خطبتي ولد عمتي بس .....؟

[حلم رشاقه ..،]

سلام عليكم


بنات أنا بدخل بالموضوع على طول <<<<مااعرف للمقدمات خخخ

بنات أنا تقدم لي وولد عمتي اكبر مني بشهر وعمره 22بس والله ماكنت متخيله أخذ واحد شرات عمري خاطري أخذ لي واحد اكبر مني اقل شي عمره 28

بس مب هاي مشكله المشكله انه بعد لا يشتغل لانه متين واااايد حتى أنا متينه بس مب وايد تقدرون تقولون مربربه يعني وزن ولد عمتي بحدود 140 واااايد صراحه خلوها الوزن بس المشكله ما يشتغل الوقت الحالي يدور المسكين ولا محصل والله يا بنات الولد طيب وماعليه كلام بس انه ما يشتغل ولا أنا امووووووت بعمتي احبهااا وااايد ومارووم اكسر خاطرها بس شو اسوي

وهو بعد بحاله ماله خص بحد وطيب شو تشورن عليه *

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خيوط ملونه..]

*.* كيف بياخذج وما يداوم من وين له البيزات ؟ مهر وزهبه

[bellegirl]

غاليتي

أول شي عليج بالإستخارة قبل كل شي مرة واثنين و3

والرسول يقول اذا جاأكم من ترضون دينه وخلقه فزوجوه

يعني إذا انتي تشوفين فيه الإنسان الي بيحبج وبيراعيج وبيتقي الله فيج لا تترددين أختي

الوزن ينزل يعني ما هو بمصيبـة واذا تعذر الموضوع بيسوي عملية

لكن الأخلاق الي من وين نيبها اذا مب موجودة

دامه انسان طيب وشاريج استخيري شرات ماقلت لج وفكري عدل

وبنظري توكلي ,, وأكيد دام الريال متعلم بيتوظف ان شاء الله

ورب العالمين ما يضيع عبده الصالح

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

[كنافة بالقشطة]

اول شي الاستخارة لان ربج وحده يعرف اذا هالريال زين حقج ولا لا .......
و ثاني شي نحن ما نعرف الولد انتي تعرفينه
يعني اقعدي بينج و بين نفسج فمكان هادي و حطي فبالج ان ها زواج يعني حياة طـــــول العمر بحلوها و مرها تقدرين تعيشينها ويا هالريال؟؟ خذي ورقة و قلم اكتبي انتي شو تحبين فالريال شوفي موجودة فيه
و بعدين حبيبتي اهم شي القبول اذا انتي متقبلتنه كل شي يهون و بطوفين و ايد اشيا
اعرف وحده ماخذه واحد وااااايد جاف و ناشف فالكلام و الاسلوب بس هي تحبه عشان جي اطوف له وايد اشيا و عاذرتنه بس تشوفين وحده مش متقبلة ريلها فاي شي يسويه اطلع له على قوله السوريين "ايدين و اجرين"
و بالتوفيق

[ابتسامتي غير]

اذا مشكلتج الشغل بس قولي لهم خطبه مبدايه لين يداوم الريال

[حلم رشاقه ..،]

خيوط ملونه

اهله بيدفعون المهر واهله عندهم خير ما شاء الله بس أنا قلت حق أبوي ما بتزوج لين ما يحصل شغل

[فرح راكـ]

صلي استخاره ولو تحسينه مناسب وافقي
وعقب مجرد خطبه لين مايداوم
وعن الوزن عادي يسوي رجيم وبيضعف

[جمر بارد]

هو خل يضعف اول وايد وزنه اصلن ما يقلون في الشغل وهذا وزنه اشرطي هذا الشرط

واصلن الرياييل بضعفون اسرع عن الحريم

[PEACH]

ربي يوفقج ويرزقج اللي فيه خير لج .. شوفي شو الأقرب لقلبج واستخيري ورب العالمين ما بيخيبج ..

[حلم رشاقه ..،]

مشكوووورات خواتي

بس صح أنا وااااااااااااايد مرتاحه له بس المشكله الوزن والشغل ادعوا له ولي )

[C . D . F]

استخيري ,
واذا على الوزن يسوي رجييم ويضعف ,
وبييحصل شغل بآذن الله

موووفقه يآربي , والله ايسسر امورج

[A+k]

إذا إنتي ماتبينه مب مجبورة حياتج هدي

[C e k a]

استخيري احسنلج من التفكير
والوزن بينزل بس وين بتلقين ناس ممكن يحبونج مثل اهله
يعني مادري اشرطي ان ماشي زواج لين يشتغل
واذا عالوزن ترومين بعدين توقفين معاه ويسوي ريجيم ولا عملية
انا قريت عن واحد وزنه كان فوق ال160 ومتزوج عادي
وحرمته هي اللي وقفت وياه ليييييين نزل لين 80
والحين يموت فيها ويعشقها لانا وقفت وياه وساعدته
ممم توكلي على الله استخيري بس

[دهن العووووود]

بصراحه صعب جدا جدا جدا هالزمن تلاقين ريال اخلاقه زينه

والله البلاوي واايد بالهالزمن

نصيحه اللي يتقدم لها واحد طيب واخلاقه حميده

تستخير وتوافق لو ربي كتب لها عمر وياه


لا تضيع عليها فرصه ثمينه

والله قله هم الرجال المحترمين بهالزمن

[الرمش_الحزين]

صلي استخاره اختي مره مرتين و3 مرات بعد والله بيكتب لي فيه الخير