فضفضه

**CUTELADY** · 2011-10-17, 16:16

ياريت والله

هلكوا عيالنا من الدوامات الطويله

ومن الامتحانات اللي ما تخلص

ما عندهم وقت يلعبون

امتحانات وواجبات ومشاريع كأنهم في الجامعه مش في الابتدائي

عيالنا كرهوا المدارس والدراسه..شو الفايده يدرسون مغصوبين..تعبوا وتعبنا وياهم..

والله يعين المدرسات ويرحم حالهم ما اعرف كيف يقضون يومهم ولا متى يشوفون عيالهم..

****

والسموحه بس حبيت افضفض

المزيد من آخر المواضيع من نفس القسم:

**رتوـش** · 2011-10-17, 16:20

حسبي الله ونعم الوكيل

***فيونكا*** · 2011-10-17, 16:28

هيه والله صدقج

هارينهم هري يـ ها التقارير هم تعبانين والأهل تعبانين وياهم

الله يصبرنا لنهاية العام الدراسي

ويسلموووو حبيبتي ع الطرح

**دمعة نمله** · 2011-10-17, 16:50

هيه والله صدج هلكو صراحه من هالتقارير والواجبات والامتحانات وكل ماده لها شي

احس الطالب مغصوب يدرس حرام عليهم يرحموهم شوي

احين الروضه مساكين ما محصلين وقت يلعبون فيه

كله كراف عاد يوم ايون من المدرسه كيف هلكانين

الله يعينهم

**عجب !!!** · 2011-10-17, 17:03

الله المستعان

**كراميش** · 2011-10-17, 17:28

الله يعين اعيالنا انا لين الحين ما سويت لولدي ملف انجاز يدوب اول ما ايون من المدارس سيده مذاكره

**زيباشو** · 2011-10-17, 17:53

الله يعين

بنتي كي جي 2 يوم ترد البيت تشتكي ،، تعبت كله نكتب نكتب نكتب هههههه
بس احس احسن لهم ينشغلون في الدراسة ولا ينشغلون في شي ثاني

**CUTELADY** · 2011-10-17, 22:08

بس حرام بعدهم أطفال اذا ما لعبوا وتحركوا الحين متى بيلعبون
من غير ملفات الإنجاز اللي الام لازم تسويهم

من غير التكليفات

هم على بالهم جيه بيطلعون جيل ناجح
الا أشوف العكس الياهل من الحين متملل من الدراسه
كيف باجر يوم بيكبر وبتزيد المواد والأعباء

النظام هذا فاشل

الله يرحم نظامنا ودراستنا

ماشاالله تخرجوا دكاترة ومهندسين ومعلمين وناس ناجحه
لكن هالنظام بيدفن المواهب و بيجتل القدرات

بيستهلك الطالب لآخر نفس

الله يرحمنا ويعينا ويعين عيالنا ويوفقهم

**توته79** · 2011-10-18, 04:16

وهذا غير طلباتهم اللي ماتخلص انا بنتي اول اسبوعين كرهت المدرسه تقول برجع الروضه خخخخخخ ضغط عليهم فاليوم 4 امتحانات يتحسبون الياهل فيه حيل مثلهم وان كلمتيهم قالوا سهل مايراعون عقول الاطفال وغير الدوام لي 2 وربع حشى ثانويه

**أم كنه** · 2011-10-18, 13:03

اختي ليش اتسجلون عيالكم في مدارس دوامها طويل !!!

انا تصدقين اول مافكرت اسجل بنتي سالت عن دوامهم متى يخلص واذا فيها ضغط ولا !! وقالوا 12 ونص يخلصون واستانست والواجبات اللي يعطونها اخر الاسبوع تلوين ورقه ورقتين او تخط على الحرف

لانها بتتعلم اخرتها الياهل روضه وابتدائي احس لازم يعيش حياته مايقدر يدرس بروحه لازم مساعده الاهل من يكبر ويكون في اعدادي يعتمد على نفسه

في ناس يعيبهم دوام عيالهم طويل يبغون الفكه منهم يقولون يدرسونهم ويحلون الواجبات فالمدرسة بس يرد الياهل 3 او 4 وعليه امتحان حرام متى بيقعد ويا اهله متى بيرتاح لين المغرب اعتقد حيلهم منهد

**لولوهـ** · 2011-10-18, 13:09

فضفضوا لين ما تقولون امين محدددددددد يسمع عيززززززززززنااا

لا ادراات سنعه ولا مدرسين سنعين نبا عيال البلاد ابركككككككككككككككك

**ام البنــات** · 2011-10-18, 20:04

والله صدق تعب انا بناتي في صف اول و ثاني و يخلصون الساعه 1 اتصدقون انه مرات يردون والاكل في الشنطه ويوم اسالهم يقولون لي ما طلعنا لانه ما خلصنا نسخ من السبوره اول شي قلت يمكن المعلمه اتعاقبهم مع انه بناتي والحمدلله متفوقات بس يوم سالت البنات انتم بس ولا في حد غيركم ردت علي بنتي الكبيره لا ماما وايد يهال مثلنا

والله اني حرجت وعصبت وسرت لهم وقلت لهم ما يحق لي اي مدرسه انها اتحرم اي طالب من الفسحه وانه ياكل وجبته حتى لو ما كان مخلص اللي عليه وفهمت بناتي بعد ها الشي مع انه انا بناتي ما يطلعون من البيت الا وهم مخلصين ريوقهم بس في غيرهم يسيرون المدرسه من دون ما ياكلون حرام عليهم بس خلاص شو عنبوا دح دح في ها اليهال لين متى ؟؟؟؟؟؟؟؟؟ لا واللي يضحك كل مدرسه على بالها انه الطالب ما عنده غير مادتها واجبات واملاء ونشاطات وبحوث لا وغير الطالبات الثانيه اللي يطلب ملطف جو واللي يطلب ما ادري شو صدق عذااااااااااااااااب

اصلا والله اللي في صف اول وثاني صدق المدرسات يقصون على اعمارهم يوم يطلبون منهم البحوث الامهات يسون كل شي واليهال يكون راقد اصلا لو يحولون موضوع البحوث الى موضوع مشاركات انه كل طالب يختار اي موضوع او قصه يحبها حتى لو موقف صار له ويخبر زملاءه في الصف اليهال جي يتعلمون المحادثه وتعزز ثقتهم بنفسهم اكثر وتعلمهم الجرأه.

مشكورين صدق طلعت اللي في خاطري

**CUTELADY** · 2011-10-19, 16:29

الله يعين
ام كنه فديتج عيالي في مدارس حكومية
الخاصه اللي عندنا تخلص ٣ او قريب الثلاث

بنتي بعد تقول تبغي ترجع للروضه من كثر الواجبات و الامتحانات

حلاتها ايام الدراسه قبل كنا ننتظر المدارس بشوق وفرحه عكس الحين

فضفضوا فديتكم
لا تخلون شي في خاطركم

**امبرطورة بوظبي** · 2011-10-22, 17:37

الله يعين والله

**أم حمدة2008** · 2011-10-22, 19:45

الحمدلله إلى الأن ما عانيت من هالمشكله .. والله يعينكم

الموضوع: فضفضه

أدوات الموضوع

عرض

فضفضه

المزيد من آخر المواضيع من نفس القسم:

المواضيع المتشابهه

فضفضه

فضفضه

فضفضه ...

:: فضفضه ::