ساعدوووووني

**اخت القمر2009** · 2011-08-22, 10:48

:salam_allah

اول حبيت اهنيكم بمناسبة عيد الفطر وكل عام وانتم بخير

انا عندي مشكله واباكم تساعدوني

انا متزوجه من 6 شهور وريلي ماخذ بلاك بيري وانا عندي بعد بس المشكله كل موبايلاته برقم سري

وكل ما اقوله ابا اشوف فونك يرفض بس امس طرشتله رابط وقلت له ابا اشوفه لانه ما يتبطل عندي وكان اخوي عندي

المهم قالي شوفيه وهو كان ماسكه بس خذته من عنده وفتحت الرابط بس ما كملته قلت بشوف الصور يوم شفت الصور انصدمت في صور حريم الله يستر عليهم انصدمت ما عرفت شو اسوي

انا مب مقصره وياه

قولولي شو اسوي عطوني حل اخبره ولا اسكت من امس مب راقده افكر فالموضوع

المزيد من آخر المواضيع من نفس القسم:

**ح ـوؤور** · 2011-08-22, 11:13

آلسلـآم عليكم ورحمة آلله وبركآتهـ . .

اممم مع أحترآمي لكل آلمتزوجات والمتزوجين أنآ أقول خلـآص هالشي آستوى شي طبيعي عند أكثريه الريآييل

الحينه نادراً مآ نحصل ريآل زين وما نقدر نقول غير ربي يهدي الملسمين والمسلمات والمؤمنين والمؤمنات ..

أصبري وأدعيله بالهدآيه أنتي تقولين إنج مب مقصره ويآهـ ويمكن هذا يكون أختبار من ربج ع صبرج . .

خليه كل شي فبالج إيجابي وأنآ أقولج إيآهـ مستحيل ريآل آللي يخون حرمتهـ بيوفيه للي يحبها والبنت لـآزم آللي

ترمس ريال متزوج خل تحطي شي فبالها إن دآم آلريآل مب ناجح بحياته الزوجيه ما بينجح بالحب مآ نجح بالحلـآل

بينجح بالحرآم وصح فيه ريآييل يروحون للغير من التقصير ويكونون جادين مع اللي يحبونها بس والله بعد يخافون

من إن حرمتهم تكشفهم إلـآ آللي ما عندهم قلب طبعاً واللي يخاف ربه ما بيشوف أي حد لو شو ما كان وبيروح للحلـآل

لو شي تقصير من الحرمه بس نحن ما نقدر نقول غير آلله يهديهم ويهدينآ . .

عني أنآ أقولج لـآ ترمسين وادعيله وربي بيهدي إن شآء آلله وحطي فبالج ربج قادر على كل شي يعني بيوم وليله

عآدي تشوفين ريلج أحسن منه ما فيه بس أنتي ادعي وتوكلي ع ربج . .

ربي يفرج همج ويسر أمرج ويهدي ريلج ويحفظج من كل شر ويوفقج ويسعدج ويستر عليج دنيا واخره إن شاآء

آلله . .

**اخت القمر2009** · 2011-08-22, 11:29

المشاركة الأصلية كتبت بواسطة ح ـوؤور

آلسلـآم عليكم ورحمة آلله وبركآتهـ . .

اممم مع أحترآمي لكل آلمتزوجات والمتزوجين أنآ أقول خلـآص هالشي آستوى شي طبيعي عند أكثريه الريآييل

الحينه نادراً مآ نحصل ريآل زين وما نقدر نقول غير ربي يهدي الملسمين والمسلمات والمؤمنين والمؤمنات ..

أصبري وأدعيله بالهدآيه أنتي تقولين إنج مب مقصره ويآهـ ويمكن هذا يكون أختبار من ربج ع صبرج . .

خليه كل شي فبالج إيجابي وأنآ أقولج إيآهـ مستحيل ريآل آللي يخون حرمتهـ بيوفيه للي يحبها والبنت لـآزم آللي

ترمس ريال متزوج خل تحطي شي فبالها إن دآم آلريآل مب ناجح بحياته الزوجيه ما بينجح بالحب مآ نجح بالحلـآل

بينجح بالحرآم وصح فيه ريآييل يروحون للغير من التقصير ويكونون جادين مع اللي يحبونها بس والله بعد يخافون

من إن حرمتهم تكشفهم إلـآ آللي ما عندهم قلب طبعاً واللي يخاف ربه ما بيشوف أي حد لو شو ما كان وبيروح للحلـآل

لو شي تقصير من الحرمه بس نحن ما نقدر نقول غير آلله يهديهم ويهدينآ . .

عني أنآ أقولج لـآ ترمسين وادعيله وربي بيهدي إن شآء آلله وحطي فبالج ربج قادر على كل شي يعني بيوم وليله

عآدي تشوفين ريلج أحسن منه ما فيه بس أنتي ادعي وتوكلي ع ربج . .

ربي يفرج همج ويسر أمرج ويهدي ريلج ويحفظج من كل شر ويوفقج ويسعدج ويستر عليج دنيا واخره إن شاآء

آلله . .

مشكوره حبيبتي

**Mall.08** · 2011-08-22, 11:38

الله يهدي سركم

**أبحث عن ذاتي** · 2011-08-22, 11:40

غناتي ادعيله بالهداية .. بس نصيحة لا تفتشين وراه لانه صدقيني بتتعبين ..

**المجهووولة** · 2011-08-22, 12:15

الاحسن لج اختي لا تعورين راسج بخصوصيات ريلج ... ولا تحاولين تنبشين في التيلفون علشان ما تفتحين لعمرج باب من المشاكل والشك وعدم الراحه .. اذا كان يرمس بنات او يتعرف عليهن مرده الاول والاخير لج انتي ... وبعدين الريال اللي براسه بيسويه سواء صارحتيه او لااا

**ابتسامتي غير** · 2011-08-22, 13:01

حتى لو رمستيه ما بيتغير شي لين ربج يهديه

**دلوعة 2007** · 2011-08-22, 17:09

حبوبة ادعي ربج وكثري من الاستغفار
والله يهديه ويصلح باله . .

**اسيرت شوق** · 2011-08-22, 17:53

الله يهدي الجميع

**وحييدهـ** · 2011-08-22, 19:52

الله يهدي الجميع

اختي هذا حال كل الشباب ..

♥.........♥
♥.........♥
♥.....آستغفر آلله.....♥
♥.....آستغفر آلله.....♥
♥.....آستغفر آلله.....♥
♥.....آستغفر آلله.....♥
♥.........♥
♥.........♥

**رضآٳڪ يٳ ربٳه** · 2011-08-22, 20:47

كـــــــــل الريـآآييل جـــــــــي , يلعبون بذيلهم

الله يهديهم

( اللهم إنك عفو كريم تحب العفو فاعف عني )

**القلب 2009** · 2011-08-22, 21:10

لا تخربين علاقتج وياه بعدين مابثق فيج

خليه عنج والله بتتعبين

سوي اللي عليج وادعي له بالهداية

**totoo** · 2011-08-22, 22:21

أول شي .. مو كل الرياييل من هـ النوع ..
لكن الي يخليهم يوصلون لهالشي ضعف الدين ..
تدرين لو متزوج أربعـة و علاقته بربه ضعيفة وماعنده خوف و لا رادع .. رح يسوي نفس الشي ..
اذا تبين نصحيتي .. كوني ذكية و لمحي بس بدون تصريح ..
قوليله .. أعرف وحدة .. توهـا عروس .. وكانت تحس ان زوجها يسوي حركات غلط
وبعدين مرة بالغلط نسى موبايله .. وهي فتحت بس بدافع الفضول ..
وبعدها شافت أشياء حرام .. وقوليله هي تباني انصحها لأنها توها عروس مثلي
ومن هـ الكلام .. و حاولي أثناء الكلام تخوفينه بالله .. وانه حرام ..
ومادري ليش المتزوج يسوي هـ الأشياء والله أعطاه الحلال
و المفروض انه يستحي من بعد هـ الكلام ..

والله يسخركم لـ بعض

**بيبي الشقية** · 2011-08-22, 22:28

استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه

**الأحلام الملونة** · 2011-08-22, 22:36

حبوبة الله يكون بالعون أكيد شي يعور القلب بس أنت طنشي هذا الموضوع ويكون المقياس الأول والأخير

كيف هو معك راقبي تصرفاتة أذا تغير بمعاملتة لك وأحترامة ومحبتة والتقصير بحقوقك الشرعية هنا

لك كل الحق تسألية ليش متغير علية بدون التطرق لمسألة الشك وعدم الثقة أذا كان من النوع اللي مجرد

تسلية هو بيكون بقرارة نفسة يعرف أنها سوالف تافهة بس اذا تغير بشكل غير منطقي وتغيرة يخرب

ما بينكم هنا لزم يكون بينكم نقاش وتحاور --- وأنت من جانبك أكسبية بالطيب والحنان والأهتمام

لعلة يخجل من نفسة ويخاف الله بنفسة وببيتة ------

الموضوع: ساعدوووووني

أدوات الموضوع

عرض