اللي رياييلهم يشتغلون شفتات اسبوعين دوام وسبوعين اجازه

**أحبه مووت** · 2011-01-23, 23:30

هلا بنات شحالكم ؟

ابي اعرف اراكم في موضوع انه الريال شغله اسبوعين دوام واسبوعين اجازه في وايد بنات يرفضون هذا الشي بس انا الصراحه اتمنى هذا الشي لوايد اسباب ابي اعرف رايكم انتو واللي رياييلهم دوام اسبوعين اخبرونا رايهم في الوضع .

المزيد من آخر المواضيع من نفس القسم:

**ام مهره و شمه** · 2011-01-23, 23:37

انا ريلي اسبوع دوام و اسبوع في البيت يوم يكون عندي الاسبوع كانه يوم يمر بسرعة و يوم يكون في الدوام الاسبوع كانه شهر
و حلو انه يكون اسبوع متواصل في البيت يطلعنا و يحوطنا و بنفس
الوقت يخلص امور بيتنا اليديد

**BINT SHJ** · 2011-01-23, 23:37

امممممممممممم نو ايديا

**مشاعلووو** · 2011-01-23, 23:40

الحمدلله ريلي يداوم يومين وثلاث إجازة, يعني مايغيب عني وايد, احس اسبوعين وايد بصراحة...

**حيـــاة زوجها** · 2011-01-23, 23:41

ههههههههههههه ياريت ريلي جيه كل الوقت بويه بعض صج يستوي مرات ممل خخخخخخ فديته

**دلوووعة راك** · 2011-01-23, 23:43

ياليت ريلي يداوم شفتات اسبوع باسبوع

انا ريلي دوامه رسمي بس اشوفه آخر الاسبوع والحمدلله على كل حال

بس اسبوعين يغيب احسه وايد يعني اسبوع باسبوع وايد اوك هذا رايي

**ام رشوودي** · 2011-01-23, 23:45

المشاركة الأصلية كتبت بواسطة حيـــاة زوجها

ههههههههههههه ياريت ريلي جيه كل الوقت بويه بعض صج يستوي مرات ممل خخخخخخ فديته

هههههههههههههه

**ام ميودي3** · 2011-01-23, 23:48

انا ريلي اسبوع دوام واسبوع في البيت بس ها الاسبوع الي يكون في البيت يمر جنه يوم

الحمدلله ع كل حال

**حزن قلبي** · 2011-01-24, 00:09

ريلي دوامه رسمي ما اشوفه الا اخر الاسبوع و الحمدلله
احس يوم يطول في البيت نمل من بعض

**Bent%Albdwan** · 2011-01-24, 00:16

مممم
انا ريلي اسبوع بسبوع وناااااااااسه احسن من انه ايني خميس ويروح السبت بمووووووووت
واذا على اسبوعين بسبوعين بعد حلو تقدرين تهتمين ابنفسج وجي يتولهه عليج وااايد وتغيرين من بيتج ومن استايلج يعني اتقضين وقتج في شي مفيد

**فاطمةالحمادي** · 2011-01-24, 01:12

لاااا انا جربت اسبوعين باسبوع
عذاااااااااااااب الصراحه
اسبوعين وايد..وايد..
خاصة للي عندها عيال مدارس ..واهلها بعيد
و انا كنت ما اقدر اروح بيت اهلي ف بوظبي لأن بنتي مدرسة
فكنت اعاني فالاسبوعين اللي ريلي محد..وحدة قاتلة .. والاسبوعين كانهم شهرين
كنا نحتاجه ف وايد اشيا.. صح كان يامن لنا كل شي قبل لا يروح..لكن تطلع سوالف..و تحتاجينه ويكون مب موجود
وكنت استحي اطلب هالشي من اي حد.. والحمد لله والشكر عمره محد ياني يقول لي محتاية شي .. شي ناقص
يمكن سنة ونص على هالحال
ويوم يرجع اسبوع بسس اجازة كان يمر الاسبوع كانه يوم

وجربت الدوام الرسمي

وجربت الدوام الاسبوعي اللي يرد في الويكند بسسس

ماشي احلى عن الدوام الرسمي.. وجود الريال مهم صراحه خاصة للي اهلها بعيد

**ام محمد 9119** · 2011-01-24, 01:31

انا ريلي يداوم اسبوع باسبوع

**فساتيني** · 2011-01-24, 07:53

طبعا لو الريل موجود فالبيت كل يوم ,,,هذا شي طيب,,,والدوام الرسمي أحسن

انا ريلي اسبوع باسبوع هذي طبيعة شغله

وانا اتعودت

حلو ان اسبوع كاااااااااااااامل يكون فاااااضي ودايما موجود فالبيت ويعوضنا عن عدم وجوده فهالاسبوع

ممممممممممممم وبعد اتحسين ان تشتاقينله اكثر,,,في تجدد ف حياتكم و و و و و و,,لان الحريم اللي يجابلون رياييلهم 24 ساعه يشتكون من الملل فالعلاقه

وبعد على حسب الريل وعلى حسب طريقة الحرمه فالمعامله

وأحمد ربي اني أسوق وقادره أخلص أشغالي وهو مب موجود,,,,الله يعين اللي ماتسوق وأهلها بعيد صعب عليها بصراحه

^^

**راعية اللكزس** · 2011-01-24, 08:25

الغاليه انتي مب معرسة عسب جيه تقولين عادي ...ترى الكلام سهل ...لكن الواقع غير ...

يوم ترتبطين بعاطفة ..الوضع يصير اصعب على النفس...

اما التفكير العقلاني نفس ما بعض البنات ..اونه فرصة يتعدلون و فرصة اشوف اهلي و فرصة اكون على راحتي ...ترا ها يظل كلام فقط...

**أم الخليفي** · 2011-01-24, 08:28

يوم بتتزوجين بتحسين انج ما تبين تفارقينه ..ولا يوم ...

الموضوع: اللي رياييلهم يشتغلون شفتات اسبوعين دوام وسبوعين اجازه

أدوات الموضوع

عرض

اللي رياييلهم يشتغلون شفتات اسبوعين دوام وسبوعين اجازه

المزيد من آخر المواضيع من نفس القسم:

المواضيع المتشابهه

المتزوجات اللي رياييلهم ينزلون ويكند بس +ساكنين بيت اهل رياييلهم

ريلج يداوم في جزيره و ياخذ اسبوعين دوام و اسبوعين اجازة .. احدري ضروري ..

تقنية الشارجه دوام ولا اجازه باحر ؟

باجر بنك الامارات اجازه او دوام