لا يوجد تبويض ؟؟؟!!!

**أم هنادي 5** · 2011-12-03, 14:38

هلاااا بنات أنا متضايقة السالفة إني راجعت في اليوم 11 من عقب الدورة والدكتورة قالتلي ماعندي تبويض ... كيف يعني ما عندي تبويض الصراحة مافهمت
وسألتها قلتها انزين إذا يتني الدورة مرة ثانية بيصير تبويض قالت لي ما اتعرف

أنا آلحين محتارة شو أسوي أبا يستوي عندي تبويض وعندي سؤال ما يصير تبيوض متآخر يعني يستوي عقب يعني ما يبين من اليوم 11 عقب الدورة وعلما أنا أرضع طبيعي وصناعي و الدكتورة قالت إنوا يأثر على التبويض بس أنا أعتقد مو لهذا الدرجة إنوا مايصير تبويض يعني على الاقل يسير تبويض بس ضعيف أنا صدق خاااايفة يطلع فيني شي ،،،

على فكرة هاي ثاني دورة من عقب الولادة ولدي عمره ثمان إشهور ونص

المزيد من آخر المواضيع من نفس القسم:

**shaima_20** · 2011-12-03, 15:16

ما اعرف الصراحة
ان شاء الله حد يفيدج حبوبة

للرفع

**قصون** · 2011-12-03, 20:27

عاااادي يستوي التبويض متاخر, الله يرزقكي الذرية الصالحة

**أم هنادي 5** · 2011-12-03, 22:34

المشاركة الأصلية كتبت بواسطة قصون

عاااادي يستوي التبويض متاخر, الله يرزقكي الذرية الصالحة

آآمين يارب العالمين
ومشكوورة الغالية

**أم هنادي 5** · 2011-12-03, 22:36

للرفع

**ام الغلا99** · 2011-12-03, 22:38

عادي يصير ماشس تبويض لانج ترضعين
اختي نفسج بعد لولاده لين سنه وشي ماشي تبويض لانها ترضع

**اماراتي الحبيبة** · 2011-12-03, 23:22

حبوبة صح كلام الدكتورة الرضاعة تأثر على التبويض لان هرمون الحليب يكون مرتفع عندج وهالشي يأثر على الدورة والتبويض ..
لا تحاتين ما فيج الا العافية ان شاء الله

**غياهيب81** · 2011-12-04, 09:43

فعلا ارتفاع هرمون الحليب يأثر على التبويض .. بس مايمنع تشوفين دكتورة ثانية وتسوي لج فحص هرمونات ..
والله يرزقتج ..

**الحرم** · 2011-12-04, 10:11

انا مريت بهاي التجربه تميت سنة وسبع شهور وما حملت مع اني ما استعمل مانع ولا انظم طبيعي بس كنت ارضع طبيعي والدكتوره قالتلي الرضاعة بتاثر علي التبويض واذا فطمتي ابنك ممكن تحملي وفعلا في نفس الشهر الي فطمت فية ابني الاول حملت بابني الثاني وتميت ارضع ابني الثاني سنتين وعقب فطمته حملت والحمد لله الله رزقني بنت وحبيت اقولك انه هذا الشي عادي ومافيك شي ان شاء الله وبالعكس انا الحين مرتاحه من شي اسمه حبوب منع الحمل

**أم هنادي 5** · 2011-12-04, 14:12

للرفع

**أم عبـد الرحمن** · 2011-12-04, 14:52

المشاركة الأصلية كتبت بواسطة الحرم

انا مريت بهاي التجربه تميت سنة وسبع شهور وما حملت مع اني ما استعمل مانع ولا انظم طبيعي بس كنت ارضع طبيعي والدكتوره قالتلي الرضاعة بتاثر علي التبويض واذا فطمتي ابنك ممكن تحملي وفعلا في نفس الشهر الي فطمت فية ابني الاول حملت بابني الثاني وتميت ارضع ابني الثاني سنتين وعقب فطمته حملت والحمد لله الله رزقني بنت وحبيت اقولك انه هذا الشي عادي ومافيك شي ان شاء الله وبالعكس انا الحين مرتاحه من شي اسمه حبوب منع الحمل

بس شي ناس عادي تحمل يعني في تبويض وهي ترضع

**راعبية** · 2011-12-04, 18:06

يمكن من الرضاعة هرمون حليب يأثر في صغر حج التوبيض
راجعي دكتوره ثانيه علشان تتأكد ين وترتاحين

الموضوع: لا يوجد تبويض ؟؟؟!!!

أدوات الموضوع

عرض

لا يوجد تبويض ؟؟؟!!!

المزيد من آخر المواضيع من نفس القسم:

المواضيع المتشابهه

قالت لي ما شي تبويض

هل في تبويض ؟

لكل وحده عندها ضعف تبويض

شو يعني تبويض متاخر؟

مافي تبويض