مشكلتي مع اطفالي

**lotus-girl** · 2011-12-03, 00:41

مشكلتي هي اني ماعرف اتصرف وقت عيالي يصرخون او يعصبون ويضربون بعض وخاصة يوم نكون في مشوار او زيارة عند الاهل كله اصرخ واتنرفز ومرات اظربهم على ايدهم وبعدها احس بتأنيب الظمير واصيح في الليل لاني ماعرف شقايل اتصرف معاهم وخاصة ريلي يقول انا قاسية عليهم ،اكبر بيبي عمرها 4 سنوات احس انا مب حنونة معاهم?

المزيد من آخر المواضيع من نفس القسم:

**lotus-girl** · 2011-12-03, 10:53

للرفع

**أم محمد بلال** · 2011-12-03, 11:49

حتى انا نفس الحالة لكني ما احس بتانيب الضمير يوم اضربهم

احس بالندم اني وديتهم معاي اقول لوو خليتهم ف البيت احسن اقول لهم انتو ما تستاهلون اوديكم مكان

بس عندي كمن حل نفع معاهم لكنه مؤقت
اخذ معاي ايبود اخلي ولدي يلعب فيه
و اذا بيت اهلي اخليهم يلعبون ف السياكل ف الحوش و لقعد معاهم لين اعيز و بعدين اطرش الشغالة تيلس معاهم لانهم يدمرون زراعة امي فلازم حد يراقب.

او اني ما اطول ف الزيارة يا دوووب اسلم و اتقهوي و ارووح و طول الوقت اقعد اهددهم ف ابوهم و العوعو و الوحش و كل الاشياء المخيفة

و بس

و حاليا قاعدة ادور طريقة ثانية

بس احس اذا ولدي شاف ولد بنفس عمره و قعد يلعب معاه يستوي هادي و يلعبون بعيد بدون تدمير شي

بس اذا محد ف عمره يدمر الدنيا و انا انحرج

الله يهديهم

**منال العالم** · 2011-12-03, 12:06

الله يهديهم يارب ويهدي عيالي

**أم أريج** · 2011-12-03, 12:11

حبوبة الحل لاهذه الامور ولمعظم المشاكل التربوية هي القراءة والتعلم

لازم تقرين الكتب الخاصة في تربية الاطفال وايد بتستفيدين

وبتلاحظين كيف انه اسلوبك بيتغير مع اطفالك

والسموحة

**shaima_20** · 2011-12-03, 14:51

ما اعرف الصراحة
ان شاء الله حد يفيدج حبوبة

للرفع

**ابداااع للتصميم** · 2011-12-03, 21:18

للرررررررررررررررررررررررفع

**Hno0odah** · 2011-12-03, 21:44

ما عندي فكره انا بعدني في اول المشوار لووووووووول

**غرنوقة M** · 2011-12-04, 03:50

انا شفت برنامج و عجبني طريقة تهذيب الطفل
طريقتهم مب بالضرب ولا بالصراخ عليهم ..

اول شي اذا شفتي الخطأ منه انصحيه بس لازم تكونين بمستوى الطفل وانتي تنصحينه انه ما يكرر هذا الفعل وقوليله اذا كررت هالفعل بتحطينه في مكان خاص للعقاب
لازم تسوين مكان خاص للعقاب يعني تحطين كرسي في الزاوية ( زاوية البيت ) وتحطين طفلج في هالكرسي وما تكلمينه ولا تعطينه ويه حتى لو تم يصيح على هالكرسي طنشييييييه واذا قام عن الكرسي وسااار مكان ثاني شليه وردي حطيييه على الكرسي من دون ما تتكلمييييييين او تقولين ليييش تقوم من مكانك بس حطيه مرة ثانيه وسيري عنه واشغلي نفسج لين تخلص مدة العقااااااب ..

يوم بتخلص مدة العقاب سيري صوب طفلج وانزلي بمستوااااه << ترا مهم انج تنزلين بمستوى الطفل
وقوليله بالكلمة الوحده .. انت تعرف شو غلطتك ولا لا ..؟ اذا قال لا .. لا تعصبين عليه
قوليله شو الغلط من دون اي انفعال من صوبج وقوليله اذا كررت الفعل بتنحط في هالزاوية سميها زاوية العقاب

واذا تبين تشجعينه على الهدوء واللعب من دون ازعااج .. حطي لوحه باسامي عيالج وجنب كل اسم خلي فرااااغ
قوليلهم هالفراغ بحط فيهم نجوووم واللي بيجمع اكثر نجوم بتعطينه هدية او حلاوة

وان شاء الله ينفع معاج حبوبه

**الوردة الجورية** · 2011-12-04, 12:57

ههههه
انا ولدي سنتين الله يحفظه ومب قادرة اسيطر عليه الله يهديه ويصلحه ويحفظه
بس لاحظت شغله جزااااااها الله خيييير كتبت هني في المنتدي بس ناسية اسمها وقت تشوفين اليهال يسوون مشاكل قعدي ادعي لهم بصوت مسموع جربتها والله انه يسير هادي ويقعد يتسمعني وانا ادعيله الله يحفظه تقولين شيطانه شرد
ومسكين مرات كثيرة انسى ادعي له فاقعد اضربه عشان يقعد بدون مشاكل وعقب اتذكر واندم
اقوله الله يهديك الله يصلحك الله يبارك فيك الله يجعلك من حفظة القرآن الله يحسن خاتمتك الله يدخلك الجنة بعد طولة عمر وكثرة الاعمال الصالحة الله يجعلك بار نافع....... ورا بعض وكأني قاعده اخاطبه،، والله ان الشيطان هو اللي ينقهر

**الوردة الجورية** · 2011-12-04, 13:01

في شغله بعد
ضميهم بحنان من وقت لثاني مب شرط يكون بسبب
مرات اليهال يبون يلفتون الانتباه فدايماً امدحيهم وقت يسون شي يعجبج كأن يلعبون مع بعض بدون مشاكل او يخلصون صحنهم او يغسلون يدينهم
عشان يميزون بين الاشياء اللي تفرحج والاشياء اللي تزعلج

**dxbaii** · 2011-12-04, 13:05

لا تضنين بس عيالج جيه انا مثلج اوديهم وياي اندم صياح طول الطلعه سكتي واحد الثاني يصيح اعصب اقوللهم اخليكم عند الخدامه تسوي فيكم الي تسويه انتوا مب ويه طلعه بس ارد اطلعهم بعد وياي شو نسوي ترا الجنه تحت اقدامنا بسببهم ولنا الاجر بس انا من النوع ما اضرب بس اهدد واستخدم نظام المكافئات احس ينفع شوي يعني اذا شيطنوا او ضربو بعض او صاحو اقوللهم اذا ما سويتوا جيه اللحين بنسير اشتري لكم حلاوه او لعبه او اتادبو باجر بوديكم حديقه واذا مافاد ازعل منهم يتاثرون يحاولون يرضوني وهكذا

**ام سلطان AJM** · 2011-12-04, 15:47

حبيبتي نصيحة اذا انتي جاده في البحث عن الحل

عالجي عمرج اول ... حاولي تقبضين اعصابج بتفشلين مره مرتين عقب خلاااص

انتي كل ما كنتي هادية بيهدون معاج

و اشتري كتاب الاطفال المزعجون لمصطفى ابوالسعد

روووعه

**lotus-girl** · 2011-12-04, 15:47

مشكورين وايد على النصايح المفيدة وان شاء الله اطبقها

الموضوع: مشكلتي مع اطفالي

أدوات الموضوع

عرض

العرض المتطور

مشكلتي مع اطفالي

المزيد من آخر المواضيع من نفس القسم:

المواضيع المتشابهه

صيف اطفالي مميز

اطفالي