سااعدوني

**دمعه سعيدة** · 2011-09-29, 16:39

السلام عليكم
اشحالكم خواتي بقولكم سالفتي انا معرسه وصارلي اربع سنوات ...
ولين الحين ماعندي يهال ولله الحمد ... والمشكله في عدم الانجاب لين الحينه هو ضعف عند زوجي قله في الحركه والعدد .. ولله الحمد .... وسويت انابيب وحملت شهر ونص وسقطت ومن سقطت بدات الماساه عندي...... واللي اهي بصراااحه مدري شو اقول ....
انا كاي وحده متزوجه يالسه بالبيت وابي اكون ام وساكته ومو معترضه لانه كل شي بايد رب العالمين .. مليت من يلست البيت وكذا مرة درست ووقفت لاني ماارتحت بالتخصصات ومو مرتاحه مدري ليش... انا كنت في العين ولما عرست سكنت عند اهل زوجي بابوظبي ...
مدري شو اقولكم انا مب مرتاحه من العيشه ويا اهل زوجي ومو مرتاحه بصراحه من الوضع اللي عايشته لانه ماايطمن ... زوزجي للاسف كل مااقوله اني مب مرتاحه او ابي اسكن بروحي يعترض ومايهتم وكانه يقول في احلاااامج طيب انا شو ذنبي مو قادره اعيش ويا اهله وانا بدون عيال وتعبت من الانابيب ومالي خاطر ابد اعيد التجربه الوحده لما تعالج وتسوي انابيب يبالها راحه نفسيه وجسديه وانا ياااخواتي والله مب مرتاحه لا نفسيا ولا جسديا في كل شي يدخلون حتى في مواعيدي يدخلون ويتمون يسالون وين رحنا وشو نسوي ... وريلي مو رااضي يفهم ابد ولايحس فيني تخيلوا قتله طيب بكمل دراسه عند اهلي قالي مستحيل شو بايدي اسوي اكثر والناس كلهم يقولون ليش ماحملتي عبالهم مني وماحد يعرف انه منه الا اهله واهلي بس ... انا والله عايشه بحيرة غير انه امه مو مرتاحه وياه تخيلوا ماحد قاعد في البيت الا انا والكل يدرس ويشتغل وامه بعد تدرس .. وانا اقوم واطبخ ومدري شو ... ياناس شو ذنبي مو كافي اني متحمله بعد الكل يستغلني يبوني اطبخ واسوي اللي يبونه وانا اللي فيني كافيني المفروض يعيشني ملكه لاني متحمله وساكته ... وكل مااقوله يقولي ما بايدي شي ... والله الحين يالسه افكر اطلق واراتاح المشكله احبه ... وهو طيب ومايقصر فيني .. بس عديم احساس وضعيف شخصيه عند اهله تخيلوا يقولون له اسحب قرض من البنك عشان ابوه راح وسحب ... طيب انا شو بيكون مصيري وشو ذنبي ياليت حد يحس فيني فهموني وساعدوني ؟؟؟؟؟؟؟
لا عيال ولا راحه ومستحيل ع قوله يكون لي بيت وارتاح عيل شو اسوي مب قادرة اتحمل ...ز

المزيد من آخر المواضيع من نفس القسم:

**احلى بلوشية** · 2011-09-29, 16:43

الله يعينج

**هنـد المـرر** · 2011-09-29, 16:43

الله يفرج همج وييسر امرج ..
ان شالله صااحبات الخبره
مابيقصرن

**دمعه سعيدة** · 2011-09-29, 16:44

هذا غير خواتي اني ماقصر وياه وسويت الانابيب عسب افرحه واي شي يباه اسويه ومهما سوا اهله مارد عليهم عشان خاطره بس بس والله مب قادرة اتحمل الوضع اكثر بموت من القهر ... شو ذنبي عشان يكون هو واهله ضدي .. اذا زوجي مايفهم شو اسوي انا ماحب كلمة الطلاااق والله تخوفني بس اذا الوحده مو مرتاحه شو تسوي

**المحتاجه** · 2011-09-29, 16:51

أختي كثري من الإستغفار وأنتي على يقين بالاجابه
وصدقيني ربي ما بينساج
وأنا حاسه فيج أهل الزوج أحياننا يكونون صعبين

والصبر دوم دوم مفتاح الفرج
الله يفرج همج أختي

**randomness** · 2011-09-29, 16:51

حبيبتي ليش تشتغلين في بيتهم هذا موب بيتج أحس موب حلوه ليش ماعندهم شغاله تطبخ ؟ إذا ما تعرف علميها أنتٍ ومحد يقدر يعترض عليج خليج قويه ويكفي مجاملات

**كنافة بالقشطة** · 2011-09-29, 16:57

حبيبتي الله يطمن قلبج يا رب

قولي لريلج ان الراحة النفسية مهمة عشان الوحده تحمل والله ما اعرف شو اقولج ساعات الحياة تكون صعبة وايد

**دمعه سعيدة** · 2011-09-29, 16:58

ماتحب احد يدخل في الخدامة وماقدر ع كيفي اعلمها اونه ماتحب الخدم يطبخون انا مب عارفه شو اسوي ابي اعدل نفسيتي وابي ارتاح مب عارفه شو اسوي امه ماحد يقدر عليهاااا

**randomness** · 2011-09-29, 17:07

دام ما تحب قولي لها من اليوم أنا ما بطبخ وأنتٍ سوي إلي تشوفينه

صدقيني مش ملزومه تطيعين أمه في كل شي أصلاً كان لازم من البدايه ما تطبخين عندهم شي

لانه أكيد راح يصير استغلال بعدين ... ما أقول غير الله يعينج عليهم

**دمعه سعيدة** · 2011-09-29, 17:19

انا عمري ماطبخت بس الحين غصب ماحد بالبيت غصب وانا ماحب المشاكل وامه صعبه وااايد

**randomness** · 2011-09-29, 17:30

شوفي إذا ما اهتميتي لنفسج محد ترا راح يهتم ..

بس إذا موليه ما تقدرين تعارضين خلي نيتج لطبخ في طاعة الله يعني تطبخين عشان الأجر

ممكن فكرة إنه مستغلينج تطبخين لهم حازه في خاطرج إنتِ غيرها

واكثيري من الاستغفار وقت ما تشتغلين بتحسين الشغل يخلص أسرع وأريح على نفسج

تقولين ما تقدرين تدرسين زين جربي ادورين هوايه حلوه توسعين فيها صدرج أو تجاره بسيطه

ترفعين فيها من معنوياتج موب لازم تجاره مميزه أي شي ..

وإذا مصره على الدراسه في عندج دورات جمعي دورات وفكي عمرج من صدعتهم

**MOON_AD** · 2011-09-29, 18:02

نصيحة اقري سورة البقرة بالنية الي تريدينها يوميا ولا تقولين ما عندي وقت حاولي

**أتعبني غلاهـ** · 2011-09-29, 18:17

حبيبتي و الله

الله يكون في عونج و خلج واثقــة بالله عشان تتيسر أمورج كلها

**خاتم من ذهب** · 2011-09-29, 18:50

انتوا عندكم الاحل الامثل هو الطلاق !!
انزين لو اطلقتي شو بتستفيدين ؟!
ع بالج بترتاحين ؟؟! لا .. غلطانه إلا بتتعبين اكثر
انتي اللي تعانين منه هو الفراغ
اذا لج بارض للدراسة درسي واختاري تخصص تحبينه واستمري الين تتخرجين
واذا لج بارض في الشغل وريلج موافق دوريلج على شغل واشتغلي
او التحقي بدورات تحفيظ قرآن او كمبيوتر او خياطه مكياج او مارسي الرياضه أو اي شي المهم تشغلين وقتج وما تخلين الملل يتسرب لحياتج
حياتج فااضيه اشغليها بشي مفيد وبتحسين بتغير للأحسن ، و مب شرط العيال اللي يشغلون الحرمه ممكن اشياء ثانيه تشغلها
اشغلي نفسي وانتي والخير رباعه .
وكل بيت فيه مشاكل
لو كنا بنوقف على كل صغيرة وكبيرة من هالمشاكل ما بنقدر نعيش مرتاحين
خلج حكيمه والمشاكل الصغيرة غض الطرف عنها والمشاكل الكبيره حليها بحكمه وعقلانيه
وشلي من راسج رمسة الناس وليش ما حملتي وليش ما يبتي عيال وليش وليش .
ومب غلط اذا الريال خذ قرض عشان ابوه ( انته ما تملك لأبيك )
وريلج مب ضعيف الشخصية جدام هله مثل ما تقولين
ريلج ريال بار بأهله وفيه خير لأهله
افتخري بريلج واحمدي الله على هالنعمه
حد من الرياييل اعووذ بالله منهم

**مغرورة الجمال** · 2011-09-29, 23:33

ربي يخفف عنج ..

الموضوع: سااعدوني

أدوات الموضوع

عرض