الله يريح الي تريحني بكلامهآآ ويسسعدهآآ :")

**{سوسو}** · 2011-09-30, 21:21

السلام عليكم ورحمة الله وبركاته..

اول مرة انزل قصة واقعيه وعايشت احداثها لكني الله يسعدكم اي وحده تكتب رد تحط نفسها محلي طبعا انا صديقة {سوسو} وادخل معها بنفس المعرف ويسعدني اني اول مشاركه لي

وابي شوركم بعد الله انا من فتره واواخر رمضان ربي سبحانه علق قلبي باخو صديقتي واكتشفت انه معجب فيني ويبي يتقدم لي للزواج ..خلونا من هذا كله بعد ماتفقنا وطبعا الواسطه بيننا كانت اخته توصل لي كلامه ومعلوماته وكل شي يخصه ونفس الشي اخته توصل له الكلام عني يعني حمدلله واهلنا عرفو بلي حاصل وهذا الي مريحني انو ماسويت شي حرام او علاقة مشبوهه لا الولد يوم شاف وسمع عني خلاص ماحب يلف ويدور وطلب انه يتقدم لي للزواج.. خبرت امي بكل شي عن الولد وانه شاريني ويبي يتقدم لي وانه حاشته ضيقه بصدره وانه يبيني ومتمسك فيني ..حتى يوم طلبت اخته رقم امي عشان اهله يكلمون امي وكذا وطبعا استخرت فيه وهو استخار وكان مستعجل يبي يتقدم لي قلت لين ارجع من السفر ايام العيد يكلمون امي يطلبوني بعد ماستقر وضعي ورجعنا من السفر استنيت يوم يومين ثلاثه ماتصلو..!
ف كلمتني صديقتي انو اخوها جاه زي الضيقه بصدره كلمن بغة يتصلون اهله تجيه الضيقه ..اكتشفو انه في ناس من اقاربهم نفسهم فيه كلمن شافوه جلسو يمدحونه ويقولون بنزوجك بناتنا ف عشان كذا جته هالضيقه ..
ياناس انا مب متضايقه بس الولد مسكين تعب ومرض وحالته مب زينه بدا يتعالج ويقرا على نفسه ويرقيها ..وانا بصراحه انكسر خاطري لاني خلاص اتفقنا مبدئيا على كل شي قبل لايصير شي رسمي لكن الله ماكتب..
بس اخته توصلي انه متضايق وحاس يتأنيب ضمير من ناحيتي يقول مابيها تضيع من يدي وبنفس الوقت مايبيني استناه وارد الناس الي يتقدمولي عشانه ومايبي يفرط فيني:"(
خليت اخته توصل له كلام انه لايفكر ف هذا كله قد مايفكر يتشافى وياخذ اثر من الناس الي نفسهم معلقته حسبي الله هو نعم الوكيل وصيتها انه لايكون همه الحين يتزوج قد مايتخلص من الضيقه الي تحوشه وتخليه مب قادر ينام ولاقادر يسوي شي وهو الحين
وخاطره يتشافى ويرجع يتقدم لي وماشاءالله سمعته زينه وولد ناس واحنا نعرف اهله من زمان وانا والله مؤمنه بقضاء الله وقدره لكن بس من انام لين اصحى يجيني حلومي كلها فيه وفـ اهله واحلم انه يقولي اصبري علي وانا مابفرط فيك وبتقدملك وانا ضايق صدري ومدري ايش والله يابنات اصلي وادعي ربي واستغفر ربي وحمدلله علاقتي بربي زينه وادعيله من كل قلبي يكون بخير حتى لومانكتب نصيبنا مع بعض لكني مب قادره انسساه وهو نفس الشي وش الحل نوروني وريحوني بكلامكم بعد الله سبحانه..
اللهم صل وسلم وبارك على نبينا محمد وعلى اله وصحبه اجمعين

ابي حد ينصحني وش اسوي بقلب مؤمن كيف اتصرف لان الموضوع مب راضيه انسساه ولا هو راضي ينساني ومن خاطره يبيني وشاريني الله يسعدكم ريحوني بكلامكم خياتي :")

المزيد من آخر المواضيع من نفس القسم:

**الورد الأحمر** · 2011-09-30, 21:28

خليكم هالفترة بعاد عن بعض
خليه يروح عند مطوع موثوق منه يقرا عليه
خليه يسمع قران يصلي يذكر ربه يرقي نفسه بكل وقت ممكن

انتي بعد نفس الشي
والله يشافيه ويكون من نصيبج

**{سوسو}** · 2011-09-30, 21:36

اي والله بعاد ياخيتي ويقرا على نفسه واناحمدلله ربي ملاذي وملجأي سبحانه اممممين الله يسمع منك ويجزاك كل خير

**{ آحلى دلع ..** · 2011-09-30, 21:50

مآدري . !!

بس الله يكتب لج آيآه اذا كآن لج خير فيه . .

**صلاتى حياتى** · 2011-09-30, 21:51

الله يريح قلبج الغاليه,,,,,,وييسر امورج ويشفى المعرس يااااااااااااااااارب وتتهنين

الله يعلم وحده وين الخير حبوبه استخيرى على جد ماتقدرين وعليج يقيام الليل والدعاء بالخير فى موضوعج

واتمنى لج كل التوفيق غناتى

**USA Online** · 2011-09-30, 21:54

المشاركة الأصلية كتبت بواسطة الورد الأحمر

خليكم هالفترة بعاد عن بعض
خليه يروح عند مطوع موثوق منه يقرا عليه
خليه يسمع قران يصلي يذكر ربه يرقي نفسه بكل وقت ممكن

انتي بعد نفس الشي
والله يشافيه ويكون من نصيبج

موفقه

**{سوسو}** · 2011-09-30, 21:57

الله يسعدكم ويريحكم ويعطيكم من خير الدنيا والاخره نصيب خياتي ويكفيني دعوه صادقه منكم ماقصرتو♡

**ملاآك قلبكـ،،** · 2011-09-30, 22:05

اترييه
و ساعديه انه يتشافى
و اقري كل يوم سورة البقره
ان شاء الله ربي يفرج همج

**{سوسو}** · 2011-09-30, 22:18

الله يريحك اخيتي ويكفيني اي وحده بس تدخل موضوعي تدعي لي دعوه والملائكه ترد عليها ولك بالمثل ..
استغفرالله واتوب اليه

**وردة ساطعه** · 2011-09-30, 22:21

المشاركة الأصلية كتبت بواسطة صلاتى حياتى

الله يريح قلبج الغاليه,,,,,,وييسر امورج ويشفى المعرس يااااااااااااااااارب وتتهنين

الله يعلم وحده وين الخير حبوبه استخيرى على جد ماتقدرين وعليج يقيام الليل والدعاء بالخير فى موضوعج

واتمنى لج كل التوفيق غناتى

**المحتاجه** · 2011-09-30, 22:24

أختي الأفضل يروح مطوع يرقيه وان شالله بيصير أفضل ولا يترك الرقيه
وربي فرج همكم ويجمع بينكم ع خير
وعليج بالدعاء والله يسرأمرج

**حياة القلوب** · 2011-09-30, 22:25

المشاركة الأصلية كتبت بواسطة ملاآك قلبكـ،،

اترييه
و ساعديه انه يتشافى
و اقري كل يوم سورة البقره
ان شاء الله ربي يفرج همج

سبقتيني
الحب هالايام شي مفقود وخصوصا مع الصدق وانتو العلاقه صارت معروفه لاهلك واهله هاد اذا الحكي صحيح الشب اللي يخبر اهله هو الشب الصادق هلا المهم حبيبتي تستخيري مو معناها تستخيري واذا امورك تعركست او ما مشت تزعلي لا جواب الاستخاره هو تسهيل وتيسير الامور وان شاء الله بتتسهل يارب ويكون من نصيبك والايام كفيله توضحلك رد الاستخاره سواء افرحتك او ازعلتك لانه ربنا ما بيختار الا الافضل وربنا بس القادر عكل شي فثقي بالله حبيبتي اهم شي ودايما رددي سبحان الله وبحمده سبحان الله العظيم صدقيني متل السحر بيتيسر منهم الامور هالكلمتين

وعزيزتي لازم يقرا عنفسه ترى الحسد موجود والنق موجود والناس اليوم ما ترحم لو بيدها تاخد لقمتك قبل لتوصل تمك ما بتقصر بس الحمد لله لسه في خير
فتوكلي عالله وخليها عليه صدقيني لو ايش ما عملتي ما بتغيري قدره واراده ربنا وهي الخير

**ليتني قبر زاي** · 2011-09-30, 22:29

غناتي اقرو سورة البقرة واايد بتريحكم

ربي يوولف بينكم ع خير

**{سوسو}** · 2011-09-30, 22:32

الله يسر اموركم خياتي ويشرح صدوركم كلامكم زي البلسم ودعواتكم الله يعطيكم ضعفها يارب ريحتوني جزاكم الله الفردوس الاعلى وكل المسلمين :$

**فرح راكـ** · 2011-09-30, 22:37

خليه يلتزم بسوره البقره
وانتي بعد اقريها دوم
وصلي استخاره لو 20 مره
والله يسهل عليكم يارب

الموضوع: الله يريح الي تريحني بكلامهآآ ويسسعدهآآ :")

أدوات الموضوع

عرض