مضايجة من جد ,,,,,, (2)

[سنين عمريي]

هذا رابط موضووعي السابق

http://forum.uaewomen.net/showthread.php?t=997184


بنات اخر تطوراتي في الموضوع طرشتله مسج البارحه حتا يرد عليه رد طرشلي أنا حالف مارد عليج واترجيته يرد معاند اتخيلو شيقولي انتي معقده وانا كرهتج ولوتميتي تتصلين وايد بتصرف وياج تصرف ثاني انا من شفت المسج ماصدقت انه هالشخص اللي كاتب المسج ورديت طرشتله انا مب وحده غريبه عشان تكلمني بهالاسلوب كلمني ع التيلفون بتفاهم وياك ومارضا قالي شبتقولين يعني في التيلفون مابتقولين شي يديد وعقب محاولات رضا وتم يجادلني بالكلام احسه شخص ثاني موريلي اللي اعرفه وقالي أنا بتصل متا مابا وبسكر متا ماابا مالج حاية فيني وتم يقولي انتي شوكبرج وعقلج عقل ياهل كله تزعلين وكله تشكين فيني وانا مايسوا علي قتله اني بمسحك وقتله من العصبيه طلعت مني بس اخر شي قالي خلاص سكري ولاتتصلين وسالته تحبني اول شي قالي لا عقب قالي هي احبج وخلاص سكري لاتتصلين قولولي شسوي فكرت اطلب الطلاق بس مب عارفه انا وايد متعلقه فيه وتعبانه من هالشي بس عقب اتراجع واقول كيف اطلق منو بيرضى فيني عقب مب عارفه كيف اتصرف ؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أحساس عيميه ~]

لا حبيبتي الا الطلاق ماتفكرين فيه اببد..اصبري والصبر متفاح الفرج ولا تتصلين ولا طرشين له مسجات صدقيني مرده لج لانه بيشتااق لج وبيسأل وينها غريبه ما تتصل ولا شياته ومن عمره بيحس فييج وبشي ناقصنه^^جربي هالشي ومابتخسرين وشغلي نفسج بأي شي ^^

[مغرورة الجمال]

لا حبيبتي الا الطلاق ماتفكرين فيه اببد..اصبري والصبر متفاح الفرج ولا تتصلين ولا طرشين له مسجات صدقيني مرده لج لانه بيشتااق لج وبيسأل وينها غريبه ما تتصل ولا شياته ومن عمره بيحس فييج وبشي ناقصنه^^جربي هالشي ومابتخسرين وشغلي نفسج بأي شي ^^

ويآ الاخت =]

[حور الصبايا]

لاا حبوبه شلي فكرة الطلاق من راسج..

بس الحل الحين انج اتمين بعيده عنه شوي خليه فتره و هو إن شاء الله بيرد و بيتصل فيج..

و صدقيني لوو ما يحبج جان ما قالها لج..

الله يصلح حالكم إن شاء الله..

[سندريلا2008]

الله يسر اموركم الغاليه بس حبيت اقولج عليج بالدعاء
واثقلي شوي وصبري ان الله مع الصابرين

[ملاآك قلبكـ،،]

سويله طاف
بتقدرين
تذكري كل كلمه قالها
بترومين
سكري تيلفونج
ولاجنج مهتمه فيه
سويله طاف

بروحه بيحس بمكانج
انتي الحين عاقه عمرج عليه
عشان جي شايف نفسه وقدر يقول هالكلام
لو من البدايه ماسويتيله سالفه
كأن وجوده من عدمه 1
ما بيتجرأ يقولج هالكلام
وهو بروحه اللي بيتصل فيج

[نسيم الليل37]

طنشيـّـه
وتحنين ع رآسه وآيد

هو بيرجع لج بـ ريوله .. ~

[ام حناني]

ماعليه حبيبتي اصبري عليه لا تطلبين الطلاق وانشاالله بيرد ليتصل بس انتي اصبري ولا تدقين عليه خليه يعرف قدرج

[ام ذيا111ب]

تطلبين الطلاق على شو...شو مسوي الريال.....كل هذا عشانه مايتصل حبيبتي مش مجبور يرمسج وانتم مابعد تزوجتو...ريال شقيان وتعبان وفي غربه ويدرس وانتي ماتعرفين الغربه وسواتها...كبري عقلج ودري الخرابيط هذي...ريال يدرس وتعبان هذا كله لمنو مش لج ولعيالج ومستقبلكم..بدال ماتكونين له عون صرتي فرعون...حبيبتي لا تتصلين له...ان حبيتي ارسلي مسج يوم اليمعه او مسج كل 3 ايام مره بس هب دوم ,,بس تقولين انك على بالي.................لا تسوين مشكله من لا مشكله انتي متحمسه وتبين ريال يذوبج كلام وعسل شرات كل بنت..حبيتي مو كل ريال نفس الثاني ...حاولي تسعدينه وقبل كل شي قدري ظروووف ريلج ...وبتوفيق

[همس البحوور]

ابتعدي عنه وشوفي غلاتج عنده ودوسي ع قلبج شوي وتمسكي بالقرآن وبيقوي قلبج عنه والريال مايحب الحرمة اللزقة وقوي شخصيتج لأن الريال يحب الحرمة شخصيتها قوية بتشوفينه يضعف جدامج

[الأحلام الملونة]

واضح أنك لم تستفيدي ولا كلمة من نصيحة البنات بالمشاركة الأولي ولم تتغيري وتكرري نفس التصرف

بالملاحقة والأتصالات والمسجات والعتاب والزن ---

شو تنتظري يقول أكيد بيرد عليك بهذة الطريقة الجافة والسخيفة ----

حبيبتي حتي لا توصلي زوجك لمرحلة الطلاق وتوصلي نفسك لمرحلة الأنهيار ---

تعلمي الصبر تعلمي ضبط النفس تعلمي الحكمة اسلوبك بيدمر حياتك معة أو مع غيرة ---

[اسيرت شوق]

زين الريال رايح يدرس وانتي قاعدة تحنين عليه .ومش مقدرة ضروفه وفوق كل هذا تبين تتطلقي وعلى شو الطلاق اونه ما يتصل عليج ولا يكلامج مثل قبل

مسكي القران واقري وخلي روحج ترتاح ادعيله في كل صلاتج ان الله يوفقه حاولي تحطي نفسج مكانه .

وان شاء الله الله بيهدي وبيهديج وبوفقكم الطلاق مب لعبه على شان تنخذه بكل بساطة شوفي مشاكل الحريم الثانيات
اكيد بتهون عليج مشكلتج

[قـلب ،]

سوري يعني ..
بس معاه حق يقوول هالكلام

طبقي نصايح البنات وبترتاحين
والشي مايستاهل تتطلقين عشانه ^^
باين علييج صغييرة وماتعرفين تمسكين عمرج شووي

[سنين عمريي]

نصايحكم بردت قلبي ,,,, وان شاء الله بحاول اشغل عمري عن الاتصال فيه

[إماراتية..]

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن