المهم

علاقتي جدا سطحيه مع بنات خالتي وعماتي و باقي اهلي حتى ربيعاتي الروح بالروح عمري ما حبيت ولا تعودت ايلس اشكي لهم الحال ,املي الوحيد كان ب حرمة اخوي انها معانا بالبيت و جي ونسنانس ونضحك ونسولف

بس طلعت شىء ثانىء كل يوم مسوية ضرابة في البيت حتى ماتخلي اخوي بنزل تحت يشوفنا(اخواني و خواتي كلهم صغار تحت ال18 اخوي هو الوحيد الي متزوج وكبير و يشتغل ويسووق)

قبل كنت احتاج الجمعيه اقول حق ابوي ودني الجمعيه ودني المول اشتريلي ثياب

بس الحين كله يالسه في البيت محتاجه وااايد اغراض بس محد يوديني اخوي عمري مااقلتله شىء قبل كنت اقول حق ابوي الحين اخاف اقوله يرد علي انتي طلباتج وايد ولا يتضايق مااادري بلاني لاني مو متعودة اطلب منه شىء يعني هاي اول تجربه و مب عارفه كيف اتصرف و مرات استحي يعني اغراض المدرسة عادي اقوله ودني المكتبه بس الملابس والجمعيه والعبي و الشنط غير

احس عمري وحيده احس مرت اخوي ماادري كيف احسها تكرهنا احسها تبي تقطع علاقتنا باخوي

الي مرت بتجربة شرات تجربتي تساعدني
والي عندها اي كلمة تقولها لي لاني فاقدة الامل قبل كنت غير والحين تغيرت واايد

للعلم ابوي صارله 3 شهور متوفي

الله يرحمه ويغمد روحه الجنة

المزيد من آخر المواضيع من نفس القسم:

**كلي دلــع** · 2011-12-04, 00:33

يا اختي المووت حق ولا تضايقيين نفسج بالعكس ادعي لابووج بصلاتج دووم ولاتنسينه وتصدقي له بصدقات جارية
اما بالنسبة للامور اللي تحتاجينها خبري الوالدة وهي بطريقتها بتوصل لاخوج او تطلعين انتي مع امج السوق تاخدين اللي محتاجتنه وام حرمة اخوج راعية مشاكل خلج بعييد عنها

الله يصبرج غناتي ويثبتج عالطاااعة ويرزقج بالزوج الصالح علشان ما تحتاجين اي حد من الناس

**شعاع امل** · 2011-12-04, 00:46

اختي مثل ماقالت الاخت خبري امك هي بتخبره باسلوب وهو بعدين من نفسة ان شاء بسال بين فترة وفترة اذا محتاجين شي

وركزي بدراستك اهم شي في الحياة

والوالد الله يرحمة ويغمد روحة الجنة والبركة ان شاء الله في الوالدة وبقية خوانك

والموت حق على كل انسان في الدنيا اختي فماتوقفي حياتك بسبب هذا الشي اختي

**راعية الدار.** · 2011-12-04, 00:51

الله يكووون بعووونج

**دم وردي** · 2011-12-04, 01:27

تسلمون خواتي عالمشاركة

امي ماتروم تظهر مسويين عملية في ريولها

امممم انا عمري مومتعودة اطلب من حد شىء او يوصلوني لمكان

ف وحدة امها ربيعت امي و اخوانها ربع اخوي

وهي دائما تسال عنا و تيي البيت و جي

يعني واايد قريبه منا

يعني ممكن اكلم امي تكلمها لو احتجت شىء اروح معاها خاصة ان شىء للبنات يعني انا طبعي استحي واايد وااايد

شرايكم انتو

**bellegirl** · 2011-12-04, 01:36

لا حول ولا قوة إلا بالله

غاليتي

الموت حق ,, ومهما تقربنا من الناس في الدنيا

أكيد بيي يوم بيكون أجلهم أو أجلنــا ..

ونحن نآمن ان رب العالمين يكتب خير الأمور لنا

مافيها شي ان حزنتي شوية

لكن بعدها لازم حياتج تتكمل ,, لازم تطلعين من دائرة الحزن إلى دائرة التقبل

وإذا تذكرتي الوالد اذكريه بالخير وادعي له وتصدقي عنه أختي كلها اشياء وحسنات واصلة له بإذن الله ..

أما بخصوص أخوج ,, فأكيد هو بروحــه مصدوم شوية من الي استوى عشان جي ما عرض خدماته عليج

بس انتي كلميه في يوم تشوفينه مب تعبان ومرتاح

خبريه اذا يقدر يخصص لكن بس يوم أو يومين بالاسبوع يطلعكن ويختار الايام الي تناسبه هو انتن ماعندكن مشكلـة والباقي حق أهله

حسسيه ان هو ريل البيت عسب يستوعب لإن صعب الإنسان إذا ماكان يشل اي مسؤولية فجأة تستوي كل المسؤولية عليه

عادي ما يكون مستوعب اصلا

مب كرها لكم أختي بس مب عارف شو يسوي فساعديه وإيدكم في إيد بعض بتتغلبون على هذي التجربـة أختي

والدوام لله قوي نفسج وإيمانج و ربي يوفقج أختي

الله يرحم الوالد ويغمد روحه الجنه ان شاءالله

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

**omfalah** · 2011-12-04, 02:26

الله يصبرج غناتي ويثبتج

**ماحد شراتي** · 2011-12-04, 09:04

الله يرحم الوالد ويغمد روحه الجنه ان شاءالله

الغلاا لازم ترمسين الوالدة وانتي بنت وعندج احتياجاتج الخاصه والموضوع مافيه مستحى او شي

موفقه

**جيرلي** · 2011-12-04, 09:39

الله يعينج حبيبتي..
كلمي أوج خلي يعصب أول وثاني مرة.. وإذا تململ من طلباتج قولي له.. فعلاً الأب ما يتعوض.. وخليه بروحه رح يستيقظ من سباته وينتبه علىالواقع وإنه عنده خوات من مسؤوليته إنه يهتم فيهن ويشوف احتياجاتهم ويزوجهم يوم نصيبهم يجيلهم.. ربي يحفظج ويثبتج..

**قلبي خالي** · 2011-12-04, 10:33

ما ادري ليش انانية حريم الاخوان

حتى انا انصدمت لمن عرفت ان ممكن الزوجه تغار من اخت زوجها للحين انا مش عارفه شو السبب

ابوج الله يرحمه ويغفر الله الله يكون بالعون

حبيبتي شوفي لج دريوليه حرمه يعني الحين شي سواقات حريم يشتغلن للشركات ما ادري اذا شي بمنطقتكم تتصلين بهم ويونج

اما الاخوان انا احس صبعه خاصه حريم الاخوان الله يهديها ما بترتاح الا لمن يعرس عليها ريلها بشين افعالها مع اهله احس كما تدين تدان

**حــــلاوه** · 2011-12-04, 11:58

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

**دم وردي** · 2011-12-04, 14:24

تسلمون خواتي

احس حرمة اخوي اليوم مستوية طيبة و متغيرة واااايد
واخوووي بعد

امس قبل ماارقد دعيت ربي واااايد

الصبر مفتاح الفرج

**بنت الكندي** · 2011-12-04, 14:31

الله يكووون بعووونج

**أم شيخوو123** · 2011-12-04, 15:02

الله يكون في عوووونج

**3yoon 3lya** · 2011-12-04, 16:22

الله يرحم ابوج وجميع المسلمين يارب ،، الغالية حاولي اترمسين امج اترمس اخوج لين متى يعني ما بتطلبين

منه احين هو خلاص يعتبر شرات الوالد والمسوول عنكم بعد الولد الله يرحمه ،، ويوم بتروحين السوق شلي خواتج

وياج عسب ما تستحين من اخوج اذا بتنزلين لمحل تشترين لبس اوغيره ،، والله ايسر امرج وارجعي شرات قبل

اضحكي وغيره كلنا مصيرنا بنموت هااي الدنيــا محد بيتم فيهاا ..

الموضوع: حابه افضفض,,,,,مضايجه

أدوات الموضوع

عرض

حابه افضفض,,,,,مضايجه

المزيد من آخر المواضيع من نفس القسم:

المواضيع المتشابهه

حابه افضفض يخواتي

شكلي بربي قيصري بعد هاي المره .. دشو عشاني حابه افضفض ..

مضايجه وااااااااااااااااااااااااايد مضايجه وااااااااااااايد

حابه افضفض

اليوم حابه أضحك خواتي العزيزات الي مضايجه تعالي ((( تعالي 1000% راح تغير نفسيتج )))))