كيف أتعامل مع الاثيوبيه

[شموخ111]

انا كان عندي 3 اثيوبيات
وحده كانت تتحرش في ابوي تخيلوا
انا هالوكت كنت مسافره اتصل بي ريل اختي وقالي بجلعها قلت له سو اللي تباه وما طاع يخبرني ليش
ومن رديت سالت قالوا لي انها مب ماشيه زين وبدون اخلاق
وتقريبا تمت عندي 5 ايام وعقب سافرت
والثانيه تمت عندي 3 ايام بالضبط بنتي الصغيره صرخت عليها ليش شلت اكلها تهجمت ع بنتي بسجين والف الحمدلله ابوها كان جريب منها وما تعورت وايد
وال 3 وااااااااااااااااااااااااايد زينه
وللحين عندي ويبت 2 غير والله وايد زينات
انا حاطه كاميرا مراقبه واشوف تصرفاتهن
وغير انهن وقت الصلاه يهدن كل شي ويسيرن يصلن
بس هالجنسيه واااااااااااااايد خطيييييييييييييييييييييره
نادر ما تحصلين زينه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم الأطفال]

اخوووواتي كل البشر نفس الطينه فيهم خير وفيهم شر مب بس الخدم هذا حال البشر الاقوى يدوس على الضعيف انا جربت الاندنوسيات والفلبينيات والحين اثيوبيه الحمدالله رب العالمين ماصادفت هذا المشاكل التي ترمسو عنها يعتمد على رابت المنزل تكون انسانه تخاف الله في كل شي وتعامل الخدامه مثل اختها او بنتها من اول يوم لازم تحسسها انها انسانه وانها واحده من اهل البيت وعليه ان تحترم صاحبة البيت وتسمع كلامها واذا صاحبة البيت شافت لبس الشغاله مب اكى تقول لها حبيبتي هذا البس ميصير تمشي بها في البيت
البيت فيه ريايل عيب عندنا حبوبه يعني تعطيها كلام حلووووووو ماتجرحها بالكلام لازم اعاملها على اساس انها اختي او بنتي بطريقه هذي بتكسبيها اينا كانت جنسيتها والكلام وايد وميخلاص

على فكره ياخواتي التي تعمر عنده الشغاله يعني تجلس معها الشغاله 5 سنوات واكثر هذا يدل على راعية
البيت انها رحيمه القلب واخلاقه عاليه وذوق راقي في التعامل

الله سبحانه وتعالى قال وقولو للناس حسنى

والسموووووووحه منكم طولت

[الوردة الجورية]

اختي من البداية لازم يكون الاختيار صح
اول شي الدعاء

ثاني شي اختاري صح: وحدة مسلمة تعليم ابتدائي عمرها صغير تحت العشرين او فوقه بشوي
او وحدة كبيرة مسيحية بس تكون متعلمة وتدفعين لها عدل ( عشان ماتدور مكان ثاني محلات وغيره)،، تكون وحدة متحجبة اذا مسلمة او لافة شعرها على ورا اذا مسيحية حتى في الجواز وماتنمص حواجبها ولاحاطة مكياج او لابسة لبس مشخلع بس يكون بعد شكلها زين عشان ماتيج وحدة معقدة وانتي ترتاحين لشكلها انها تكون وحدة من البيت ( مو وحدة تطالعينها حق الكراف) ضرووووري انج وقت تطالعينها تحسينها ممكن تكون وحدة من اهل البيت

بعد ماتختارينها صلي استخارة

توصل عندج عامليها بطيب وعلميها ( وفري لها الاساسيات لباسين للشغل على الاقل وملابس داخلية قطنية وشبشب حلو وصابون للجسم وشامبو وديدورانت وفرشاة ومعجون اسنان ومشط وقباضات صغيرة مناسبة وحجاب وقطن للدورة وقفازات للشغل وموبايل صغير من دون كاميرا وبطاقة دو ارخص من اتصالات) علميها كل شغلة حق شو والموبايل قولي لها ماتشل وقت تشتغل تخليه داخل غرفتها والمكالمات عليها واي شي ثاني زيادة عليها ولا تتجسسين على مكالماتها ورسايلها
من البداية علميها متى تقوم وشو تسوي ومتى تدخل غرفتها
اذا عاملتيها باحترام وبرسمية بتعاملج بالمثل
ان رخيتي لها ركبت راسج وان شديتي طنقرت عليج
عامليها برسمية واحترام مع ابتسامة بتنظف وتطبخ وتشل اليهال خخخخ
انا اشوفهن احسن من غيرهن
وقت كلكم تطلعون من البيت خذيها معاكم تراها انسانة وماحد يتحمل الحبسة خص لو رحتوا كشتة
وكل شهر خليها توقع وقت استلام الراتب
(( ورقة وحدة فيها من فوق اسمها ورقم جوازها وجنسيتها ومن تحت جدول فيه خانات: قيمة الراتب،، التاريخ،، الملاحضات،، التوقيع)) الملاحضات مرات ممكن تزيدينها ( ايام رمضان ندبل الراتب عشان الشغل يزيد وااايد) او مكافئة)
وخبريها من البداية انج بتزيدين راتبها اذا كملت سنة او سنتين وهذي الزيادة بتكون مستمرة كل ماطولت معاج ( كل سنة زيادة خمسين درهم مثلاً) اما المكافئات لاتخبرينها خليها مفاجئة بس لاتكثرين فتتعود وعقب بنفسها تقولج عطيني وعطيني
الله يوفقج بوحدة صالحة وامينة متقنة لعملها مخلصة فيه

[Maryam4]

الله يكفينا شرهم يارب العالمين