(()) ابنتي (())

**EBEL** · 2011-11-23, 22:01

مرحبا خواتي
لك الحمد يارب على كل ما انعمته عليه من نعم
لي بنت عمرها 8 سنوات فالاونه الاخيره لاحظت انها واااايد عصبيه من تي من المدرسه لين تنام وهيه معصبه عكل اللي فالبيت تنقهر من اخوانها الصغار لانهم يوصولون البيت قبلها وتعصب اذا لقت حد لمس العابها او اغراضها وتكره تكتب دروسها وما تحب تكلمني عن المدرسه وكل يوم تبا تطلع مكان ودايمن تبا اخت اكبر عنها عشان تلعب معاها ونفس الشيء إذا قامت الصبح معصبه عالريوق عالمريول ع تسريحه شعرها مرات تطلب تغيب عن المدرسه.

فالبدايه صراحه كنت انقهر من تصرفاتها تبدا المشاكل فالبيت من تي من المدرسه . كنت اهاوشها واضربها وأعاقبها وكنت انصحها فنفس الوقت بس ترد تعيد الخطا .

عقب شفت ما نفع قلت ليش أرفع ضغطي عسوالف يهال .غيرت استخدمت اسلوب الحوار والابتسامه دايمن عويهي عشان احسسها بالامان واكلمها بهدوء ..كله تقولي انا ما أحب هالكلام قصدها النصح و الارشاد وتقوم عني .. يعني بعد ما تفع وترجع تعيد الخطأ .

خواتي ... لي عندها طرق تساعدني فالتعامل معاها أتمنى انها ما تبخل عليه ... يزاها الله الف خير

المزيد من آخر المواضيع من نفس القسم:

**bentlablad** · 2011-11-23, 22:25

السلام عليكم
اول الشي اسال الله ان يهدي بنتك وبنات المسلمين اجمعين
انا بنتي بعدها اصغر من بنتك
بس حبيت اعطيك فكرتي
انتي اول شي شوفي محيطها بالمدرسة وخارج البيت اذا في شي يعصبها ممكن عندها صديقة معصبة وهي تعتقد ان بتقليدها تكون شخصيتها قوية !!! وبعدين شوفي بالبيت اخوانها اذا يعصبونها في شي معين ياخدون اغراضها متلا وهي ما تحب خليهم يحترمون اغراضها!! وبعدين حاولي تشوفي ممكن هي تحس بنقص فشي معين !! او بس محتاجة انك تحسسيها انها كبيرة وانه هي مسوولة على اخوانها اذا هم اصغر منها !! او العكس بنت صديقتي ما تحب تقوليلها انتي كبيرة فدايما تحب تكون صغيرة عشان ما تتحمل مسوولية اختها.

حاولي تخصصين لها غرفة لوحدها او مكان خاص بيها في البيت او حاولي تساعديها انها تلاقي هواية جديدة تفرغ فيها طاقتها واكتر البنات يحبون الاعمال اليدوية ومتلا الكروشيه يساعد كتير في ضبط السترس عند الكبار فممكن عن الصغار بعد
اعتقد بنتك في مرحلةم انتقالية بين الطفولة الصغيرة والطفولة الكبيرة
وطبعا ما تنسين القران الكريم والاذكار وربي يحفضها ويحفض كل العيال ويعينا على حسن تربيتهم

**الوردة الجورية** · 2011-11-23, 23:40

مرحبا
اختي الصغيرة نفس المشكلة بالضبط وبتفاصيلها غير انها ماعندها اصغر منها غير ولدي وعيال اختي وبعد عمرها 8 ونص
انا اقولج وين المشكلة
المشكلة في البيت والمدرسة
في المدرسة المدرسين والمدرسات يعصبون على اليهال وكله يصارخون حتى الاجانب خص ان مدرستهم سامحين هذا الشي وبعد سامحين بالضرب التأديبي على الكتف وعلى اليد (المدير مخبرنا) وامس كان اجتماع اولياء الامور ورحت ونفس الشي باقي الامهات مخبرينهم عيالهم عن عصبية المدرسين وبعد في بنات يغارون منها في المدرسة يمطون شعرها ليش شعرج جذي وليش لونج جذي شو تحطين وشو تسوين (فاتشرات ماكنهن اطفال وهي بريئة على ويهها ماتعرف هذي السوالف) غير الاولاد اللي يسوون شلل ويضربون البنات عندهم مختلط لين الصف الرابع وفي الباص معاها مجموعة بنات واولاد نفس العايلة وفي فريجنا وهي بروحها ماعندها حد من عايلتنا في الباص يأذونها بقرص ومط شعر وتفليع هم عصبة وهي وحيدة وخبرنا الادارة عدة مرات وعقب طلع ابوهم يشوفها في الباص شيبون ابها؟؟!!! يعتدون ومايبون حد يشتكي عليهم
تي البيت الحبيبة 3 ونص وهي تقوم من 6 الصبح وتحصل بعد صريخ في البيت تسبحي كلي حلي حفظي.......
الله يعينهم
وبعدين تسألون ليش عيالنا سايرين عصبيين!!!!!!!
اسلوب النصيحة ماينفع كأنج المدرسة اللي تبا تفتك منها في المدرسة
كلميها كصديقة في سنها بس عاقلة،، واحترموا اغراضها وخليها تنام كفاية
سأليها المدرسة زينة؟؟؟ تعصب عليكم؟؟؟ شو قالت لج يوم راويتيها الواجب؟؟؟ شو قالت وقت سلمتيها المشروع؟؟..... بس سؤال او اثنين بالكثير في اليوم لا تزيدين الا اذا هي بنفسها خبرتج
شفتيها معصبة وهي داخلة البيت سأليها حد ضايقج في الباص؟؟ اذا لا سكتي عنها لين تاكل او تسبح وعقب سأليها اذا استمرت في عصبيتها حد عصب اليوم في المدرسة؟؟؟ تابعي كتبها ودفاترها اذا لقيتي علاماتها نازلة يمكن المدرسة عصبت عليها او صديقتها تطنزت عليها او حتى شخبطت على كتابها
اذا عرفتي الاسباب بتعرفين الحل
لكن لاتكونين لحوحة

**Emancita** · 2011-11-23, 23:45

اكيد المشكله عندها من المدرسه . يمكن ما بتحب معلمه او طالبه حاولي تسئليها بطريقه تحسيسها انك واقفه معها

**am.w** · 2011-11-23, 23:45

وعليكم السلام .....
سبحان الله نفس حركات بنتي تعبت معاها الله يهديها كله تضارب اخوانها وتبا اخت تلعب معاها لان اخوانها كلهم اولاد وعندي غيرها بنت صغنونه ماتحبها واحس انها تغار منها
حتي مستواها في الدراسه نزل وما خليت حد ما سالت عن حالتها ماشي جواب حاليا مستمره معاها بالقران ولالرقيه الشرعيه اشوفها شوي هدت عن قبل ......الله يهديها ويهدي بنات المسلمين

**EBEL** · 2011-11-25, 22:37

المشاركة الأصلية كتبت بواسطة bentlablad

السلام عليكم
اول الشي اسال الله ان يهدي بنتك وبنات المسلمين اجمعين
انا بنتي بعدها اصغر من بنتك
بس حبيت اعطيك فكرتي
انتي اول شي شوفي محيطها بالمدرسة وخارج البيت اذا في شي يعصبها ممكن عندها صديقة معصبة وهي تعتقد ان بتقليدها تكون شخصيتها قوية !!! وبعدين شوفي بالبيت اخوانها اذا يعصبونها في شي معين ياخدون اغراضها متلا وهي ما تحب خليهم يحترمون اغراضها!! وبعدين حاولي تشوفي ممكن هي تحس بنقص فشي معين !! او بس محتاجة انك تحسسيها انها كبيرة وانه هي مسوولة على اخوانها اذا هم اصغر منها !! او العكس بنت صديقتي ما تحب تقوليلها انتي كبيرة فدايما تحب تكون صغيرة عشان ما تتحمل مسوولية اختها.

حاولي تخصصين لها غرفة لوحدها او مكان خاص بيها في البيت او حاولي تساعديها انها تلاقي هواية جديدة تفرغ فيها طاقتها واكتر البنات يحبون الاعمال اليدوية ومتلا الكروشيه يساعد كتير في ضبط السترس عند الكبار فممكن عن الصغار بعد
اعتقد بنتك في مرحلةم انتقالية بين الطفولة الصغيرة والطفولة الكبيرة
وطبعا ما تنسين القران الكريم والاذكار وربي يحفضها ويحفض كل العيال ويعينا على حسن تربيتهم

ماقصرتي شكرا عالنصايح

**EBEL** · 2011-11-25, 22:38

المشاركة الأصلية كتبت بواسطة الوردة الجورية

مرحبا
اختي الصغيرة نفس المشكلة بالضبط وبتفاصيلها غير انها ماعندها اصغر منها غير ولدي وعيال اختي وبعد عمرها 8 ونص
انا اقولج وين المشكلة
المشكلة في البيت والمدرسة
في المدرسة المدرسين والمدرسات يعصبون على اليهال وكله يصارخون حتى الاجانب خص ان مدرستهم سامحين هذا الشي وبعد سامحين بالضرب التأديبي على الكتف وعلى اليد (المدير مخبرنا) وامس كان اجتماع اولياء الامور ورحت ونفس الشي باقي الامهات مخبرينهم عيالهم عن عصبية المدرسين وبعد في بنات يغارون منها في المدرسة يمطون شعرها ليش شعرج جذي وليش لونج جذي شو تحطين وشو تسوين (فاتشرات ماكنهن اطفال وهي بريئة على ويهها ماتعرف هذي السوالف) غير الاولاد اللي يسوون شلل ويضربون البنات عندهم مختلط لين الصف الرابع وفي الباص معاها مجموعة بنات واولاد نفس العايلة وفي فريجنا وهي بروحها ماعندها حد من عايلتنا في الباص يأذونها بقرص ومط شعر وتفليع هم عصبة وهي وحيدة وخبرنا الادارة عدة مرات وعقب طلع ابوهم يشوفها في الباص شيبون ابها؟؟!!! يعتدون ومايبون حد يشتكي عليهم
تي البيت الحبيبة 3 ونص وهي تقوم من 6 الصبح وتحصل بعد صريخ في البيت تسبحي كلي حلي حفظي.......
الله يعينهم
وبعدين تسألون ليش عيالنا سايرين عصبيين!!!!!!!
اسلوب النصيحة ماينفع كأنج المدرسة اللي تبا تفتك منها في المدرسة
كلميها كصديقة في سنها بس عاقلة،، واحترموا اغراضها وخليها تنام كفاية
سأليها المدرسة زينة؟؟؟ تعصب عليكم؟؟؟ شو قالت لج يوم راويتيها الواجب؟؟؟ شو قالت وقت سلمتيها المشروع؟؟..... بس سؤال او اثنين بالكثير في اليوم لا تزيدين الا اذا هي بنفسها خبرتج
شفتيها معصبة وهي داخلة البيت سأليها حد ضايقج في الباص؟؟ اذا لا سكتي عنها لين تاكل او تسبح وعقب سأليها اذا استمرت في عصبيتها حد عصب اليوم في المدرسة؟؟؟ تابعي كتبها ودفاترها اذا لقيتي علاماتها نازلة يمكن المدرسة عصبت عليها او صديقتها تطنزت عليها او حتى شخبطت على كتابها
اذا عرفتي الاسباب بتعرفين الحل
لكن لاتكونين لحوحة

ماقصرتي شكرا عالنصايح

**برق لمع** · 2011-11-25, 22:42

يمكن هي متضايقه نفسيا من شي في المدرسه اما انها اتحس الدروس صعبه عليها او قسوه المدرسات او عنده صعوبه في تكوين صداقات

حاولي تيلسين وياها كصديقه وتسحبين منها الكلام
اساليها شو مدرساتج طيبات او لا؟ اساليها تفهم منهم او لا؟ اسليها دروسج سهله ولا صعبه؟ اساليها البنات يحبونج؟كم صديقه عندج؟ شو اسم صديقاتج؟ اتحبينهم ولا مفروضين عليج؟ افهمي منها سبب عصبيتها بالحيله وحلي مشاكلها

**ابتسام سوريا** · 2011-11-26, 17:22

خذيها فحضنك دايما

**EBEL** · 2011-11-30, 22:18

شكرا لكل من شارك

الموضوع: (()) ابنتي (())

أدوات الموضوع

عرض

(()) ابنتي (())

المزيد من آخر المواضيع من نفس القسم:

المواضيع المتشابهه

شعر ابنتي

ابنتي...

ابنتي ............

ابنتي و الحفاظ