***أبا أشغلهم عشان ما يظاربوا فيدوني***

**أم عايشة** · 2007-07-03, 04:29

ممكن حد يعطيني أفكار حلوة عشان أسويها ويا عيالي أعمارهم من سنة إلى أربع سنوات. أنا ربة بيت وريلي أسبوع بالبيت وأسبوع بالدوام فلما يكون بالدوام نيلس أنا وعيالي بالبيت ملانين فلي عندها أفكار حلوة تقولها لي...يعني اللي عيالها في مثل سن عيالي كيف تشغلي وقتهم عشان مايضاربوا ويا بعض......أو في مكان نسيره للتسلية مثل النوادي

أترياكم

المزيد من آخر المواضيع من نفس القسم:

**ريامي دبي** · 2007-07-03, 07:14

امممممممممم مادري والله ماعندي عيال!!!
اذا عندج استعداد تسوين لهم العاب بعطيج بعض الأفكار
يوم وديهم مدينة الألعاب الالكترونية
ويوم سويلهم العاب يدوية يعني شغليهم بالصلصال والألوان
ويوم وزعيهم على البيت عاساس يرتبون معاج وحطي جوايز طبعا
اشتري لهم حوض اللي ينفخونه وخليهم يلعبون فيه
سوي لهم مثل اللوحه اللي فيها سيايير واللي يطيع كلامج تقدمينه خطوه >>هذا يوم مايكون لج بارض
اشتري لهم افلام رسوم وخليهم يطالعونه وانتي بهالوقت اهتمي بنفسج شوي
اممممممم خذيهم بيت خواتج اذا عندهم عيال عشان يلعبون حليلهم
في العاب مسليه بسيطه مثلا يمد ايده وانتي تضربينه بس لو شاطر يسحبها في كل مره عشان تنمين عندهم سرعة البديه...
اشتري لهم دفاتر تلوين خليهم يلونون ويشخبطون وشغليهم شخبط شخابيط..........
وكل التوفيق وربي يخليهم لج ويفرحج بهم

**~شما~** · 2007-07-03, 08:05

حفظيهم قران..واللي حفظ عطيه نجمه ولا هديه
واقرأي لهم قصص الانبياء ...يحبونه واايد ..
اشتريلهم دفتر تلوين خلهم يلونوون ..ولوني انتي معاهم

**حمده القبيسي** · 2007-07-03, 08:16

خذي لهم مسبح .. الي ينباااااع في المحلات وخليهم يتسبحون ويستانسون ولا
سيري وياهم قسم الالعاب خليهم ياخذوون الي في مزاجهم ..
ودفتر الالوان.. وتلوييين ..

**روض القلب** · 2007-07-03, 09:12

في العاب مسليه بسيطه مثلا يمد ايده وانتي تضربينه بس لو شاطر يسحبها في كل مره عشان تنمين عندهم سرعة البديه...

مرحبا ..
حبيت اعلق على كلام اختي ريامي دبي

ان ها اللعبة ممكن تسويها بس لها آثار

يعني ان هي ما تباهم يضاربون و ما يتعلمون الضرب

بس تستخدم الضرب كأنها لعبة

متناقض ^.^

و السموحه منج ريامي دبي اذا ما عيبج تعليقي ^.^

**سحايب دبي** · 2007-07-03, 11:05

اللي سن 4 سنوات دخليهم مراكز تحفيظ و اللي اصغر دخليهم مراكز صيفيه شرات الحضانه

الموضوع: أبا أشغلهم عشان ما يظاربوا فيدوني

أدوات الموضوع

عرض