نظرة الشرعية ولا شوفة الصور

**ورود الحياة** · 2011-11-26, 11:03

السلام عليكم

بخصوص نظرة الشرعية

خواتي منو فيكم عرست وشوفتها بس عن طريق صور

يعني العروس والمعرس بس شافو صور بعض من دون ما يشوفون بعض ع طبيعة

بصراحة احس شوفة ع طبيعة احسن بس في ناس يستحون ويرتبكون
عسب جي يبون شوفون الصور

وبعدين تايدون هالشيء ولا لا ؟!!

نحن عندنا بنت عمي شافت صورة ريلها وريلها ماشافها الا وقت فحص ماقبل الزواج خخخ

عندي وحدة من ربيعاتي زميل نسيبها كان يدور وحدة من برع الاهل ف نسيبها راواه صورتها
و وافق مع ان البنت اكبر منه 3 سنوات وملجت بعد العيد

الزواج قسمة ونصيب بس النظرة الشرعية والاستخارة و الاستشارة لها دور كبير

ااتمنى الكل يرد

ربي يحفظكم

المزيد من آخر المواضيع من نفس القسم:

**عالية الغالية** · 2011-11-26, 11:27

النظرة الشرعية احسن

**سمــو ذاتــي** · 2011-11-26, 11:28

عنـــي أنا افضل النظرة .،

لأن الصورة لها بعد واحد \ لكن النظرة ، تجوفين كلامه اسلوبه واطالعينه بشكل واقعي

لأن البعض في الصور شكل وفي الواقع شكل ثاااااني ، اما أحلى أو أشين

وبنفس الوقت هو يجوف البنت ويقدر يكلمها أو يسألها .،

**{ رونق دبـي }** · 2011-11-26, 11:31

هلا حبيبـــتي ...

أنا بعدني ما جربت ^^

بس أشـوف ع الطبيعة أحـسن لأنه الصور غير الطبيعة

يعني هو بيشوف ويهها فالصورة

بس ما بيشوف طولها مثلا وجسمها

مب معنى كلامي إن الرياييل يفحصون كل شي فالبنت .. بس هذا حق الريال مثل ما هو حق البنت

واستنادا قول أشرف الخلق عليه الصلاة والسلام :

( إِذَا خَطَبَ أَحَدُكُمُ الْمَرْأَةَ فَإِنِ اسْتَطَاعَ أَنْ يَنْظُرَ مِنْهَا إِلَى مَا يَدْعُوهُ إِلَى نِكَاحِهَا فَلْيَفْعَلْ ، فإن ذلك أحرى إلى أن يؤدم بينهما )

أحسن وأفضل من جوانب كثيـرة

والصورة بتكون معدلة وووووو .. هذا شغل الاستديو يعني عرفتي ؟

وأنا عن نفسي اللي يشـوف صورتي ما يقول إنها صورتي أنا .. مع أن ما أكون كاشخـة وايد
بس لا بد تلقين فـرق

وهذا زواج يعني عشـرة عمـر فالأفضل يعني ع الطبيعـة ..

وإذا على الارتباك تراها إلا لحظـات .. وفي حال صار نصيب ويا هذا أو غيره

شو بيسوون ف لحظات ارتباكهم يوم الملجة والعرس وغيرها من الواقف ؟ ^^

موفقة .. ودعواتج لي بالزوج الصالح مخموم القلب عاجلا

**صاحبة السمو85** · 2011-11-26, 11:36

وعليكم السلام ورحمة الله وبركاته .

هلا اختي ..

طبعا ماشرع ربي احسن وافضل ..

الصور يمكن تكون خادعه وماتيب صورة البنت على حقيقتها..وتكون فيها تعديل وماتعديل

فبالتالي تحصل كثير امور الوحده في غنا عنها ..

صحصح النظره الشرعيه فيها الكثير من الاحراج بس هي افضل واحسن .

والله يوفق الجميع .

**دلوعة الوثبة** · 2011-11-26, 11:52

عحسب الضروف الطرفين والعادات والتقاليد
مثلا في عوائل لين الحين ماعندهم شي اسمه النظرة الشرعية

**عوآآشه** · 2011-11-26, 12:31

عن نفسي \ النظره
احسسسسن في نااااس يطلعون مب حلوين فالصورة وفي ناااس يجملون نفسهم بزياده
وبعديييين النظره تبين كل شي طولها شكلها ع الطببيعه وغيره
وهذا نصيييب
[=

**طيف الغربة** · 2011-11-26, 14:33

اكيد الافضل النظرة الشرعيه لانة الصور احيانا ما تعطي الشكل الحقيقي

**أحساس عيميه ~** · 2011-11-26, 18:49

اوييه لهدرجه مايصير اصلن .المفرووض عالعوايل اللي يمنعون النضره الشرعيه لازم يمشون على كلام الله ورسوله انه شي نضره شرعيه ..اناا مرتين مادري ثلاث مرات صارت لي نضره شرعيه بس ماصار نصيب ولله الحمدالله كل شي قسمه ونصيب واتمنى من العوايل اللي من هالفئه اللي لا شوفه ولا شي يغيرون نضرتهم عسب عيالهم ماينظلموون هالشي مايجووز بسي ما بفتي ولا شي والسموحه

**سندريلا2008** · 2011-11-26, 18:57

النظرة الشرعيه اكيييييييييد

**ورود الحياة** · 2011-11-27, 12:48

اليوم الشوفة اقصد النظرة الشرعية

ع فكرة الريال ما طاع يزورهم الا بعد ما شاف صورتها
قال مابي اجرح مشاعرها صعبة ترا وطرش صورته لها وهي بعد شافته

ادعو لهم الله يوفقهم

**بنت سلطان** · 2011-11-27, 13:51

اجوووفينه بعيوونج احلى
الله ذكرتيني اياام حلو عاادي عندي لا ارتبااك ولا شي خخخخخخخ
ربي يحفظنا من كل شر

**وام** · 2011-11-27, 14:27

انا برايي النظرة الشرعية افضل

**مبدعة الجمال** · 2011-11-27, 15:14

النظره الشرعيه احسن

**عشتار** · 2011-11-30, 00:28

اكيد اكيد النظره الشرعيه احسن
احيانا الواحد يكون مقنع بالصوره ولكن طريقة كلامه اسلوبه طوله عرضه
يعني واايد اشياء هي اللي تحدد الشخص مو شكل بس

الموضوع: نظرة الشرعية ولا شوفة الصور

أدوات الموضوع

عرض

نظرة الشرعية ولا شوفة الصور

المزيد من آخر المواضيع من نفس القسم:

المواضيع المتشابهه

النظرة الشرعية وما ادراكم ما النظـــــــرة الشرعية؟؟؟؟؟؟

شوفة لا يتخيلها العقل بالمارينا مول...؟؟