أجمل قصيدة عن اليوم الوطني

[الفل]

بلادي حياتي نور عيني ضياها
بلادي غناة النفس نبع ومنهال

لابعدت عنها الروح تبقى معاها
وتظل في دار المعزه والآمال

أحبها واعشق هواها وماها
واغلي ثراها موت مهما الزمن طال

بلادي بها شيخ رفع مستواها
فارس عروبه شهم من صلب رجال

ياسعد من سمت على اسمه ضناها
زايد رفيع الشان له قول وافعال

كل العقول بحكمة له تباها
اذا خذت طبيعة منه واخصال

ياحظ أرض ضمته في ثراها
تفخر بمن مثله على مر الاجيال

وفيها خليفه ساكن في علاها
يدوم عزه شيخنا طيب الفال

وفيها محمد عزوته مانساها
ضربه على العايل كما ضرب زلزال

وفيها رجال ملبيين دعاها
فدى لها لاتغيرت بعض الاحوال

وبوحدة بلادي تزايد هناها
بكلمة رجال ثابته مثل الجبال


تزخرفت أرضي وزانت سماها
وطير السعد غنى وفي ربوعها جال

وغطى شعاع النور كامل فضاها
شعاع من ايمان وعلوم واشكال

العرب مصدرها وفخر انتماها
بلادي لها في موطن العز منزال

بلادي حياتي نور عيني ضياها
بلادي ربيع العمر مع راحة البال

كلمات الشاعره : فلوه حمد عفير المري