salary راتب معاش سواق الدريول

[متجردة]

ياجماعة
ياني دريويل أعتقد إنه زين
بس يبا راتب 2400
شرايكم؟؟
أحسه وايد
قلنا له آخر 2000 مش أكثر
و أنا محتاية الصراحة
كان يشتغل في تاكسي
فأتوقع إنه بيفيدني وايد
ونحن من إمارة ثانية
غير بوظبي
بس ساكنين في أبوظبي
زوجي مابيوافق أدري
بس إن أقنعته بيوافق و أصريت
للحاجة بس
و إلا أنا مش مقتنعة يصير راتبه 2400
خبروني رايكم؟؟

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Pink tree]

2400 واااااايد..ما أعتقد في دريول ياخذ هالراتب...حدهم 2000

[@مبدعه@]

ان شاء الله البنات يفيدونج

[شجون 2009]

بسه 2000 درهم وايد اوكية الراتب

دمتي بود

[fashion designer]

والله ياعزيزتي أنا بخبرك من واقع تجربتي
أنا ساكنة بأم القيوين وكان السائق يوديني ويجيبني عمكان شغلي بجميرا دبي
وكان ياخذ مقابل هالشيء 3000درهم
تخيلوا 3000درهم!!!!!
بس شو أسوي رضيت لأنو ماكان عندي أي خيار ثاني
تخيلوا في سواقين ثانيين طلبوا 6000درهم!!!!!!!
يعني شكرت ربي لأني لقيت سواق طلب 3000
والله أحس الأسعار مرتفعة جداً وفوق الوصف
بس شو نسوي المضطر مضطر

[s1s2s3456]

صباح الورد الغاليه اول شي شحآلج يا حلوه ..

ثاني شي مهما كانت ظروفج .. تسمح ولا ما تسمح ..

الدريول لا تعطينه اكثر ولا الراتب الي هو يباه .. يبطر صدقيني ههه .. هذيلا ترا سوولهم راس بعد

تدرين انا بعد ريولي كان تكسي ومعاشه الحين 1500 درهم بسسسسسسسسس

الي طالعين هالايام قوم بو 2000 و 2400 لا تصدقينهم .. شو يتحرا عمره يشتغل عند شيوخ

خبله تراها صدقيني ,, خخخخ

[أم شيخوو123]

عطيه بس 2000

[خلني بعيونك]

هلا اختي

اظن 2000يكفنه ولا تحاولين تزيدينه

نحن الدريول عندنا ياخذ 1500درهم ولا يقعد من كثرة الطلعات والطلبات

فالاخير راجعلج الراي

[Be careful]

اناا اقوول لوو تحسبيين له يوم بيوم وآخر الشهر تعطييينه آحسن ..
لانهم يحسبوون اليوم الوآحد بـ 100
يعني الشهر فييه20 او 21 يوم من غيير خميس ويمعه بنقول ضرب 100 بيطلع 2000وشي ..
اناا عندي دريول يوديني وايبني فاليوم 100
بس اسجل عندي وآخر الشهر اعطيييييه يطلع 1400 او اقل
لاني مااداوم كل يوم ف حراام اعطييه فالشهر 2400 وهو مب كل يوم يودييني =)
اناا فالبداايه كنت نفسج يوم كلمته قاال 2400 وبعديين يوم حسبتها برووحي قلت لييش يااخذ اكثر مني مقصه مسويني وانا بنت البلااد !
واذاا قلتي له واايد ومادري شوو بيقوول بترول وبترول والبتروول مااياخذ 5 لتر
رووحه ورده الله يعييييييين ><

[تاجرة السعاده]

أنا عندي دريول مصري راتبه 1000درهم

ماشالله عليه يقضي شغلنا كله وشغل قوم عمي بعد..

زدنا بروحنا 500 درهم.. من دون ما يطلب

يعني الحين صار 1500درهم..

بس دريولكم وايد طالب الصراحه؟؟؟..

[أم مطر ومحمد]

للرفع
أستغفر الله العظيم وأتوب إليه