معاناتي مع هلي

[نونو كوكو]

السلام عليكم ورحمة الله وبركاته

شحالكم خواتي

ياما قريت مشاكل خواتي بها المنتدى

بس ما توقعت اني بكتب مشكلتي في يوم

مشكلتي مع هلي انه يرفضون كل من تقدم لي بدون علمي , والحين محد يتقدملي

لين اهني وانا ماني زعلانه منهم

بس الحين في واحد يبا يتقدملي وهو اخو ربيعتي

بس المشكلة انه غريب وهلي رافضينه

الريال ما في عيب وما شاء الله عليه دين واخلاق عاليه وطيبه

ربيعتي تقولي انه اخوها يحبني وما يبغى غيري مع انه امه حاولت وياه بس هو رافض..

ومن كثر ما تكلمني اخته عنه تعلقت فيه وحبيته,

وهو قايل عادي بيتقدم حتى لو عشر مرات بس العوق في اخوه العود..

كلمت اختي تكلم اخوي العود يحاول يقنع ابوي

واخوي كلم ابوي بالتلفون وجدامي ابوي رفض فكرة انهم بس ايون بيتنا حتى بدون ما يتقدم الريال..

وااااايد حزت بخاطري الموقف وشفت كيف ابوي رافض الموضوع

وزعلت لانه ما كلمني حتى بالموضوع, قلت قبل كانوا يرفضون على كيفهم يمكن لاني صغيره وما افهم
بها المواضيع , بس الحين كبرت على الاقل يشاورني ويخبروني برأيهم..

وانا الصراحة ما خبيت على ربيعتي الموضوع وقلتلها على كل شي وشو موقف ابوي بالضبط وهي خبرت اخوها..

شو تتوقعون ردة فعل اي الريال اذا عرف انه حد يرده بدون سبب؟؟؟؟؟

الصراحة توقعت خلاص يرفض انه يتقدملي

بس رد عليها رد ابدا ما توقعته ؟؟؟؟؟؟

قال انا متفائل خير واحساسي يقولي انه لو تقدمت اهلها بيوافقون..

والصراحة انا ارتحت للريال واااايد..

بس انا مأجله الموضوع شوي على اني اخلص دراستي

شوروا علي شو اسوي مع هلي....

كيف اقنعهم بالموضوع؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[$strawberry$]

اذا من نصيبج والله كاتب لج الزواج ماحد بيوقف بطريجج لا اهلج ولا اغيرهم
الله يكتب لج اللي فيه الخير يارب
ويجعله من نصيبج عاجلا غير آجل
^^

[مغرورة الجمال]

لو كآن من نصيبج بتاخذيييينه
لو شو ما صار ..
ربي يجمعكم ع خيير ..

[فتاة ليبيا]

ياأختي شنو تقصدي بغريب! هل انه مثلا مش من اقاربك؟ او من منطقتك

لو كنتي تقصدي بغريب انه مش من جنسيتك.... ننصحك تنحي الفكرة من رأسك... لأن الموضوع مش في صالح حد...

وان شاء الله ربي ايسخرلك اللي فيه الخير.... وصديقيني زي ما تفضلوا الأخوات اللي من نصيبك يجيك...

(اللي تصيبك ما تخطاك... واللي يخطاك ماايصيبك... وليلة قبرك مان بايت برا)

وما تخافيش... يوم حتجينا وتبشرينا بخطبتك... وان شاء الله شخص يستاهل...

[bellegirl]

استخيري أختي وما خاب من استخار

لا تستبقين الأحداث

خلي الريال يسوي شوره

وأخوج يرد يكلم الوالد أكثر عن مرة

وربي يقدم لج الي فيه الخير

[m.dxb88]

الله يوقفج وان شاء الله من نصيبج

هالزمن الغريب احسن من القريب

[بدر البدو]

الله يوفقج ان شاءالله

[3yoon 3lya]

اذا من نصيبج بتاخذينه إن شاء الله ،، والله يسعدج يالغالية دوم ادعي ربج والله ايسر امرج

[نونو كوكو]

[QUOTE=فتاة ليبيا;36513720]ياأختي شنو تقصدي بغريب! هل انه مثلا مش من اقاربك؟ او من منطقتك

لو كنتي تقصدي بغريب انه مش من جنسيتك.... ننصحك تنحي الفكرة من رأسك... لأن الموضوع مش في صالح حد...



هو اماراتي

وااقصد بالغريب انه هلي ما يعرفون عنهم شي بس

مشكورة اختي

[نونو كوكو]

الله يسعدكم ويريحكم

مثل ما ريحتوني بردودكم

والله كنت خايفة محد يرد علي او يساعدني

[ملاآك قلبكـ،،]

استخيري واذا ارتحتي
كلمي اهلج وحاولي تقنعينهم
حتى لو الحين تملجون
وعقب ماتخلصين دراستج تعرسون

[نونو كوكو]

انا استخرت كذا مرة والحمدلله مرتاحة

وهو بعد طلبت من اخته انه يستخير قبل كل شي

[عطوف 77]

حاسه فيج تصدقين
نفس المعاناه تقريبا ><
خلنا نتفائل وان شا لله خير ^^
الله يوفقج حبووبه وايسر اموورج ^^

[Doo Doo]

اب اب

[نونو كوكو]

حاسه فيج تصدقين
نفس المعاناه تقريبا ><
خلنا نتفائل وان شا لله خير ^^
الله يوفقج حبووبه وايسر اموورج ^^

وياج ان شاء الله