المشاركة الأصلية كتبت بواسطة ضياء الايمان
سيم سيم
للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا
سيم سيم
للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا
اللهم حبب لنا الدين .. وايمان وكره لنا الفسوق والعصيان
اللهم اهدينا جميعا وثبتنا على صراط المستقيم..
اذا انتي فعلا تبين تتزوجين بس مشكلتج عن السواقة والشغل و الطبخ
يلسي وياه واتفاهمو طبعا بوجود الاهل
او رمسي اخته وخليها اتشوف راي اخوها
المهم لازم تتفاهمون من البداية عسب ما تستوي مشاكل عقب
وكل واحد يقول شو يبا وشو مايبا
الله يوفقج ويجدم لج اللي فيه الخير ،،
لآ ٺقـۉل الحظ " عمـره مـآ ڪمڷ ! .. قڷ : أنـآ حـآۉلـٺ ..{ ۉاللـﮧ مـآ / كتب
6210 صدقة عامة 10 دراهم،، 6602 رعاية معاق 10 دراهم ،، 4411 صدقة جارية درهم 1
للتبرع او لكفالة اليتيم هنا
بس طبعا بعد ما تسألي عن دينه وخلقه
اللهم لك الحمد عدد خلقك وزنة عرشك ومداد كلماتك ورضا نفسكاللهم لك الحمد عدد ما كان وعدد ما سيكون وعدد الحركات والسكونحسبي الله لا اله إلا هو عليه توكلت وهو رب العرش العظيم
وافقي اختي ،
الايام تمر وباجر تكبرييينْ ،
و فرصتج بالزوآج بتقل يعني ما بتكون شرا الحين -
و عن السواقة و الشغل تتفاهمين ويا ريلج عقب الملجة ..
اما الطبخ ،
انا مثلج ما احب الطبخ ، وجذي تفكيري مثلج تقريبا
بس الحين خلص .. سويت ريموووف لهالفكرة ، الريال يحب ياكل من يد زوجته ..
يعني مصيرج تتعلمين الطبخ ..
أن تحمل كمية لابأس بها من الإيمان في قلبك ،
لا يعني أنك كائن ملائكي !
ولكن الحقيقة ، أن شيّاطينك صغيرة ولم تنبت لها قرون بعد !
همممممممممم
الواضح ان اهلج معطينج قدر كبير من الحرية
عسب جي مستانسة بحياتج حاليا
ووايد مستانسة من ربيعاتج والناس اللي حولج
بس لازم تعرفين ان الكل بيسير وبيروح
وما بيتملج الا ريلج وعيالج
ولو تقدملج انسان صالح وتحسين انه يناسبج اجتماعيا وفكريا
استخيري حزتها وتوكلي على الله
اللهم لك الحمد
حبيبتي ،، إذا الريال زين وأهله زينين خلاص توكلي على الله
مب كل يوم بييج واااحد يا الغالية
مب زين منج ترفسي النعمة
وإذا على سالفة الدراسة ترا انتي بالسكن وهو بيرووح دوامه حبيبتي
يعني ما شي بيشغلج عن الدراسة
بتجوفوا بعضكم ف الويكند
وإن شاء الله باجر لا سويتي عياال أمج وأمه بيديروا بالهم على العيال
لا تحطين الريل عائق ف إكمال دراستج
اللي يبا الصلاة ما تفووته!!
وعلى سالفة الطبخ،، تراا حتى أنا ما أعرف أطبخ ،، بس إن شاء اله إذا يا نصيب بحاول أتعلم شوي شوي
كل يوم دشي المطبخ و خلي أمج ولا البشكارة يعلمووج
ترا مشواار الألف ميل يبدأ بخطوة..
ما حد بينفعج في النهاااية غير ريلج وعياالج،، انا ما أقول إنه الشهادة ما بتنفعج بالععكس هي سند للبنت والله
بس شوفي مثلاً انا عندي شهادة جامعية ، بس لا اشتغلت ولا عرست يالسة أعيش الملل وأعد الدقايق والثواني
توكلي على الله اختي ،، ولا تحاتي المستقبل وااايد
احتقر احدهم دودة الارض فقالت لهم تواضعوا يا بشر ولا تتكبر فانتم وجبة لي في القبر!!!
انا احس انج تبين اتعرسين من شفتي بنت عمج املجت وبتحسين بالوحده
بس انا من رايي الشخصي اشوفج صغيره بعدج توج 19 سنه صغيرونه لاحقه على العرس والمسؤليه
انا اشوف احسن اتكملين دراستج صدقيني والله سلاح البنت في هالزمن شهادتها مابينفعها لا ريل ولا اهل
ادرسي واتخرجي واستانسي ويا اربيعاتج وان شاء الله عقب ماتتخرجين تشتغلين واتعرسين في نفس الوقت خخخخ مثلي. انا اتخرجت واشتغلت وعرست كله في نفس الوقت وكان جدا مناسب لي وصدقيني العرس مسؤليه اول فتره حلوه طلعات وسيرات بس عقب بتشوفين الفرق.
واهم شيء الاستخاره ورايج
استخيري ..
و الاستخاره مب شرط تحسين بـ شي ..
لا استخيري و ابدي في الموضوع يعني وافقي .. و اذا تيسرت الامور من نصيبج و مقدر .. و اذا العكس الحمدلله على كل حالـ .. ~
واللي تفكرين فيه عقب تقدرين تناقشين فيه زوج المستقبل و يكون انسان متفهم .. ربي يكتبلج الخيرـر ..
" حسبي الله لا اله الا هو عليه توكلت و هو رب العرش العظيم "
استغفرالله وأتوب إليك
استغفرالله وأتوب إليك
استغفرالله وأتوب إليك
فديتج في معلومة وااايد مهمة
الاستخارة مب احساس...
الاستخارة اما تتيسر الامور او تتعسر بالمشاكل
لا تقولين ما حسيتاو ما حسوا
مااااايخصه
مفهوم خاطيء للاستخارة يوم يقولون الناس: ما حلمنا بشي او ما حسينا
واا انتي على قولتج تبين تكملين دراسة وتبين وتبين
عادي هالامور تنقال لهم وهم برايهم اذا يبون والا لا
ومن هني بتبين نتيجة الاستخارة
والله يوفقج ان شاءالله
بالتوفيج خيتوو
اللَّهُمَّ إِنِّى أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِك ،،
الله يكتب لج الخير ويسعدج وياه .. ويووفقج يارب .. وانا وياج وبنات المسلمين يارب
هلا بنات شحالكم
ممم مشكورين ع الردود الجميلة^^
صارت تغيرات كبيرة ^^
تقدم لي ولد خالتي بعد واستخرت وجي وحسيت الامور تيسرت وووافقت عليه بس ماصار شي رسمي للحين^^ لكن العرس مب احين بعد الجامعة وجي,,,
ومشكورين حبايبي^^^
شوفي اختي
بعدج 19 والعمر جدام، يعني ما وافقتي اليوم في عندج فرص تتزوجين عقب
اذا انتي متعلقه بدراستج ، فلاتعرسين
لان احيانا صعب توفقين بين ريلج ومسوليتج ودراستج
وعندي ربيعاتي تزوجوا في هالسن، ويدرسون في جامعه الامارات بعد
كملوا اول شهور عقب طلعوا من الجامعه، وحده اطلعت برضاها لانها قالت صعب علي اوازن بين دراستي وريلي
وال2 ريايلهن طلعوهن من الجامعه
فانتي قعدي مع نفسج، وشوفي شو ايجابيات الزواج وشو سلبياته بنسبه لج
وهل بتقدرين انج توازنين بين دراستج وبين ريلج؟
وعقب اتخذي قرارج، ولا تتسرعين
والعمر جدامج ترى ^^
قال تعالى: {ولهن مثل الذي عليهن بالمعروف وللرجال عليهن درجة والله عزيز حكيم}
اشفق على بنات حواء، حين تشوه سمعتنا.. فلا نستطيع تربية لحية لمحو او تحسين السمعة.
ولكم حرية الفهم
الله يوفقج
حبيبتي اذا نويتي وافقتي انصحج نصيحه اي شي تبينه خله يكتبونه في عقد الزواج
من شغل من سواقة سياره
والله انصحج نصيحه وخليه يوافق واذا وافق على هذا الشروط واكي لان لو سمح الله باجر اذا غير رايه ولا شي عندج دليل كبير الا هو عقد الزواج ومكتوب فيه شروطج وهو وافق عليها من البدايه
انصح كل بنت لا تهمل عقد الزواج وتاكد على الشروط انها تنكتب فالعقد
