كاسترد بطعم خرااااااااااااااااااااافي .. مثل ماعودتكم كل شي يديد عندي

**ام مـ2003ـايد** · 2011-09-16, 06:58

السلام عليكم

وصبحكم الله بالنور والمسرات وجمعه مباركه

طبعا هذا ثاني موضوع لي بقسم المطبخ وعندي كل شي يديد والطعم اللذيذ واعتمد على وصفات اجنبيه

بس اهم شي حبيباتي انكم تراعون طريقة الطبخ

خبرتكم في موضوعي الاولي ان اغلب مطاعم اوروبا تحط لكم على باب المطعم مقادير لبعض اكلات المطعم ولو جربتي تسوين مارح يطلع نفس النتيجه تدرون ليش !! لان الارشادات والطريقه مختلفه تماما

يعني مب الكل عنده تكتيكات الطبخ وانا من رايي الشخصي لاتتعلمين كيف تطبخين بالاول اتعلمي تقنيات الطبخ واسرار الطبخ لانه يشكل فرررررررررق كبير ومستحيل تحصلين شيف يعطيج الخطوات كامله والصحيحه

الحين عشان ماطول بالموضوع

بدخلكم في السويت

اول شي بعطيكم من خلال تجربتي انتم يمكن تلاحظون بعض المشاكل

مثلا بتلاحظون تتكون رغوه على سطح الكاسترد بعد ماطلعينه من الفرن

بقولج السبب

انج يوم تخفقين البيض افضل انه يكون بالخفاقه اليدويه مب الكهربائيه لان قوة الخفق هي تسبب في دخول نسبة كبيره من الهواء وبالفرن رح يطلع لبرع ويشكل فقاعات وحتى ممكن بالداخل يوم تيين تاكلينه بتلاحظين تشكل فقاعات وهني احرصي يكون الخفق مب وايد وباليدوي

ثاني مشكله

ممكن تلاحظين تجمع كبير للماء تحت الكاسترد المشكله هني شو ان الكاسترد تعرض لما يسمع دمع الكاستر السبب انه تعرض لوقت اطول في الفرن لان مكتوب عندي 30 الى 40 دقيقه

بس اقولج اعتمدي انتي ان لو شفتي جوانب الكاسترد متماسكه ويوم تيين تهزينه يتحرك بشكل بسيط بندي الفرن وطلعيها ع طول

حبيت اعطيكم المشاكل عسبت ماتقعون فيها وكيف تتصرفون صح
الحين بندخل بالمقادير

وياليت تكونوا حريصين باتباع الاتي :

كوبين قشطة خفق
كوب حليب
عود فانيلا أو ملعقة كبيره فانيلا سايلة
كوب سكر
3 صفارات بيض و بيضتين
رشة ملح

1/2 كوب سكر للكراميل
ربع كوب ماي للكراميل

الحين حطي الصحون في الفريزر وسخني الفرن على 300

اول شي حطي الماي ويا الشكر على نار اول مايبدا يغلي غليه قويه غطيه دقيقتين ترا هاي الخطوه مهمه وشلي الغطاء

خليه يطبخ لين يصير لونه ذهبي لون الكراميل طفي بسرعه وصبيه ع صحون التقديم يلي بالفريزر
عسبت يجمد بسرعه ومايغمق لونه

الحين بكسرولا حطي كوبين الكريمه والحليب وفانيليا وخليه على نار لين يغلي وطفي ع طووووووول اول مايغلي انتبهوووا

بوعاء الخفق يفضل يكون استيل حطي البيض وخفقيه انا خفقته بالكهربائي الافضل يكون يدوي وبعدين ضيفي الشكر والملح وبخفه عقب الفانيليا وخفقيه بالخفاقه اليدويه والحين صبي بخفه الكريمه على البيض وحركيهم وصبيهم في الصحن يلي محطين عليه الكرامل وتسوون حمام مائي يعني صحن كبير فيه ماي ونحط فوق صحن البايركس

ندخله الفرن مثل ماخبرتكم لا تتقيدون بالوقت يمكن ياخذ اقل من الوقت بيكون من 30 الى 45 دقيقه بس انتي جربي فتحي الفرن لو كانت الاطراق مستويه وقاسيه وهزيتي الصحن وهتزت شوي يعني طلعيها خليها تبرد شوي ودخليها الثلاجه من 4 الى 8 ساعات وبطرف السكين لفي حواف الكاسترد وجلبيها بصحن التقديم

وبتذوقون ألذذذذذذذذذذذ كاسترد

وان شالله وصفتي التاليه بتكون ألذ واشهى خبز برجر في العالم ^__^ بقسم المعجنات

وادعولي بدعوه طيبه

المزيد من آخر المواضيع من نفس القسم:

**الطرف الكحيل** · 2011-09-16, 07:39

مشكوووووره عالوصفه الحلوه فديتج

**Miss Tashy** · 2011-09-16, 08:34

مشكوووره وتسلميين ع الوصفه وشرررحج واايد وااضح وان شاءالله بطبقه عن قريييب
بس ياليت تخبريني شو نوع قشطة الخفق اللي تستخدمينهاا

**شموخي حطمهمـ** · 2011-09-16, 14:16

مشكووووووووووووورة موضوع مميز ..
ووصفة واسرار رائعة تسلم ايدج ..

**كام** · 2011-09-16, 14:17

يم يم روووووعة تسلم إيدج

**bellegirl** · 2011-09-16, 14:19

تسلم الأيادي أختي

لا حول ولا قوة إلا بالله

**تسونامي** · 2011-09-16, 15:25

ناااااايس مشكوره على لوصفه

**اسيرت شوق** · 2011-09-16, 15:29

مشكورة وتسلمين

**أنا بدر البدور** · 2011-09-16, 15:35

كستر ولا كريم كرميل ..

**ام مـ2003ـايد** · 2011-09-16, 16:50

المشاركة الأصلية كتبت بواسطة Miss Tashy

مشكوووره وتسلميين ع الوصفه وشرررحج واايد وااضح وان شاءالله بطبقه عن قريييب
بس ياليت تخبريني شو نوع قشطة الخفق اللي تستخدمينهاا

تسلمين حبيبتي

الغاليه عندج كريمة خفق المراعي تكون علبتها زرقا الافضل طبعا ما انصح بالنباتيه خصه لمن تدخل في وصفات الاكل

**ام مـ2003ـايد** · 2011-09-16, 16:51

المشاركة الأصلية كتبت بواسطة أنا بدر البدور

كستر ولا كريم كرميل ..

الاصح هو الكاسترد ^_^ والبعض يقولون كريم كرامل

**ام عبدالرحمن1** · 2011-09-16, 16:58

مشكوووره وتسلميين ع الوصفه الروعة ..
مجهود يشكر عليه ..

**ام مـ2003ـايد** · 2011-09-16, 17:01

الله يحييج اختي ام عبدالرحمن وكل الخوات يلي حدرن موضوعي وان شاء الله تطبيق مميز

**شموخي حطمهمـ** · 2011-09-16, 17:35

يستحق التثبيت ..
الف مبروووكــ

**StranG LOovE** · 2011-09-16, 18:11

تسلمين روعه ابا اختى ^^

الموضوع: كاسترد بطعم خرااااااااااااااااااااافي .. مثل ماعودتكم كل شي يديد عندي

أدوات الموضوع

عرض

كاسترد بطعم خرااااااااااااااااااااافي .. مثل ماعودتكم كل شي يديد عندي

المزيد من آخر المواضيع من نفس القسم:

المواضيع المتشابهه

يديد يديد كيف ماعودتكم باليديد أحلى فساتين لأحلى بنات

كاسترد الشوفان.. سهل وسريع

كاسترد

[ .. كاسترد سادة با لشوكولا .. ]

بنات مساعده فالمطبخ ... كاسترد شوكلاته ..و ..