جربتي تخطبين لحد !!

[ميانه بوظبي]

السلام عليكم ورحمة الله وبركاته


يسعد صبحكن ..


المهم يالغاليات وعساي ماخلا منكن ولامن ردودكن

جريتِ يوم تخطبين لأخوج او حد من قرايبج

ورحتي ِ تشوفينها او شافها

أو تسلمين عليها وعلى أهلها

أو تكلمينهم بالموضوع

ومنو اختار البنت !

وهل تم الزواج ولا لا ^^


اتحفونا بالمشاركات

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعة ع]

... الصرااحه .. انا عندي اخوي بغيت له حد من ربعي .. وشافها صدفه ..
وعيبته .. وخطبنا له .. بس هي شرطت انها تشتغل و تداوم في مكان مختلط .. و تسوق سياره ...

... و اخوي ما يبيها تشتغل و تسوق ,,, وللاســـــــــــف ما صار نصيب ... الله يرزق اخوي بالزوجه الصالحه يا رب ...

[معسولة الشفة]

جربت خطبت ربيعتي حق واحد ويانا فالدوام هو مثل اخويا بس ما استوى نصيب
وحلو انج توفقين بين راسين بالحلال بس انا ماحب شغلة اني اخطب اخاف
عقب يستوي شي ويقولون كله منج بس هذا خطبت له لانه قالي دوريلي وحدة

[dxbaii]

ياليت نقدر انوفق راسين بالحلال البنات ماشاء الله لاكن المشكله في الرياييلوينهم

[المغتربة]

خطبت ربيعتي لاخو ريلي

اصلا اول ما ملجت فكرت ف الموضوع
و رمست ام ريلي و رتبت ان تشوفها و عقب ما شفت عمتي متحمسة
رمست ربيعتيه و تتحراني اتمصخر كالعادة

رتبت لها طبعا الخوف عقب يقولون كله منج
عطيت حمي محاضرة و ربيعتي محاضرة ثانية عن الزواج و الاحترام و الصبر و جي يعني خخخخ
و الله كتب لهم نصيب

و بالعكس شي حلوو يعتمد ع معدن الشخص في ناس تحب الخير و تتوكل ع الله

مع اني سرت امارة ثانية و بعيدة عن اهلي سحبت ربيعتي ويايه

و قبل ها الموضوع رتبت لها موضووعين بس ما صار نصيب و بالعكس ما فيها زعل من زود المحبة
بس يقولون الثالثة ثابتة ههههههههه

[غرام العشق]

انا بعد خطبت اربيعتي لاخوي والحمدلله استوا النصيب
كشخه تجمعين راسين بالحلال

[ملاآك قلبكـ،،]

انا كلمت اخوي عن بنت خالتي
بس قال بعدني مافكر بالزواج
عقبها صكيت الموضوع
والحين اختاروله وحده وحلفوه يخطبها

[cutyah.87]

للرفع

[Lolita ~]

انا يسموني الخــطابه فـ العائله ,, بس ولا مره خطبت لحد وتمت الخطبه ع خير ..

مره شفت مدرسه معاي بـ المدرسه ايام الدراسه ,, ورشحتها لـ ولد خالتي وفعلآ جات امي وشافتهـآ وانا والمعلمه وايد وايد علاقتنا كانت حلوه ,, فـ مره كنت امزح وقلت لهـآآ ( كنت اجيس النبض ) قلت لها بخطبج وجي الا تقولي ما افكر فـ الزوآج الحين ,, ههه فـ قلت اسحب نفسي احسن لي ,, احين الحمدلله ولد خالتي تزوج و ينتظر قدوم مولوده الاول ..

و مره بعد اقترحت اخت رفيجتي لـ واحد من قرابينـآ بس ما تم ..

والحين مفكره فـ وحده حق اخوي ,, ادعوآ ان الله يتمم ع خير


ويعطيج العافيه ع الموضوع الحلو

[راعية الفزعات]

خطبت اربيعتي حق أخوي والحمدلله استوا النصيب

[راعية_البنتلي]

الله يوفق اليميع

[ميانه بوظبي]

ما شاء الله سيدات الإمارات كلهن خطابات لووووول

الله يوفقكم ان شاء الله

أين البقية ؟!

[بنتـ DXB]

ما جربت بصراحه

[بـقـايا حـلمـ]

ما جربت ، وما أفكر آجرب ..
صح السالفة حلوه ، وتفعلين خيـر .. ،
بس فـ نفس الوقت تيبين لـ رآسج الصدااااع

" امشي فـ جنازة ولا امشيش فـ قوازه "

( اللَّهُمَّ إِنِّي أَسْأَلُكَ يَا اللهُ، الأّحْدُ الصَّمَدُ، الَّذِي لَمْ يَلِدْ وَلَمْ يُولَدْ، وَلَمْ يَكُنْ لَهُ كُفُواً أَحَدٌ،
أَنْ تَغْفِرَ لِي ذُنُوبِي، إِنَّكَ أَنْتَ الغَفُورُ الرَّحِيمُ ).

[يشرفني اخونكـ]

ماشالله كلكم خاطبين ربيعاتكم حق اخوانكم ..

عيل انا وين ربيعاتي عني ههههههههههههه شكلي لازم اخليهم يقرون الموضوع هع