يقولها بتزوج عليج وباخذ الولد منج

**Im Here** · 2011-09-28, 23:30

مرحبآ خواتي
هأي مشكلة ربيعتي عزيزة علي وإيد والمسكينة لا حول لها ولا قوة وأتمنئ القئ الردود إلي أقدر اساعدها

صديقتي مواطنه تأخرت ف الزواج وكملت الثلاثين وكان حلمها حلم أي وحده تعرس .. بعد فتره خطبها واحد أصغر عنها بسنه وهو خليجي .. وهو كان راتبه على قده وما عنده مصاريف العرس وهي دفعت كل شئ وعرسوا وعاشوا هني ف شقة .. تأخرت ف الحمل وعقب السنة الرابعة حملت ويابت ولد .. طبعا ؤايد تبهدلت لأن ريلها مش مواطن .. ولكنها كانت راضية واتقول إلحمدلله أهم شئ ريلها وياها .. ؤكانت كل فترة تروح ؤياه بلد أهله تزورهم وهم ؤايد طيبين معاها ويحبونها .. طلب منها تأخذ سلفيه من البنك لأن عنده مشروع وقالها برد فلوسج من الأرباح وعقب قالها المشروع خسر ..
ؤالحين من سنة ريلها غير دوامه وحصل وظيفة براتب زين .. فجأة تغير عليها ؤقالها ما أحبج وما أبيج ؤبتزوج عليج ويقولها كلام يعور القلب ؤما يطلع معاها ولا يؤديها مكان .. قالتله إذا تزوجت علي طلقني .. قالها بطلقج وباخذ الولد منج .. هي خافت ؤسكتت لأن ما تبئ تخسر ولدها ؤصابرة عشان هالولد ..

أتخيلو ليلة العيد يا عندها قال أنا بسافر تايلاند وقالها يلا روحي عند اختج .. وكل يوم يطلع من الصبح ما يرد لين آخر الليل أو الفجر ومرات يتم برع لين اليوم الثاني ..

قبل يومين وحده ف دوامه تصير حق الحرمة من بعيد خبرتها انه ريلها ناشر ف إلدوام انه بيتزوج وعازم الموظفين على عرسه ف شهر 10 .. للعلم هو مخبر حرمته من قبل انه شهر 10 بيسافر ويا ربعه اندونيسيا .. الحين المسكينة كله تصيح ؤتعبانه نفسيا منه ومن تصرفاته ..

بليز خواتي ياريت تنصحونها وشؤ لازم إتسوووي
وجزاكم الله خير

المزيد من آخر المواضيع من نفس القسم:

**أميرة البيت** · 2011-09-28, 23:38

من البداية لازم ما تساعدة بمصاريف العرس والديون خذ منها اللي يباه وخلاص يوم شاف مانها فايدة قال بيعرس عليها وبينصب على وحدة ثانية،،، غلطتها هي لأنها عقت نفسها عليه وماخلته يتحمل مسؤوليتها من البداية،،، الله ايسر أمورها ويسعدها كاعرف بشو انصحها ،،،الله يكون بعونها.

**بابايا** · 2011-09-28, 23:48

لا حول ولا قوه الا بالله

الله يعينها

ما دري شو اقول

**كنافة بالقشطة** · 2011-09-28, 23:58

طبع الرياييل خايس

**حبي العراق** · 2011-09-29, 00:15

وللللللللللللل مصيبه صابته ههههههه دعيت عليه

حرام والله الظلم

حبوبه القانون معاها

اولا هو لو تزوج عليها هذا من حقه لان الله شرع له

طيب هو تبدل عليها وصار يقسوا عليها واااايد

اذا تبي تتطلق الحظانه طفل لللللللللها معروفه ومو بكيفه ياخذ ولده الا لاسامح الله حتى لو شرد خارج دوله ومعاه الولد يزخونه واردون لها ولدها

بس بكل الاحوال هو خاين للعشره دامها بعدهم باول زواجهم جي يتصرف من يكبرون ويخرف ريال شيسوي؟؟

الله يعينها وطلاق مو بهين بس هو اللي باع ولاخفت عليه

اللي مايشتريني وابيعيني ابيعه ببلاش وبرخص تراب كرامتي اهم منه ومن كل امثاله

والولد ولدها والحضانه لها ومو بكيفه يشيله مالت عليه فوق ماسعدته ووكفت وياه يتزوج عليها واهينها باي شرع هذا واي قانون يسمح بجي

سالفه تفور الدم

**bellegirl** · 2011-09-29, 00:35

لا حول ولا قوة إلا بالله

الله يهديه ويصلح حاله

خلها تقعد مع نفسها

وتكتب إيجابيات وسلبيات هذا الريل

إذا شره أكثر عن خيره وما تشوف فيه الريال الي بيعينها على دينها ودنيتهـأ فالحل واضح

أأما اذا شافت فيه صفات زينـة بس انه يبغى يعرس ولإن هي مب راضية هو يسوي لها جي

فالزواج مب عيب أختي

ومب حرام ولا غلط ,, اذا عرس وبيتعدل تصبر ورب العالمين بيآجرها على كل شي

أنا مب اني أشجع الزواج من ثانية

بس إذا كان بيهدي ريلها عليها وبيتغير فتصبر وتحتسب

وعليها بالدعاء والإستغفار والقرآن

وبعد تدخل حد من أهلها عاقل في الموضوع يمكن اذا كلمه يستحي على ويهه

ربي يهديه ويصلحه ..

و ربي يوفقج أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

**seemaa2022** · 2011-09-29, 00:39

ما يقدر ياخذ عنها الولد
و تقدر تاخذ نفقة عليه

**الأحلام الملونة** · 2011-09-29, 00:43

لا حول ولا قوة الا بالله

العمل عمل ربنا توكل أمرها لله هو نعم المولي ونعم النصير

تكرس حياتها لولدها وعن زوجها تقول حسبي الله ونعم الوكيل

ولا تحزن من باعك بيعة ما في شي بالدنيا يسوا الله يعوض عليها بولدها

**مروحة حيل** · 2011-09-29, 00:44

استغفره الله العظيم حسبي الله ونعم العظيم

**مروحة حيل** · 2011-09-29, 00:45

استغفره الله العظيم وحسبي الله ونعم الوكيل فيه

***أم شهد*** · 2011-09-29, 01:04

لا حول ولا قوة الا بالله العلي العظيم ،،،،

انا من راي الاخت بيلي قيرل ،،، غير جذي لا تقعد اتحاتي لانه كل اللي يصير لها قضاء وقدر فتعيش يومها بيومها واتسخر نفسها لولدها ولنفسها ،،، واذا حصل واتطلقت فما اتخاف القانون معاها وشخص مثل هذا مو جاد ابدا بكلامه مجرد تهديد لا غير ،،، الله يهديه ويصلح حال رفيجتج

انقهرت من الخاطر عليها ،،،

**عيون حبيبها** · 2011-09-29, 01:25

اتخليه يتزوج وتتطلق منه والولد لو يموت مايقدر ياخذه مب مواطن وبعد يهدد ياخذ ولدها
بس قوليلها تنتبه ع ولدها ومااتخليه ياخذه منها لانه دامه مب مواطن عادي يشل الولد ويرووح بلااده

والله يفرج همها ويوفقها انشالله

**بنوتـــهـ** · 2011-09-29, 02:08

المشاركة الأصلية كتبت بواسطة أميرة البيت

من البداية لازم ما تساعدة بمصاريف العرس والديون خذ منها اللي يباه وخلاص يوم شاف مانها فايدة قال بيعرس عليها وبينصب على وحدة ثانية،،، غلطتها هي لأنها عقت نفسها عليه وماخلته يتحمل مسؤوليتها من البداية،،، الله ايسر أمورها ويسعدها كاعرف بشو انصحها ،،،الله يكون بعونها.

**عذاابي** · 2011-09-29, 02:14

حبيبتي لا يقص عليج ترااا حضانة الولد لامه

والله يعينج وان شاء الله تفرج والله يهديه

**الكـــــاذي** · 2011-09-29, 02:29

لا حول ولا قوة الا بالله،،،

بعض الرجال ما يعرفون شو الأثم اللي يحملونه لما يكسرون قلب حرمة لا حول لها ولا قوة

من رايي،، تلجأ لله سبحانه وتعالى
وسهام الليل لا تخطي،،

الله يفرح قلبها ويفرج همها،،،

واستغفر الله العليّ العظيم وأتوب إليه

الموضوع: يقولها بتزوج عليج وباخذ الولد منج

أدوات الموضوع

عرض

يقولها بتزوج عليج وباخذ الولد منج

المزيد من آخر المواضيع من نفس القسم:

المواضيع المتشابهه

مشكله بنت.. زوجي كل ماله يقول بتزوج عليج ... 40

تأديب الريال الي يقول ( بتزوج عليج)

هل من حق ريلج يعرس عليج إذا عندكم بنات وماالله كتبلج الولد .. شكايل بتتصرفين ؟؟