بستخف من هالبشكاره ساعدوني

**angel85** · 2011-04-19, 14:38

مسااااااااء الخير بنات شحالكن
دخيلكم ساعدوني انا اول مره اييب خدامه
اللي يبتها فلبينيه وانا مب من كثر الشغل عندي لدرجه انها تشتغل بالكثير ثلاث مرات بالاسبوع وباجي الايام اخترع لها شغل
المهم تعبت اردد الرمسه وااااااااااااااااااااااايد تستعبط وعلى فكره هيه زينه بس مزاجيه
جنها يايه على كيفها متى ما يعيبها بتسوي واذا مزاجها لا يعني ما بتسوي الشغله اللي انا اباها
انا اغراض البيت اتم عندي ثلاث اشهر اقصد ادوات الغسيل والكومفورت وهالسوالف
تخيلو شرينا اغراض الشهر وياتني في نص الشهر مخلص كل شي
انصدمت اذبح عمري شوو يخلص الاغراض كياس الزباله الله يعزكم خلصن مرش تنظيف الزجاج شو يخلصه بيتي غرفه نوم وصاله هب قصر
وما تنظف يعني ما اشوف نظافه نظافه عشان اقول حليلها تنظف
ويايبه صابون خاص لبنتي واكثر عن مره اقوللها ما تحط وايد بنتي عمرها شهرين يعني كيف بيخيسن ملابسها مايبالهن وااايد

الحين رحنا ويبنا الاغراض مره ثانيه كيف اتعامل معاها تقتصد حرام الدنيا نار شو اسوي معاها شو اقوللها دخيلكم ساعدوني

المزيد من آخر المواضيع من نفس القسم:

**صمت الغلا** · 2011-04-19, 15:52

الله يعينج

**noor200** · 2011-04-19, 18:23

ودييها المكتب خلهم يهزبووونها
هذا الي نااااقص بعد لااازم اتخاااف منج وتحسب لج الف حساااب
واتعرفييينها ان هالاغراااض لازم اتكمل شهر
حسبي الله علييهم

**ابداااع للتصميم** · 2011-04-19, 20:22

نفس خدامتي كل شي يخلص"احسهم يسوون عن قصد ":الله يكفينا شرهم

**‏ƺọỐġ❤Ğăζβh** · 2011-04-19, 20:45

رديها ولا سفريها .. اكره المزاجيه والي تستعبط وخاصه لو ماشي شغل في البيت اصلا

**ام الغاوي** · 2011-04-19, 22:56

الله يعينج خيتووو

اللهم كافيناا شر هالخدامات

**هنهون** · 2011-04-20, 00:38

نفس شغالتي القبليه فلبينيه ما اعرف كيف مرن عليه السنتين ثجال وطوال
مزاجية ويوم تغسل ترضض بالصحون خشنه هي شغوله بس بتشتغل بكيفها ولا اتمرين عليه
نصيحتي لج اقبضيها وكلميها بدون صراخ واشرحي لها كل شيء تبينه مثلا قولي لها هالاغراض اللي اشتريها اخذ ها لشهر
الصابون حطيها لها قياس مثلا فنجان قهوة تقايس فيه
واي ملاحظات ثانية
واعطيها فرصه وامدحيها اذا استجابت واذا لا غيريها او استخيري عشان ما تعانين سنتين

**ryami3** · 2011-04-20, 01:04

الغاليه نتبهي راقبيها عقب شوفيها يمكن متعرفه على حد تورد هالاشياء خدامه اخويه لقيناها تورد
للتعرف عليهم واخويه علة نياته عادي بس حرمته تشككت ويوم قلتلها راقبيها
طلعت سوالفها

**عبق الريحان** · 2011-04-20, 02:41

نفس شغالتي مسرفه في كل شي

**سوارة** · 2011-04-20, 02:51

**عآشقه عيالي** · 2011-04-20, 10:37

للرفع

**ألوان الطيف** · 2011-04-20, 11:25

راقبيها يمكن متعرفة على حد ...كانت شغالتي الاثيوبيه نفس السالفة ...

**ندى الاماراتية** · 2011-04-20, 12:20

اختي فتشي اغراضها في خدامات يسرقون اغراض من البيت عشان ياخذوها معاهم يوم يسافرون بلادهم

**سينيوريتا ~** · 2011-04-20, 13:02

مال عمك ما يهمك وبالله المستعان

**001646** · 2011-04-21, 00:29

بشكاراتي كانت متعرف على كذا واحد كل اسبوع كنت أسير للجمعية وتمير واشتري حق البيت خخخ اقصد حق ربعها على حسابي وانا مادري لين ما شافها اخو ريلي اتحط كيس الجمعية عند الزبالة فيه أغراض يديد مب مفتوحه حتى ونحن في خبر خير وعقب اعترف وسفرناه *

الموضوع: بستخف من هالبشكاره ساعدوني

أدوات الموضوع

عرض

بستخف من هالبشكاره ساعدوني

المزيد من آخر المواضيع من نفس القسم:

المواضيع المتشابهه

بستخف من هاللاب

ريلي قاهرني؟؟؟؟؟ ابا نصيحتكم شورو علي بستخف

دشن وخبرني ولاصدج بستخف....من وين مصدر هالشعر...؟؟!!

الوظايف بتطير شو اسوي بين بستخف ساعدوني الله يخليكم