ملااااابس بنتي .. واحسن مزيل للبقع ...

**قلبي من ألماس** · 2011-01-18, 20:21

السلاااااااام علييييييييكم ..

اشحاااااالكم خوااااااتي .. واعلوووووم البيت والعياااااااال ..؟؟

انا بصراحة متوهقة .. ثياب بنتي اتغمض عليها لما تبقع .. والبشكارة هاي يديدة ماعرف كيف تغسل الثياب .. حتى ريحة ماشم فالثياب عقب الغسيل .. والبقعة تثبت ما تخوووز ..

حرام في ثياب مخسرة عليها .. وفي ثياب البسها لبسة وحدة ويكون لونها فاتح .. وخلاص .. اكنسلها لانها بقعت ..

جربت استخدم فانيش .. ماشي فايدة .. وتراني استعمل لثياب بنتي صابون الوزييير ..

فيااا ريت تخبروووني كيييف اغسل الثيااااب بحيث ان البقع ما تتم .. وفي الوقت تتم ريحة الثياب حلوووة والوانها زاهية ..

ادري اني اقدر اعتمد علييييييكن .. واترياااااا تواصلكن ...

المزيد من آخر المواضيع من نفس القسم:

**المياسه 2** · 2011-01-18, 20:55

الغاليه

بنتج كم عمرها
لانه صابون الوزير ريحته قويه وايد وما احس انه يصلح للملابس

اذا كانت بنتج طفله استخدمي صابون يناسبها
واذا فيه بقعه في الملابس اول رشي عليها من بخاخ فانيش
خليه شويه
عقب ودني اللبس لمدة يوم على الاقل في فانش السائل مضاف له ماي

عقب ارجعي اغسلي اللبس مع الصابون في الغساله مرتين تقريبا
واشطفي مره مع اي سائل ملطف للملابس

انا اسوي جيه والبقع تختفي

واذا فتح لون الملابس يمكن خدامتج تضيف كلوركس
وما شي علاج لها الحاله

وبغيت اعرف شو نوع الغساله اتوماتيك والا العاديه

**عالية الغالية** · 2011-01-18, 21:00

استخدمي صابون البابايا

يعني اغسلي الثياب قبل بايدج مكان البقع بصابون البابايا

وعقب حطيهن في الغاسلة

تدرين اللي يخرب الثياب ويخلي اللون يبهت

ان كل قطعة لها درجة معينه من الغسيل

يعني في ثياب تحتاج دوران وايد وفي ثياب لا

ودرجة حرارة الماي بعد مهمة في غسيل الملابس

وحطي لها شوية داوني يخلي ريحة لاثياب واااااااااو

**أم خالدومهرة** · 2011-01-18, 21:38

والله نفس حالتي ويا ولدي يبقع كل ملابسه الله يهديه وانا معرفتي محدودة بازالة البقع فالله يخلي امي علمت خدامتي كيف تشل البقع من الملابس اكثر شي احسه امن للملابس فانيش واحيانا كلوركس الملون للالوان ومرات المبيض للبقع الصعبة بس ونصيحتي لج يوم الخدامة بتييب لج الملابس خبريها وراويها انه الملابس خايسة يعني لا تخليلها الحبل عالغارب
اتمنى افدتج
السموحة منج

**دبي** · 2011-01-19, 00:13

استخدمي أمينو الخاص بالبقع

الموضوع: ملااااابس بنتي .. واحسن مزيل للبقع ...

أدوات الموضوع

عرض

ملااااابس بنتي .. واحسن مزيل للبقع ...

المزيد من آخر المواضيع من نفس القسم:

المواضيع المتشابهه

أبا حل للبقع على غنفاتي

كريم للبقع

احلى وارقى ملااااابس البنات تلقووونها عندي

واخيرا قاهر العرق فيبكـس مزيل العرق فيبكس مزيل العرق فيبكس مزيل العرق فيبكس 15 درهم

أبا علاج للبقع