ليش يسب ليش كله سب

**قمر سماه** · 2011-08-25, 01:25

السلام عليكن خواتي
شحالكن

بنات بدون مقدمات بدش في الموضوع.
انا وايد منقهره من ريلي كله يسب حتى على اتفهه الاسباب

مو كافي عليه ان انا بروحي متغصصه ومضايجه لأني بعيده عن اهلي وما اروم ازورهم وايد
واني انا منتقله من بوظبي لمدينة زايد الغربيه واصلن انا طبعي ما احب الاماكن البعيده وكل شيء صعب علي لأن هو مب من اهلي واهله غير
تفكيرهم غير كل شي غير.
احس اني مضغوطه

اتخيلو ريلي على اتفه الاسباب يسب. كله يا حماره يا لوث
يا خبلا
يا خايسه
شو هالرمسه هذي على اتفه الأسباب
اذا اتصل ومارديت على طول القى مسج سب
اذا نسيت احط فونه بالجارج يسب
على كل شي

دوم دوم يسب
شو ها؟!
انا ما احب احد يسبني
حتى لو كان يحبني ويموت علي وانا متأكده من حبه
لكن الاحترام قبل كل شي

عيب جي والله عيب
يا كثر ما حاولت وياه لكن لسانه ابد متخلي عنه.

شو ها ماشي احترام

هو يحبني موت لكن اتخيلو اذا من بدايتنا سب جي. كيف لو بعد سنين ؟!!!!!!!!!
ويوم بحمل وبولد بيعلم عيالنا هالرمسه بعد؟!!!!

المزيد من آخر المواضيع من نفس القسم:

**أم خلوفي..~** · 2011-08-25, 01:34

لَإُ حوول ولا قوة إلا بالله

غلااايه اقعدي مع ريلج واتفاهمي ويااه قولئ له بآجر يوم بئيب أعيال شؤ بيقولون عن أبوهم كله يسب وأنت تبا أعيالك يسبون اتفاهمي أول معااه فديئتج وكل شي بالهداوه

شي لأساسا لاززم الاحترام مـْا بين الطرفيين.

والله يهدييه ياارب. ويسخره لج. أن شاءاللهـ~

**قمر سماه** · 2011-08-25, 01:37

ام خلوفي تفاهمت بالهداوة
وبجميع الطرق
وبينت اني انا احب الريال الهيبه وان هالسب ينزل من هيبته

يلست وياه بالهداوه بالمعصبيه بس ماشي
فايده
ابد ماشي فايده

يعتذر ويدمع ونادم لكن. بوطبيع ما يوز عن طبعه

**لمسة فن99** · 2011-08-25, 01:46

حبيبتي إدعيله ,, خاااصة في هالأياام المباركة

والله يهديه ويصلح باله ..

**ميمي5** · 2011-08-25, 01:50

الله يوووفقج
ايلسسي وياه و تفااهمي وياه و انج ماتحبين هالرمسسه

*** ام خماس *** · 2011-08-25, 02:02

الله المستعاان .. الصرااحه مشكله كبيرة عدم الاحترام بين الزوجيه

تدرين البيئه والتنشئه لهاا دور فديتج .. والاصلاااح يبااله وقت وتعب وحزم ^^

اولااااا الدعااء بالهداايه وبعدين التفااهم والكلااام وبالاخير الحزم اذا مااشي فاايده

مثل مااقلتي لو بينكم عياال ويسمعون هالكلام بتكون مصيبه بحقج وحقهم !!!!!

قوي شخصيتج لكن بأحتراام .. وخليه بموااقف يعرف فيهاا انه غلطااان

وهذاا يعتمد على ذكاائج وصبرج حبوبة

الله يهديه ويسعدكم ياارب

**bellegirl** · 2011-08-25, 02:03

لا حول ولا قوة إلا بالله

غاليتي

قلـة الإحترام سبب كبير لهدم المودة بين الزوجين

وحتى اذا هو كان متعود على هذا الحال وما يقصد

ما عمره يطوف الوقت للتغيير

كلميه بحزم وثقـة أختي

خبريه عن مشاعرج وانج وايد تحبينه وخاطرج زواجكم ينجح

لكن المحاولـة لازم تكون من الطرفين

وانتي الله خلقج معززة مكرمـة ومثل ما هو لازم يحترم انتي بعد لج هذا الحق من عند الله قبل العبد

كوني لينـة وشديدة في نفس الوقت

واوزني بين الكلام واختاري الوقت المناسب ^_^

وقولي له ان لمصلحتكم ومصلحـة عيالكم تحلون المشكلـة في أسرع وقت

خبريه انج بتصبرين عليه ان شفتيه يحاول

وبتتغاضين عن الهفوات لين ما يتعود على الكلام الطيب

واتفقو كمثال كل ما يقول كلمـة مب حلوة قولي له كلمـة حلوة

جي بيستحي على ويهه ان شاء الله ^^

وبعد بتقنعين عقله الباطني بالكلام الحلو ^^

وادعي له أختي

هذي أيام مباركـة وفرصـة لكل انسان

رب العالمين رزقنا ساعات خير تقبل فيها الدعوات

ادعي ادعي ادعي ولا تقنطي من رحمة الله

سبحانه يقول كن فيكون وقادر يغير ريلج بين يوم وليلـة

وداومي على الذكر والله وياج ^^

**اسيرت شوق** · 2011-08-25, 02:04

تلقينج تحسسيه بالنقص من غير ما تدري
راجعي نفسج شوفي طريقة تعاملج اكيد بتلقين السبب الحقيقي الي يخليه يسوي جي

لا تركزي على مسئلة سبه لج وحاولي تغير اسلوبج يعني مب كله تتشكين منه وكله مب عيبنج شي لا تنسي انه انسان وله مشاعر وله ردت فعل على افعالج يمكن اهو وقتها ما يقولج شي بس تبقى المسئلة في نفسه
ويردها عليج عن طريق سبه لج من غير اهو نفسه ما يدري
ان شاء الله اكون فدتج

**ملكة الاحاسيس** · 2011-08-25, 02:09

حسب اذا صار لج فتره معرسه بيتعود شوي شوي مب بيوم وليلة

**قمر سماه** · 2011-08-25, 02:30

مشكورات خواتي على ردودكن
اسيرت الشوق اختي
بالعكس انا وايد وياه
وهو بنفسه ايقولي انتي ماغلطتي علي بس السالفه انه متعود يسب

حتى مره سبني جدام اخوه وامه يا حماره
اهو اصلن متعود على جي
من بداية علاقتنا افهمه
وارمسه بهدوء
واصير حازمه معاه
بس ما حب لما يعتذر اشوفه يترجاني وايد
اكره لما يترجاني ويعتذر احس هيبته كلها اطيح
لما ازعل منه طبعا

عشان جي ما ابي دوم ازعل منه لأنه يرد يترجاني ومدري شو
وانا اكره اسلوب الترجي خصوصن ريال
الريال هيبه وشموخ وما ودي يوم ريلي شموخه ينكسر
حتى لو بسببي انا
لكن ما يفهم يحسب نفسه عادي السب

الله يصبرني ويصلحه

**ҭṩᾧᾄ Зẏὄὄᾗẏ** · 2011-08-25, 02:44

لَإُ حوول ولا قوة إلا بالله

للرفع

**مسك غالي** · 2011-08-25, 03:01

الله يعينج يا أختي اصبري شو تسوين ان الله مع الصابرين وعليج بالدعاء أن الله يهديه بس يمكن عشان تربيته جي وهو متعود بس انتي بتقدرين تغيرينه باذن الله

**مريم الشحي** · 2011-08-25, 03:50

ممممم حاولي ادورين حد ثقة من صووبه ورمسيه فالمووضوع

بس اهم شي ريال عوود

يفهمه انه هالشي غلط بين الرياال وحرمته

والله يهدي النفوووس امبينكم ^_____^

وحاولي اتحطين قرآن فبيتج حبيبتي وادعيييله من قلب فهالشهر الفضيل

**رضآٳڪ يٳ ربٳه** · 2011-08-25, 04:31

اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي

**الأحلام الملونة** · 2011-08-25, 04:48

الله يهدية ويصلح حاله

الموضوع: ليش يسب ليش كله سب

أدوات الموضوع

عرض

ليش يسب ليش كله سب

المزيد من آخر المواضيع من نفس القسم: