حد يقولي شو سالفة الخياااطة؟ لكل وحدة ربت

**Rocky** · 2011-01-08, 01:37

هلا خواتي

صراحة من كثر ما اقرا عن مواضيع الخياطة ووو مب فاهمة

الحين كل حرمة تربي يخيطون لها؟

ومايعورها وكيف تستحمل الوحدة؟؟ فيه تخدير ولا بدوووون

لان هذا اكثر شي مخوووفني

ابر عااااد وفي مكاان حساس؟

حد يطمنني

المزيد من آخر المواضيع من نفس القسم:

**PrinceSs R** · 2011-01-08, 01:38

امممم انا شراتج اسمع بس ماعرف شي وانا اول مره احمل وماعندي خبره فديتج الله يعين *_*

**سوارة** · 2011-01-08, 01:54

لا مب شرط
انا 3 ولادات ولا خاطوني الحمدلله لانه في التوام ما يقصون وبالتالي ماله داعي للخياطه
وختيه ماشاءالله تحتها 5 ولا خاطوها حتى يوم سرنا لفوفو سلامه علشان الخياطه التجميليه قالت ماشاءالله ما يحتاي
وكل اهلنا ما خاطوهم اطري الكبار يعني قوم امايه وخالاتي ويقولن موضة القص الا هالسنين زادت من يوم خصخصوا المستشفيات لانه يبون يولدون الحرمه بسرعه ويفتكون
انا احس كثر القص هو اللي يخرب المنطقه ويوسعها علشان جي دوم في ولاداتي احذرهم من القص اقولهم ما ابغي الا اذا السالفه خلاص فيها موت بسم الله علي

**ام سعيد 2001** · 2011-01-08, 01:58

عادة البجر يسوون لها خياطه و الدكتوره تخيط اليرح الي تفتحه عشان تساعد النونو انه يطلع بدون ما ياذي المنطقه عند امه خاصه اذا كان وزن النونو شوي عود ..
و عن التخدير انا بصراحه اشوفهم يرشون الرش الخاص بالتخدير و يخيطون المنطقه من الداخل و الخارج ..و ما تعور وايد ..
و عقب ايتم المكان ينغز شوي لين يلتئم الجرح و اتطيح الخيوط لكن لازم نهتم بنظافة المكان الي فيه الخياطه و انصح الحريم الي اول مره يربون انهم ما يخافون من تنظيف المكان الي فيه الخياطه يعني (( نظفي تكرمين الدم بايدج يعني خوزي الدم من هالمكان )) لأنج لو ما خوزتيه ممكن انه يسبب التهاب الخياطه ..
و عادي بتشوفين الدكتوره بتلبس نظارتها و بتحط كشافها و بتيلس تخيط و انتي تتطمشين عليها خخخخخخخخ
الله يسهل علينا و عليكم و على كل الحوامل و يرزق كل المحرومات الذريه الصالحه يارب العالمين اللهم آمين

**تسونامي** · 2011-01-08, 01:59

سبحان الله هذا الي استغربتوه الخياطه من الولاده

والولاده بكبرها شو تطلع ............. ولا بشاره ترا في خياطه داخليه وخارجيه بعد

**تسونامي** · 2011-01-08, 02:04

عملية التوسعة يتم إجراءها عندما يبدأ رأس الجنين بالخروج من فتحة المهبل ويلاحظ وجود شد على فتحة المهبل مما يسبب تمزق للمهبل فعندها تقرر القابلة أو الطبيب بعمل توسعة للتقليل من هذا التمزق وليكن في العلم بأن هذه العملية ليست بالضرورة أن تجرى لكل إمرأة فاللأم التي ولدت قبل ذلك فقد لاتحتاج أبداً لهذه العملية أما المرأة التي تلد لأول مرة فقد تحتاج لهذه العملية . قد تتمدد العملية إلى أعلى المهبل أو تسبب تمزق للعضلات التي تحيط بفتحة الشرج عند خروج الرأس ، فعندها قد يتطلب إجراء الخياطة تحت التخدير الكامل أو النصفي .

وعملية شق العجان والخياطة تسمى بالمصطلح الطبي EPISIOTOMYوهي عبارة عن
عملية جراحية بسيطة لشق العجان perineumحيث تقوم الطبيبة بشق منطقة الجلد
مابين فتحة المهبل وفتحة الشرج ...
للسماح بمرور راس الجنين لحظة الولادة ولمنعه من يسبب تمزقات عشوائية
تصل الى فتحة الشرج وتؤثر على العضلات القابضة او العاصرة لفتحة الشرج anal sphincter..
والمحافظة على عضلات العجان لمنع هبوطها بعد الولادة وحدوث مشاكل معقدة لها
مما يؤدي الى ضعفها
وعملية شق العجان والخياطة تسمى بالمصطلح الطبي EPISIOTOMYوهي عبارة عن
عملية جراحية بسيطة لشق العجان perineumحيث تقوم الطبيبة بشق منطقة الجلد
مابين فتحة المهبل وفتحة الشرج ...
للسماح بمرور راس الجنين لحظة الولادة ولمنعه من يسبب تمزقات عشوائية
تصل الى فتحة الشرج وتؤثر على العضلات القابضة او العاصرة لفتحة الشرج anal sphincter..
والمحافظة على عضلات العجان لمنع هبوطها بعد الولادة وحدوث مشاكل معقدة لها
مما يؤدي الى ضعفها

**سوارة** · 2011-01-08, 02:08

تسونامي بطني عورني هههههههههههههههههههههه

**أميرة الشعر** · 2011-01-08, 02:17

وأنا بعد بطني عورني على الرغم من ولاداتي الثلاث

**dnyailwalah** · 2011-01-08, 02:37

عادي جدا وبنج ومائحتاج خوف أبدأ

**um mane3** · 2011-01-08, 02:56

انا احس الخياطة مهمه وانا سوولي تجميلية بدون مااقول للدكتورة في مستشفى الزهراء

ربيعتي مربية في بجرها وماشقوها في مستشفى الوصل تقول عقب الاربعين حست بهواء وانه في شي غير طبيعي في هذيج المنطقة وبعدم الراحة وسارت للمستشفى عسب يخيطونها وتقول صح الم بس ارتاحت وحست عمرها ردت طبيعية

فوفو* · 2011-01-08, 03:48

السلام عليج اختي انا مربيه من 3 شهور في مستشفى الواحه والصراحه كلمه اهتمام شوي عليهم الممرضه وووووووووووووايد ساعدتني عطتني ابره مخدر علشان الويع ونفعتني ووايد اما الدكتوره هي هنديه ماشالله عليها ساعدتني بعد وايد وما كانت بتسويلي خياطه اتريتني بس انا ماقدر فسوتلي جراحه بعد ما عطتني ابره مخدر والحمدلله ماحسيت لا بالم القص ولا الخياطه وخياطتها داخل مب برع يعني ما يحتاج مطهرات وغيرها تميت اسبوعين وبرى الجرح والحمدلله ولادتي كانت جدا سهله
لا تخافي حبيبتي انا كنت شراتج خايف بس ربج يسهل

**وردة الدار** · 2011-01-08, 04:06

انا ثلاث ولادات وسوولي خياطه فيهم كلهم....
ومنو قال مايعور؟؟؟؟؟؟؟؟ الا يعور ويعور ويعور
والتخدير ما يسوي شي الصراحه

**منصوريه800** · 2011-01-08, 04:25

حبيبتى ويع الولاده يخليج تحسين ان اى ويع بعده صفر
وبالنسبه لى من الفرحه اول ماشفت بنتى ماحسيت انهم يخيطونى غير اخر شى
ولا تخاااااااااااااااااااافى ولا تحاتى مايعور غناتى ويرشون بنج مايخليج تحسين انهم يسون اى شى

**ام راشد20** · 2011-01-08, 05:37

ياربي شو هالموضوع ياتسونامي

ذكرتيني بالذي مضي

**rosebraze** · 2011-01-08, 10:42

اسكتن الخياطه تعورني الحينه @_@

الموضوع: حد يقولي شو سالفة الخياااطة؟ لكل وحدة ربت

أدوات الموضوع

عرض

حد يقولي شو سالفة الخياااطة؟ لكل وحدة ربت

المزيد من آخر المواضيع من نفس القسم:

المواضيع المتشابهه

سالفة وحدة مواطنة والثانية هندية اتضاربو في السوق

رااعيــااات الخياااطة ..شيفــونات للبيـــع