كيف نخلي ازواجنا رومنسييين

**قلبي عشقه A** · 2011-01-18, 20:59

هلا خواتي

بدش في الموضوووع ع طوووول

بصراحه انا احس الحرمه اللي تكون متزوجه يكون ناااقصنهااا حنااان وحب

يعني مثلا انا من زوود حبي لريلي دوم اقوله احبك او اطرش له مسجاات واعبر له عن شعوري

بس مشكله الرياااال حتى ولو يحب ما يعبر او بالاصح ما فيه حس الرومانسيه طبعا مب الكل بس الاكثريه

ولما تسألينه يقول ما اعرف اعبر او انا من النوع اللي اخلي حبي بس في قلبي ما اطلعه

وبصراااحه موووول ما احب هالنووع احس والله قهرررررررررر

احب الزوج اللي يباادل زوجته بالمثل يعني مب بس حق الرقاااد وخلاااااص

ادري الاكثريه يواجهووون هالمشكله

واللي عندهاااا وصفه تخبرني ^_^

والسموحه

المزيد من آخر المواضيع من نفس القسم:

**Bonboon** · 2011-01-18, 21:05

خبريه بحبج له بين فترات متقطعة يعني مب كل يوم

اعرفي مفاتيحه و انتي ادرى بريلج

**ظبيانيه_قمررر** · 2011-01-18, 21:20

صح لازم الحرمه تكون ذكيه وتعرف نقاط ضعف ريلها ونقاط قوته ..

واذ طلع من هالنوع الي مايحب يعبر

تقرا فالكتب وتسال وتدور فالنت لين تتعلم انسب الطرق واكثرها فائده
فالتعامل مع هالنوعيه من الازواج وطريقه سحب الكلام منهم لووول

بعدين مب شرط تسحب الكلام يمكن تتعلم وتحاول وماتقدر
عاد المفروض ما تيأس ,,

بسسسسسسسسسس تقتنع ان في طرق ثانيه غير الكلام
الريال يعبر فيها عن حبه مثل ...... يعطيها مصروفها
يطلعها ....يعبي ها رصيد
صح هالشي من واجبه بس بنظره مايوفر هالشي الا لانه مهتم بحرمته ويحبها

والله يهدي كل الرياييل يارب

**bellegirl** · 2011-01-18, 21:26

يعني باختصار تحبين روميو الي موجود في الخيال ^^

للاسف أغلب الرياييل العــــــــــــــــرب يستحون يطلعون مشاعرهم

وهذا الشي نتيجة البيئة الي تربو فيها

والعادات عندنا الي تفرض على الريال يستوي حجرة ومب بني آدم ..

وهذا الشي حتى يخالف ديننــأ ,, الرسول عليه الصلاة والسلام كان حنون

عطوف معبـر,, اشتقنا لك يارسول الله

بس ان شاء الله مع الوقت ,, والحوار الإيجابي

والإنفتاح على بعظكم البعض

شوية شوية الريال يتغير ^^

ربي يسخركم لبعض

**كريستال** · 2011-01-18, 21:30

ربي يسعدج

**ابتسامة قمر** · 2011-01-18, 21:31

بالتوفيق

**فديتني نونو** · 2011-01-18, 21:32

الحريم يقهروني كل شي تعطيه حق اريال زود مايبا وتكون وااايد طيوبه وياه وجي لاء يعني مب لازم انتي اطرشين مسجات خلاص تريه هو يقلج احبج بين فتره وفتره قوليله تر ا نحن سبب ان الريال يشوف برا وجي خلاص يتاكد انج تحبينه فخلاص يكون ظااااااااااامن هو شي حلو التعبير عن الحب بس مب دوم منج انتي السموحه حبوبه ع الاطاله

**اناستازيا** · 2011-01-18, 21:42

انتي لاتعبرين عن مشاعررج وبيستوي هو اللي يعبر عن مشااعره وبس شراتي هههههههههههههه

شو تبين في الكلام اهم شئ الافعال ..بعدين مافي ريال مايعبر مول بس في بعضهم قليل مايتكلم لانه يكون طبعه

والرياااييل اغلبهم مب ثرثارين شرات الحرمه ...اقرئي كتاب الرجل من المريخ والمراه من الزهره وبتحلي كل مشاكلج

وبقولج على حركه سمعتها من الدكتور الخليفي ..يقول وحده تشتكي ان زوجها مايتكلم سااااكت وهي تباه يسولف
وماشي فايده منه قامت ويابت كاسيت فااااااااااضي وعطتها ريلها وقالت له ابااك تسمع هالكاسيت وانت في السياره بروحك....الريال خذ الكاسيت وشغله في السياره وهو ساير الدوام وماسمع شئ قام وقلب الكاسيت ونفس الشئ
المهم داوم الريال وهو راد من دوامه قال بيشغل الكاسيت شغله ويقلب فيه ولا سمع شئ رد عند حرمته قاالها شو
هالكاسيت اللي عطيتينياه قالت سمعته قال مافيه شئ قالت انته جيه معاااياا مثل هالكاسيت الفاااضي ...

شو راايج سويها لريلج عسب يعرف انه سكوته متعب وممل ...

استويت اخصائيه نفسيه ..كخ

**حــــلاوه** · 2011-01-18, 21:43

للرفع

**ღcute girlღ** · 2011-01-18, 21:56

الله المستعان ^^

**حيـــاة زوجها** · 2011-01-18, 22:04

حلووو الموضوع تسلمين الغاليه يعطيج العافيه

عاد انا الصراحه ما اعبر عن حبي لريلي كل الوقت مستحييييييييل مع اني اموت بالتراب اللي يمشي عليه

بس صراحه لقيتها وصفه سحريه

قام مره مره يسألني تحبيني

اطالعه واقوله وانت يقول اموت فيج بس ما جاوبتي انتي

<< واحليله يكسر الخاطر خخخخ

يعني ما اقوله الا يوم يعبر وصار متعود يعني عسب ياخذ لازم يعطي

بس يستاهلون الرياييل ترى يوم تسوين لهم سالفه يكبر راسهم

**رآحت أيامك ,** · 2011-01-18, 22:12

اكتشفي شخصيته

لو هو شمالي

شمالي غربي

شمالي جنوبي

والا جنوبي والخ

تقريبا ريلج شمالي وانا متاكده من هالناحيه

يعبر عن حبه بالفعل مب بالرمسه

وهذا اتعب حب

خصوصا لو كانت الحرمه جنوبيه وفيها رومانسيه وتحب الرمسه الحلوه

مستحيل الشمالي يتحول جنوبي

بس يمكن يكتسب

يمكن يومين يقول هالرمسه الحلوه وبعدين خلاص انسي

يمكن قالها نتيجه ظغط يا عليه

اصعب شي انك تقدر تقدم اشياء

بس انت مب قادر تقدمها لان مافي تفاعل

بس الصبر ثم الصبر

مثال

في ناس ماتقدر تعطي لان الطرف الثاني ماتلاقي منه تفاعل

فتعيش حياه عاديه جدا

حاولي من صوبج قد ماتقدرين واحتسبيها عند ربج

ولاتتترييين شي

ادري تعب نفسي فظيع

بس الواحد شو بيسوي؟

مايقدر يغير بالشخص

**BINT SHJ** · 2011-01-18, 22:13

موووووووووووووووفقه

**اعشقج يا داري** · 2011-01-18, 22:29

الغاليه اغلبية الرياييل ما يحبوون يرمسووون..
دايما الكلاام فالقلب ~
بس يحبوون الحرمه هي اللي تبدا واذا هم بس يختصرون المموضوع انا احبج ..
مب شراتنا نحب نسمع كل شي

الريال دوم يعكس حبه بافعاله مثلا اذا مرضتي يسهر ويطمن عليج اذا كان فالدوام
ها كلتي ولا لأ
شي ناقصنج
شي عورج ومن هالقبييل حبيبتي
لان مجتمعنا جذه ويحليلهم متربيين ع العادات هههههههه اذا شرات الغرب 24 ساعه لييييين ماتلوووع جبودنا
موفقه الغاليه

**جروووح انسانة** · 2011-01-19, 02:22

يآربي والله مثل ريلي
انا دوم اللي اعبر بس هو مووووووووول ماشي الا وقت الرقاد يخلص غرضه ويعطيني ظهره
وآآآآآآآآآآآآآآآآآآآآآيد اتضايق من هالشئ حتى اني مرات انام ودموعي على خدي بس شو اسوي مقدر اقول شئ
ماعرف شو نسوي الغاليه

الله يعينا عليهم بس

متابعه لموضوعج

الموضوع: كيف نخلي ازواجنا رومنسييين

أدوات الموضوع

عرض

كيف نخلي ازواجنا رومنسييين

المزيد من آخر المواضيع من نفس القسم:

المواضيع المتشابهه

نساند بعض بغياب ازواجنا

رومانسية ازواجنا هع هع .. وبعد هع

كيف نخلي وزنه زين؟؟؟؟؟؟؟؟؟

اهداء الى ازواجنا... (كيف تعاملون زوجاتكم)

لماذا يرفضنا ازواجنا احيانا ؟؟؟( خطأ نقع فيه دون قصد)