تمنيت الارض تنشق وتبلعني ولا اسمع هالسـالفه ;(

**tresor** · 2011-08-31, 02:04

السلام عليـكم ..

شحالكم حــريم ..!!

والله ما اعرف كـيف ابدي ومن وين .. بس بحياتي ما شفت بني آدمي يـفكر جذي ..
بنات اليوم حسيت اني اول مره انقهر .. امول مره اتمنى اني اسوي جريمه قتل ..

اول مره احسـ بها الاحسـاس مع ان الموضوع ابد ما يخصـني ..
بس تعبت نفسـيا من المشـاكل اللي اسمع عنها ..

من اربيعاتي \ قريباتي \ ناس ماعرفهم يشتكولي ,,
انا طبعي جذي من صغري احب استمع للناس واقدم النصـيحه

من ايام المدرسه ,, وبالجامعه وكبرت وحتى الان في الدوام
سواء من صديقاتي او خواتي او اقاربي او ناس ماعرفهم

بس دايما يلجأون لي ,,
يمكن في كل مره غيـر بس هالمره انا مصــدووووووووومه ,,
مندهــشه .. مصعوووقه ,, احســـ بقهر ,,

بقولكم الموقف ,, لاني من سمعت كل السالفه
احسـ ان جسمي كـله انشـل ,, وعقلي مول ما عاد فيه يفكر ,,

اسمعوا القــصه للآخر ,, وعطوني حل ,, او راايي ..!!
انا وعدتها اني ما اتخلى عنها واساعدها ,,

رغم اني ما اعرفها الا معرفه سطحيـه
يتني عن طريق صديـقه لي لا اكثر ولا اقل ,,

السـالفه :
طبعا الكل عارف ان اليوم العيـد ,, وربشه وفرحه وزحمـه ,,
كنت قاعده مع اهلي .. وتقريبا يت الساعه 12 حسيت اني ابي ارقد

لاني كنت مواصـله من امسـ ,, بالمطبخ و و و
بعد ما صليت الظهر .. يت ابا احط راسي ,, ياني تلفون

الرقم غريــب ,, قلت طاااف ,,
تكرر الاتصال 2 و3 و4 والخامسـه قلت اكيد حد يعرفني
يوم يت ابا ارد ما لحق وسكر ,,

رديت ابا انام الا يوصـلني مسـج ,, فلانـــه ........... بليز ردي عليه
انا محتاجتنج واايـــــــــــــــد ,,

رديت اتصـلت .. ابي اسمع الصوت مو قادره ,, لان البنت كانت تصـيح
شو السالفه ,, وانا مسـتغربه ,, رقم غريب ويذكر اسمي واتصل واسمع صوت صياح

طار النوم من عيـني ,, حاولت اهدي البنت
الا تقول لي دخيـلج تعالي عندي ,,

انزين كيـف اييي وانتي منو انا مااعرفج خبريـني ,,
قالت لي بتعرفيـن كل شيء عقب ما اتين عندي
ولا تحاتين انا من طرف فلانه ( ..........) تقصد صديقتي ,,

الموهم خذت عنوانها ورحت لها ,,
البنت كانت غرقانه من الصياح ومب عارفه شو تسوي

هديـتها ,, وحاولت افهم منها السالفه ,,
كل اللي كانت تقوله لي ساعديني ساعديني ,,

قلت لها كيـف اساعدج وانا مااعرف شيء عنج ,,
سالفتها كانت طــويـله ,,,وبختصار بقولكم ,,

البنت كانت متعرفه على شـاب ,, وهالشاب بين لها اول ايامه انه ملاك..
وعقب فتره بسيطه خطبها من اهلها لما سالوا عنه الكل مدح فيه اخلاق ودين و و و
البنت وكلت امرها لربهـا .. في البدايه الاهل كانوا رافضين انها تكلم خطيبها
وبعد ما قرب موعد المـلجه قالت لها الام كـلمي الريال ..

تقول لي ان الريال كلامه كله دين وثقافه وادب ودايما ينصحها ..
تقول لي تعلقت فيـه وايد ,, وتقول لي تمنت انها تقعد معاه عشـان تسولف وياه اكثر

بس اهلها كانوا رافضين هالشيء ,, قرب موعد المـلجه ,,
وامــلجــوا ,, وصاروا يتلاقون مع بعض بس في البيت ,,
تقول لي باول شهر كان واايد اوكي معاها ومتعاطف ,, وتقول ما جفت منه الا كل خيـر
ولما قرب موعد التجهيـزات والزواج اهني بدى يطلع ع حقيقته

اول شيء طلب منها انها تعطيـه حقه الشرعي اللي انتو عارفيـنه
بس اهيه رفضت هالشيء وقالت له ان زواجهم قرب ..

ومع اصرااره الشديد وتمسـكها فيه ,, سلمته نفسـها ..
ثاني يوم ياي حقها يقول لها انتي من الاساس ما كنتي بنت ..!!

اهني انصـدمت البنت من كلامه ,, بس قال لها انا ما تفرق معاي لاني احبج
وخلاص انتي زوجتي على سـنه الله ورسـوله ..

عقب فتره قام يطلب منها أشياء غريـبه الواحد يستحي يقولها بس تفكيـره خيـالي ,,
يعني نفس اللي بالافلام الاباحيـه وانها تصور وانها تسوي مع فلان وعلان..
البنت مستحيـل توافق ع هالشيء ,, وحاولت ع كلامها انها تقنعه ,, وتذكره ان هالشيء حرام وتذكر له ايات قرآنيـه و و و ,,

بس الريال مصـر ع كـلامه ويقول لها انه يحبها ,, وهالشيء في مزاجـه
وان الموضوع لو ما تم الحيـن راح يفتحـه بالمسـتقبل حتى لو كان من بينهم عيـال
عشـان جذي يبي ينهي هالموضوع وباسرع وقت ..ومب مهمه النـاس ولا كلامهم واهيه خلاص حقه ,, ومن هالكلام اللي يطمن ..

البنت رافضـه الفكـره نهائــيا ..؟!
وهذا الشي من حقها .. لان غلط وحراااام ويعتبر من الكبـائر

البنت محتـاره فالموضوع عرسها قرب ,, والمشـاكل صارت من بينهم
كل يوم والثاني مشـاكل ,, والريال كل يوم يقنعها بكلامه عشـان تسوي الغلط
بس اهيه رافضـه هالشيء ومتمسـكه بقراارها ..
البنت خايفه تكلم اهلها لان البنت رقدت ويا ريـلها واهلها مستحيـل يتقبلون هالفكـره من الاسااس ,, واهيه مب قادره تكلم احد في الموضوع والريال كل يوم والثاني يتمادى

طلبت مني الحـل ,, قلت لها وبدون تردد ,,

تطلقيـن مــنه ,, لانها هذا الريال مب صاحي ,, احس فيه حاله نفسـيه حد يطلب من زوجته انها تسوي منكر وحرام ,, واهو يتفرج عشـان غريزته الوصخه ..

واصلا هاي لو راحت واشتكت عليه دايركت بينفصلون لان هالشيء حرام ,,
احس ما فيه ذره رحمه ,, مافيه ذره غيـره ,, احسـه خبيث ..!

اليوم يطلب جذي وباجر اكيد بيسوي شيء اكبر وغلط ,, !!
ليش جذا الريايل شو اللي صار فيهم ..!!

انا اللي قاهرني كيـف يحبها ويبيها تسوي حرام ..!!
كيـف رضى ع نفسـه ان يطعن في شـرفه ..!!

كيف يسمح لنفسه ان ربه يلعنه وملائكته ..!!

قسمـا بالله انا من سمعت السـالفه تمنيت الارض تنشـق وتبلعني ,,ولو ان الموضوع ما يخصني ,, بس حسيت بلحظه اني ابي اجتل هالشخص ,, مقهوره حدي ..

شوفوا ريايـلنا لين وين وصـلووا شوفوا بشوا قاموا يفكرون
مب الكل بس الاغلبيه جذي ..!!

صار تفكيـرهم منحرف وكل همهم كيف يطفون شهوتهم وبالطريقه اللي تريحهم
هذا اللي يخاف ربه ومتديـن وقال الله والرسول جذي يطلب من زوجته ..!!
عيل شو خلى للناس اللي ما تخاف من ربها ولا تعرفه..

بنات البنت مسـكيـنه وع نيـاتها ..
بشو تنصـحوني ,, عشـان اسـاعدها انا مخي وقف والله ,,
واحسـ نار تغلي بقلبي ,,

احس ان بكبري استويت شيطـان ,, بتقولون وانتي ليش حارقه اعصابج ادري ..!!
بس البنت وااااااااااااااااااااااااااااااااايد كسـرت بخاطري ,,

\
\
\
\
بليــز اللي عندها كـلمه طيـبه تقولها ..
واللي ما عندها تكتفي للاخت بالدعــاء ..

المزيد من آخر المواضيع من نفس القسم:

**نقنوقة** · 2011-08-31, 02:21

تتحمل تسوي الي يباه حسبي الله ع بليسه -_-
خلها ترمس أمها أو ختها ....!
لااازم يحد يعرف بالسالفة عشان يدعمونها نفسيا
لانها منهااارة وعادي تسوي الي طلبه منها....!!!!!

وشي ثاني .. خلها تعرس وخلاف تطلب الطلاق ...! لان لو تطلقت الحينه الكل بيطعن في شرفها
واولهم الي بيتزوجها خلاااف جان تطلقت وخااصة بأنها مب بنت ...!

الله يهديها
والغلط كله من الاهل الي هادين بناتهم لا حسيب ولا رقيب من عقب الملجة؟؟؟

**لأنني مختلفة** · 2011-08-31, 02:24

انتي قلتيلها تطلقي
بس ما فكرتي من ناحية انها بتتطلق في الملجة وهي مب بنت وهاي حطي تحتها 100 خط ..
الله يهديها هي تهورت يوم عطته مجال من البداية ..
والمشكلة وايد معقدة مب بإيدنا نحن نحلها أساساً ..
خلها تقوم الليل وربي يهدي ريلها ..
وتصلي استخارة في حال كان الطلاق خير لها ..
بس الطلاق في نظري حل وايد وايد صعب .. خاصة ان هلها ما يعرفون انها مب بنت الحين!

**cute uae** · 2011-08-31, 02:25

الله يهديه و يعينها علبه
ما أعرف شو أقول أصلا

**7780karamil** · 2011-08-31, 02:35

الللللللله يكون بعونها - مسكينة - بس في 1000 طريقة تتخلص منه - بس بالأول يتم الزواج
وبعده تصورة او تسجل له طلباته الوصخة - وتشتكي بالمحكمة وبيخلصوها منه - وممكن كمان
تدعي عليه وتسجنة .... ومثل ما قالت الاخت اللي سبقتني بالرد - لازم حد من اهلها يكون مقرب لها يعرف - ويكون معاها اول بأول - الموضوع مو بسيط ولا سهل ..... بس ان شاء اللله ربنا بيستر عليها وبيفرج همها .....

وبالنسبة لك حبيبتي - ربي يجعله بيمزان حسناتك - من فرج كربة أخيه المسلم في الدنيا
فرج الله له بها كربة من كرب الآخر (ما معناه)

ما بعرف انا هاد اللي خطر ببالي اول ما قريت الموضوع - وان شاء الله اللي اكبر منا يخبرونا برأيهم ....

**حبي لك** · 2011-08-31, 02:37

الله يهديهم

حبيبتي لا تتطلق منه

على الاقل تزوجة شرعا حفله وجي، وعقب كمن شهر تطلق

جي بيروح مستقبلها لانه رقد وياها

فاهمه علي

يعني تكون مطلقه وعقب حد يزوجها اهون ، ان انها مطلقه فتره مجله وصارت مب بنت

والله ضاق صدري عليها

**نبض الشارقة** · 2011-08-31, 02:39

الله يعينها
خله تشتكي وترفع قضية بعد
وتخبرهم بالطلبات اللي يطلبها منها
عسب يوقفونه عند حده

**tresor** · 2011-08-31, 02:39

نقـنوقـه + لاني مختــلفه ,,

مشـكورات على الرد ,,

انا قلت لها تطلقي ,, صح ,, يمكن راي كان غلط ,,بس حزتها انا كنت منفعله ومصـدومـه
الشي الثاي اهو رافض ان يطلقها ,, ويبا يأجل العرس لي هالموضوع يصير ..
يعني اهو برااسه هالشيء الوصخ ..!!

انا اعرف الناس ما راح ترحمها ومحد راح يتقبل هالشيء وبالذات الاهل ..
مع اني اشوف هالشيء عادي لانها زوجته ع سنه الله ورسـوله ,, بس اهو ما دخل عليها
ولان عاداتنا وتقاليدا وايـــد ظالمه حق الحـرمه ..

الله يـهديـه يارب ,, وايسـر لها امـرها ويبعد عنها هالخبيث ..

**a4nhs** · 2011-08-31, 02:41

لا تتطلب الطلاق الا بعد العرس ولاترضى تتصور أبدا وتسايره على اساس انه اللي يباه بيستوي بعد العرس وخلاف تلبسه ما تطاوعه وتتطلب الطلاق الله يهديه

**لبي أنآ** · 2011-08-31, 02:51

أنا مب فاهمه هو شو يبي بس صراحتن لا تتصور > عقب بيمسك عليها الصور و لو يحبها بيسرع العرس مب يأجله ..
صراحتن صعب التعلييق أو النصيحة
الله ييعييينها و يستر علينا و ع كل بنات المسلمين و المسلمات

**عواش 18** · 2011-08-31, 02:58

ممممممم اول شي انتي كيف سرتي لبيت وحده انتي ما تعرفينها ها غلط
المهم بالنسبه للبنيه غلط اتقولينها تطلق بعد ما دخل عليها, خلهم يتزوجون وعقبها لو الله ما هداها تروم تتطلق على الاقل جذي بتستر على عمرها

**الدنيا كلها** · 2011-08-31, 03:36

الله يفرج همها ويصبرها

**نقنوقة** · 2011-08-31, 03:45

اتوقع في خدمة اسمها امااان
بيساعدونها .. خلها تجرب

**مرآآيم** · 2011-08-31, 03:47

الله يعينهآ

أنآ من رآيي مآ تطلق ألحينه ، تعرس عليه و عقب تطلب الطلآق

وخآصه بعد اللي صآر

إلآ لو هيي عندهآ استعدآد تقول لأهلهآ إنهآ مش بنت !!!!!

ربي يفرج همهآ

أعوذ بالله من أشكآل هالريآييل ، حسبي الله عليهم

**فطمطم** · 2011-08-31, 04:07

الله يفرج همها ويصبرها

الموضوع: تمنيت الارض تنشق وتبلعني ولا اسمع هالسـالفه ;(

أدوات الموضوع

عرض

تمنيت الارض تنشق وتبلعني ولا اسمع هالسـالفه ;(

المزيد من آخر المواضيع من نفس القسم:

المواضيع المتشابهه

الارض بتتكلم عربي الارض الارض

تمنيت الارض تنشق وتبلعني

السماء تنشق في ليلة القدر

o0o اذا تلاشى غلاك و[ مات النبض ] بعروقي تاكد ماني فوق الارض كثر ما الارض هي فوقي o0o

سبحان الله .. كما تدين .. تدان ... ((اللهم استرنا فوق الارض و تحت الارض و يوم العرض))