عرسي قرب

**كركر** · 2011-01-24, 01:12

مرحبا بنات

إنتوا دايما ما تقصروا وياي بنات وكتبت موضوعي في قسم الريجيم بس حبيت أسمع رايكم لاني تعبت من كثر التفكير باقي علا عرسي 3 شهور عندي عدة مشاكل اللهم لك الحمد:

1)أنا كنت مسوية ريجيم زمان وجسمي مترهل وخصوصا البطن من الجنبين والصدر
وداخل الفخذين والخطوط البيضا أنا أحاول أمشي وأسوي تمارين مع أوربتراك بنات أنا ما أقدر أشترك بنادي ولا سباحة عطوني حل بليز والله خايفة أفتشل قدام ريلي بليييييز مالي غيركم شو أقدر أسوي عشان أشد جسمي علا الأقل البطن هل في جهاز رياضي يقدر يشده

2)شعري وااايد تعبان متقصف وخفيف من جداموما يطول
3) عندي زيادة وزن طولي 153 وزني 63 بس متركز من تحت جسمي من فوق هيكل وإيدي عظام والزيادة مع ترهل تحت
5) تعبت من التفكير أحس إني وحيدة وما عندي مواصلات عشان اتزهب أهلي لاهين عني اونه شي وقت مو لازم تجهيز أبغي أسير صالونات أو اهتم بجسمي مو قادرة بالإضافة للخوف من العرس

ربي يوفقم تساعدوني ولكم دعوة خالصة

المزيد من آخر المواضيع من نفس القسم:

**دلووعتهم** · 2011-01-24, 01:35

ربي يوووفقج

**جليلة الوايلي** · 2011-01-24, 01:53

سوي صقل او شد تلاقينه في مراكز التجميل يمكن يحتاج منج كمن جلسة
والخطوط البيضاء غلاتي (( اسمها السي لولايت )) وهي في العادة تنتج نتيجة لتمدد الجمسم بالنحف والسمنة
هم الهم اجهزة في مراكز التجميل دوري لج مركز طبي تثقين فية واعيد اقلولج طبي تحت اشراف دكتورة مو صالون انتبهي وعلى فكرة في الغالب أسعار الجلسات تكون متوسطة ولا تضيعين وقتج بالخلطات عسب تستفدين مالج غير الطب وترى كل اللي رمستس عنة له علاج ومافي شيئ ماله علاج توكلي على ربج ومن ثم اتجهي لافضل مركز تجميل طبي واطلبي جلسات لصقل الجسم ترى انا عن نفسي ما جربتة بس اسمع وايد فية انه فعال ويعطي نتايج جبيرة
وانا شرت عليج لاني شراتج جريب بسوي هالجلسات وفداعة الله

**miss.88** · 2011-01-24, 01:55

كسرتي خاطري خاطري والله ..

الله يعينج حبيبتي .. عن الزهبه حاولي تخلصين امورج بسرعه ما بيمديج وخاصه الفستان ..
والمكياج احجزي من الحين لان يمكن ما تحصلين حجز ..

تمي حني و زني عليهم ولو ما رضو اقنعيهم ان ريلج يطلعج ويكون حد من اهلج وياج عشان تخلصون امورج ..

**bellegirl** · 2011-01-24, 01:55

لا حول ولا قوة إلا بالله

غاليتي

أحبي نفسج عسب ريلج يحبـج ^^

وكبري عقلج ولا تركزين على الشكل

جمالج في داخلج أختي ومب خارجي .

اذا انتي على خلق فأنتي جميلـة ^_*

لا تعقدين عمرج على 5 كيلو زيادة

إذا بتضعفين اضعفي لنفسج

والرياييل ترى يوم يعرسون ما ييبون مكبرة ويطالعون أجسام الحريم !

اصلا الريال ما ينتبه للشي إلا اذا ذكرتيه

ولج الخيار تعيشين حياتج بسيطـة أو معقدة ^^

**almasha3er** · 2011-01-24, 08:29

للرفع

**@أم عمر@** · 2011-01-24, 08:33

[IMG]http://www.*******.org/images/gzddy9lja582f3t733cr.gif[/IMG]

**Bent _ A7med** · 2011-01-24, 08:49

يحليلج ..~

آلغاليه انا نفسج ..~ ضعفت وجسمي وايد مترهل وشعري بعد متقصف ..~

لو لقيتي حل فيديني ويآج آلغاليه ..~

وآلله ييسر لج آمورج ويسهلها عليج يارب ..~

**حلوات الاهداب** · 2011-01-24, 08:56

الله يعينج صدق
ريلج اذا حباج بيحبج بكل ما فيج
صدقيني ابعدي عنج القلق والتفكير مب زين سوي اللي عليج واهتمي بنفسج وتوكلي على الله .... وكوني واثقه من نفسج والبسي واتعدلي ولا كأنه فيج عيب

**الأصالة** · 2011-01-24, 08:58

حبيبتي لا اتفكرين واايد

عشان نفسيتج ما تتعب

**مشوطه** · 2011-01-24, 09:07

والله مو مب متزوجه وما عندي العيال كنت بوديج اي مكان تبين تروحيله بس خدمه لوجه ربي
يالله كسرتي خاطري والله
شوفي دريوليه توديج مكان اوك لشد الجسم والله يسهل عليج يارب

**جرح وحداوي** · 2011-01-24, 09:21

حبيبتي لاازم تخلصيين امورج وزهبتج ..

كلمي هلج لومايقدرون تظهرين مع احد من هلج ويا ريلج ولا احد من هلة..

وعلى موضوع جسمج ..

انا من رايي تروحين مركز مافيه وقت اتقولين 3 شهور.

هم مابيطولون كم جلسة بس والباقي كلة اتسويينه فلبيت..

ربي يوفقج ويتمملج على خير..

**أم الخليفي** · 2011-01-24, 09:25

الله يسهل أمورج ...ويوفقج يارب

**ام راشد87** · 2011-01-24, 09:36

صباح الخير لاحلى عروس حبيبتي شد الجسم ما له الا شي واحد عن تجربه. ولا وتنحفي النحافه الي بدك اياهاالسر بلشمر اكيد تعرفيه اشربي كوب قبل الاكل ب5دقايق وشوفي النتايج جسم مشدود وخالي من الخطوط وانا اقول عن تجربه بعد الحمل والولاده اما عن الشعر انا ما بقوي شعري الا الفيتامين والله يسر امورك يا حبيبتي

**{ آحلى دلع ..** · 2011-01-24, 09:37

لآزم قبل كل شي تمشين لمدة نص سآعة او سآعه يوميـآ

وجوفي تمآرين للفخود بآليوتيوب وتمرني لمدة نص سـآعة كل يوم

حلو ؟

بآلنسبة للترهلآت والخطوط آلبيضـآ شي كريـم آسمه بآلمرز بآلصيدليآت

وآيد آوكيه جربيه وآن شاء الله نتيجته مضمونـه . . وهآ صورته

ووزنج مب لهنآك يعني بس تخسرين 5 كيلو آنتي ع بر الآمآن . .

وهآلوقت آسترخي لآتتعبين عمرج بآلتفكير وغيـره ترآه يآثر

وربي يسعدج حبوبـه

الموضوع: عرسي قرب

أدوات الموضوع

عرض

عرسي قرب

المزيد من آخر المواضيع من نفس القسم:

المواضيع المتشابهه

سااااااعدوووووني بليز عرسي قريب و ابا مصمم لفستان عرسي

× عرسي ,,,,,, ×

ذهب عرسي !؟

يوم عرسي ..