FAST FOOD

**درة دار زايد** · 2011-11-30, 08:34

:

السلام عليكم ورحمة الله وبركاته

~> يوم السبت ..
كنا متحركين من بوظبي لعيمان .. وفي شارع الامارات / الشارجه .. وقفنا نتغدى من مطعم خااااااااااااطري اكتب اسمه .. لكن اعرف الادارة بتحذفه .. وهو مطعم عالمي مشهور ..
المهم .. كلنا و ما حسينا بشي .. وسرنا العرس اللي كنا معزومين عليه وعلى اساس نفس الليله انرد بوظبي ..

اول ما وصلنا العرس <~ بدت اعراض التسمم .. وما حطينا في بالنا ولا 1% انه تسمم .. قلنا ها اكيد فايرس

والله يا بنات .. اني من اول العرس لين اخر لحظة وانا في الحمام الله يعزكن يالسه ارجع وانتن بكرامه

:
من الياهل اللي عمره 1 ونص لين الحرمة اللي عمرها 48 .. 9 اشخاص كنا في السيارة .. وكلنا اتسممنا ..
:

شلينا بعمارنا من العرس وسرنا مستشفى خليفه في عيمان .. وما قصروا ويانا .. وحتى الشرطة ما قصرت .. خذت باقوالنا عسب اتقدم بلاغ عليهم ..
بس فعلا كنا بين الحيا والموت .. خصوصا انا .. لاني ما كنت استجيب للمغذي .. وكل مرة يركبولي مغذي اقوى
يايين من بوظبي بفساتينا وعبيتنا ونزلنا فيهن المستشفى .. لا عندنا ثياب ولا مكان .. كنا مثل المشردين .. الناس كلها تطالعنا وتشفق علينا .. يعني انتوا اتخيلوا خالتي روحها تعبانه بين الحياة والموت .. وولدها بو سنه ونص يون من الالم ولاصق فيها

:

:

من عقب ما كان هالمطعم The BEST عندي .. صرررررررررت اكره طاري المطاعم
والمشكله انها ما بتتسكر
حياة الناس لعبة امبين ايديهم
الدكتورة قالت قبلكم 3 متسممين من هالمطعم : واحد مات نفس اللحظه ،، الثاني مازال في العناية المركزة ،، والثالث سويناله غسيل معدة وغيره لين اتشافى

وانا متاكدة الاف من الناس متسممة من هالمطعم .. فــ شو الحل !!

اترك التعليق لكم

المزيد من آخر المواضيع من نفس القسم:

**حياة القلوب** · 2011-11-30, 08:43

بصراحه استغرب ليش ما تذكرو اسمه لتحذور غيركم مات الشخص ولسه متحفظه عالاسم خايفين عسمعتهم ومو خايفين يموتو الناس زيهم وخصوصا مالنا حيله اذا كنا طالعين ناكل من مطاعم شي اكيد

**درة دار زايد** · 2011-11-30, 08:51

المشاركة الأصلية كتبت بواسطة حياة القلوب

بصراحه استغرب ليش ما تذكرو اسمه لتحذور غيركم مات الشخص ولسه متحفظه عالاسم خايفين عسمعتهم ومو خايفين يموتو الناس زيهم وخصوصا مالنا حيله اذا كنا طالعين ناكل من مطاعم شي اكيد

ذكرت في الموضوع:

المشاركة الأصلية كتبت بواسطة درة دار زايد

:

السلام عليكم ورحمة الله وبركاته

~> يوم السبت ..
كنا متحركين من بوظبي لعيمان .. وفي شارع الامارات / الشارجه .. وقفنا نتغدى من مطعم خااااااااااااطري اكتب اسمه .. لكن اعرف الادارة بتحذفه .. وهو مطعم عالمي مشهور ..

**صاحبة السمو85** · 2011-11-30, 08:52

لا حول ولا قوة الا بالله ..

شو يقول الواحد منا لو حاله وحده بنقول لا حرام بنعطيهم فرصه..

بسسسسس توصل للوافااه واصابات بالتسمم والعدد يتزايد ...

هذا الشي لازم ماينسكت عنه ..ولازم الافصاح عن اسم المطعم ليتم تحذير الناس منه..

لو سمحتي تقولين لي اسم المطعم الله يحفظج

والحمدلله على سلامتكم

**ساره خالد** · 2011-11-30, 09:02

**أم عبـد الرحمن** · 2011-11-30, 10:38

الله المستعان

**بنتـ DXB** · 2011-11-30, 11:42

@@

أي مطعم هذا ؟؟؟؟

حسبي الله عليهم

**ام حناني** · 2011-11-30, 11:51

لازم تشتكين عليهم وماتسكتين والحمد لله على سلامتكم واكتبي اسم المطعم ولاتخافين وحسبي الله عليهم

**أم حبيبــة** · 2011-11-30, 11:52

لا حول و لا قوة إلا بالله

حمدا لله على سلامتكم...و الله إنها صعبه كتير...قلبي وجعني على الطفل الصغير...ما بيقدر يتحمل مسكين...

يا ريت أختي تكتبي إسمه طالما إنتي متأكدة منه...بتقولي صار في حالة وفاه...مش أحسن من أحد ثاني يتضرر ؟

**ياقوتةخضرا** · 2011-11-30, 11:55

لو تنطبق السما على الأرض وأموت من اليوع ما آكل من مطاعم الفاست فود ....

لو اضطرتني الحاجة .....بآكل منقوشة زعتر على السريع وكان الله بالسر عليما

الحمدلله الله قدّر ولطف ...الحمدلله على سلامتكم !!

**$strawberry$** · 2011-11-30, 11:56

الحمد لله عسلامتكم الغاليه
بس جان زين لو تقولين اسم المطعم عسب الناس تتحذر
خصوصا ان السالفه فيها حالة وفاة ><

**Miss Cat** · 2011-11-30, 12:16

طرشيلي اسم المطعم بليز !

**اهل الامارات** · 2011-11-30, 12:17

انا مو فاهمة ولا شي مطعم تسممتو منه وفي غيركم مات وفي طريق حيوي جدا الالاف من البشر يفوتو وياكلو منه ليش ما تذكري شو هو اسمه والحين كل المشكلة انهم يحذفوا الموضوع ؟؟؟؟؟؟؟؟ وهل في مشرفة ممكن تحذف موضوع يتعلق بحياة ناس ؟؟؟؟؟؟؟؟؟ الصراحة هاي واسعة سوي

**كيوت عمري** · 2011-11-30, 12:21

الحمدلله على سلامتكم .. والحمدلله انها عدت على خييير

^^ فديتج لو ماترومين تقولين ع العام .. طرشيلي اسمه على الخاص

وربي يحفظج

**# كل الاحساس#** · 2011-11-30, 13:02

الحمدلله على سلامتكم

وخبرينا شو اسم المطعم !!

الموضوع: FAST FOOD

أدوات الموضوع

عرض

FAST FOOD

المزيد من آخر المواضيع من نفس القسم:

المواضيع المتشابهه

My heart beats fast

ملف كامل عن اهم الخلطات السريه للمطاعم المشهوره الـ (Fast Food)

يوووووعااااااانه .............؟؟؟عندي احلى FAST FOOD>>>> يا لذيذ يا راااايق

الوجبات السريعة – ما لها وما عليها Fast food