منو فيكم خذت حبوب دوفاستون بأول حملها..للضروره ادخلوا

**برنسيسه دلع** · 2011-11-13, 13:50

السلااااام عليكم حبايبي شخباركم وشو الحمل وياااكم.. فددديتكم انا بالشهر الثاااني والحمدلله للحين كل شي تمام الدكتوره اول ما خبرتني بحملي وصفت لي حبوب الفولك اسيد المعروفه وحبوب دوفاااستون بس ما خبرتني هذي الحبوووب لشو اقصد الدوفاستون خذتها تقريبا لمده عشر ايام بعدها لاحظت انه دايما مصدددعه ويجيسني الم بخواصري وبصراحه قطعتهم بس مستمره ع الفولك اسيد وموعدي بعد اسبوعين.. اللي عندها خبررره في هالموووضوع وتعرف شي بليز تجاوبني هل اودر هالحبوب والا ارجع اخذها جااااوبوني ويزاكم الله خيررررر

المزيد من آخر المواضيع من نفس القسم:

**ابتسامتي غير** · 2011-11-13, 13:54

هالحبوب اتثبت الحمل

اذا ما عندج اي مشكله من نزيف او اجهاض قبل او تاخر الحمل لفتره طويله

او شي من قبل ممكن يسبب لج اجهاض لا تاخذينهم عادي

**صاحبة الحلم** · 2011-11-13, 13:58

نفس الكلام الي قالته الاخت
الله يثبت حملج ويرزقج بالذرية الصالحة

**برنسيسه دلع** · 2011-11-13, 14:04

بصراااحه ولله الحمد ما عندي اي مشاااكل لا قبل ولا الحين ومب عارفه هذي الحبوب لشو لانه ما عندي اي مشاكل

**FoOo** · 2011-11-13, 14:17

الدفا ستون توصف في حالات الحمل المتاخرة اي بعد مرور كم سنة على الزواج ولم يحدث حمل او للمراة التي مرت بحالات اجهاض
الفوليك اسيد يقلل احتمالات اصابة الجنين بتشوهات لا قدر الله

**برنسيسه دلع** · 2011-11-13, 14:26

يزااااااااااكم الله خيرررررر خواتي ..

**ابداااع للتصميم** · 2011-11-13, 16:11

للللللللللللللللللللللللرفع

**أم يمن** · 2011-11-13, 17:01

أنا خذيت الدوفاستون في حملي الأول يوم جاني نزيف الله يبعده عنك وتميت أخذها لين الشهر الخامس يعني حتى ثبت الحمل
وأخذته في حملي الثاني رغم أنه ما جاني نزف بس الدكتوره خبرتني أنه للاحتياط وخصوصا أنه جاني نزف في الأول وبعدين كان وزني في نزول فخافت وعطتني ياه
أختي هو ما له ضرر والدكتوره أكيد كتبته بسبب أسأليها ولا توقفي الدوا من روحك
ربي يثبت حملك ويرزقك الذريه الصالحه يارب

**maitha_2008** · 2011-11-13, 17:12

اختى انا في كل حمله استخدم هذه الحبوب الدفاستون هي الحبوب حق تثبيت الحمل ... استخدمها تقريبا لمده سته اشهر ومره استخدمتها لمده تسع اشهر.... مع فيتامين .... فعلا تحسين بصداع ... ولوعه ...... بس ضرورية ... الله يسهل عليج ويثبت لج ضناج .. ان شا الله

**الزوجة البارة** · 2011-11-13, 18:14

انا اللي اعرفه انج لازم ما تقطعينها بدون استشارة الدكتورة .. لانج لو بديتي فيها لازم اتكملين والا الرحم بيلفظ الجنين لاسمح الله .. كملي ولاتهملين ولا حبة لين الموعد .. والله يتمم لج على خير ..

الموضوع: منو فيكم خذت حبوب دوفاستون بأول حملها..للضروره ادخلوا

أدوات الموضوع

عرض

منو فيكم خذت حبوب دوفاستون بأول حملها..للضروره ادخلوا

المزيد من آخر المواضيع من نفس القسم:

المواضيع المتشابهه

حبوب دوفاستون

حبوب ((((((((((( دوفاستون ))))))))))))))))) ؟؟؟؟

من جربت حبوب دوفاستون ؟؟