مرحبا اختي. الله يخليج.الله يعطيج العافيه.لا تضربيها يا قلبي..فكري جدام لا تشوفين عند ريولج.والله ما اضن انج تضربين بنتج نفس ما كنت اضرب بنتي .الحين عمرها ست سنوات.انا كنت مثل المجنونه والله تعرفي اضربها بهستريا. بسبب عصبيتي. يوم ازعل من أبوها أرد الزعل بالضرب فيها.والحين انا وايد وايد ندمانه يوم أتذكر شو كنت اسوي فيها.الحين بدت تعرف مسكينه وتميز الصح من الغلط.وتساعدني في البيت. يوم انا بالمستشفى هي توديني وتردني. مسكينه كنت وايد اظلمها ما عندي خبره في تربيه العيال وانا في غربه.ماحد من اهلي.حبيبتي توقف في صفي.ضد أبوها..وتسمع كلامي.وشاطره في الصف.ودوم تسألني تقولي ماما بغيتي شي.وتحب على راسي.الحين انا أحبها وايد فعلا ماكنت في وعي يوم اضربها.حسيتها سند مالي في الحياة..تضارب أخوها عشاني..حلفتك بالله وبلتقي بج يوم القيامه.لا تضربي البنت.وحليلها والله.احنا نكبر السنين تركض ونستوي ضعيفات وما نحصل حد غيرهم. وأكثر شي البنات ما احنهم على الأم.يوم تكبر.طرشي لي مسج على رسالتي. .إذا أنا غلطانه في كلامي.لاتضربي حبيبةقلبك. .ما حد بينفعج غيرها.تساعدني والله رغم صغر سنها.ارجووج لاتضربينها