:: دورة الرسم على الشيل ::

[DesigneR StylisH]

::: لكل من تريد نقل الموضوع الرجاء ذكر المصدر .. وما احلل لأي وحده تنسب الموضوع لنفسها ::

ما اتعرفين ترسمين !!!! بعلمج ترسمين احلى الرسمات بأسهل طريقه ..

بهالطريقه السهله ..




:: الأدوات ::

شيله شاموا ( برج الإمارات )



ألوان قماش ماركة pebeo



ورق كربون ملون



رسمات جاهزه وقلم رصاص



فرشايات تلوين 3 أحجام + صحن تلوين + كوبين ماء

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[DesigneR StylisH]

الدرس الأول

اختاري الرسمه اللي حابه تنسخينها على الشيله وطبعا عدلي حجمها إذا حابه ..



حطي الشيله على سطح مستوي.. وحطي الشيله على الجلبه الصح .. وحطي الكربون بالجلب يفضل تستخدمين اللون الأبيض أو الأصفر لأنهن افتح ..



حطي الرسمه بالشكل اللي حابتنه ..



بإستخدام قلم الرصاص انسخي الرسمه بقوه عسب تنطبع على الشيله ..



وفي النهايه بتطلع بهالشكل ..الحين رسمتج جاهزه




هذي 4 رسمات إستخدمي وحده منهن .. انتظر تطبيقاتكم إن شالله وبعطيكم يوم عسب نبدا الدرس الثاني ..

[DesigneR StylisH]

الدرس الثاني .. التلويين ..

:: تحضير الأدوات و الألوان ::



:: نبذه عن الألوان ::

هذي الوان القماش الموجوده .. في منها الألوان العاديه ومنها الألوان اللي بلمعه وانا افضلها ..


هني بتعرفون كيف تخلطون الألوان إذا حابين الوان زياده ..



:: طريقة التلويين ( طريقتي الخاصه) ::

1 :: نبدا بالخطوط الأساسيه اللي تحدد الرسمه.
2 :: نبدا بتحديد الرسمات خاصه المساحات الكبيره.
3 :: نبدا بالتلويين .. في حالة استخدام عدة ألوان نلون عشاوئي عشان يتم توزيع الألوان.
4 :: في النهايه رسمه متعددة الألوان.




:: ملاحظات ::

*إذا حابه تفتحين اللون اخلطيه بالأبيض..
*إذا حابه تغمجين اللون اخلطيه بالأسود..
*نظفي الفرشايات بالماي والصابون بعد ماتخلصين عشان اتحافظين عليهن ..
*استخدمي كوبين ماي .. واحد عشان اتنظيف الفرشاه من اللون و واحد عشان تستخدمينه لتخفيف اللون ..
*خلي الرسمه تنشف على الأقل ساعه بعد التلويين . .

[DesigneR StylisH]

الدرس الثالث :: كيف اتحافظين على الرسمه ::

تحتاجين بس :::



سهل وبسيط بعد ما تنشف الرسمه خليها يوم مش مشكله وإذ مستعيله اتريي ساعه ..

عقب اجلبي الشيله واكويها على حراره متوسطه ...


إذا حابه تغسلين الشيله .. dry clean

[DesigneR StylisH]

الدرس الأخير :: تزيين الشيله ::


ممكن تستخدمين أي شي تضفينفيه لمستج الخاصه على رسمتج..

الأزرار ..



الفصوص والكريستالات ..



الخرز ..



اللولو ..



ورد كورشيه او ساتان ..



زيجات مختلفه ..




دانتيل ..





وأشياء لاتعد ولاتحصى .... إنتي وإبتكاراتج ....



في النهايه إتمنى إنه الدوره كانت مفيده ... لا تنسوني من دعواتكم الطيبه ..
مشرفة القسم .. Designer Stylish

[أحلى_اماراتية]

رررررروعة ماشاء الله عليج........تسلمين على هالشرح بس الشرح الثاني والثالث ما طلع عندي

[DesigneR StylisH]

رررررروعة ماشاء الله عليج........تسلمين على هالشرح بس الشرح الثاني والثالث ما طلع عندي

مشكوره حبوبه .. قريبا إن شالله ..

[نبعة الريحان]

اختي ثااااانكيووو

صدق دورة روووعه


انزين الحين الله يعينج علي خلاص سيفت الموضوع في المفضله

س سؤال

لازم شيله شامواه ؟

ماينفع نوع ثاني ؟؟!!

[أنــ هيامي ــا]

يااي درس سهل وحلووووو :1 (40): :1 (40):


أبله أبله ... عادي أطبق بس برسمه على كيفي ...؟:1 (7): :1 (7):


أبا شي من خيالي ...:22 (19):

[الحلاة كلها]

وااااااااااااااااايد حلو

[.. أرفلـــون ..]

مبدعه


ربي يوفقج ماشاء الله تبارك الله

[الـميم]

للحينه ما تشريت الادوات

ان شاء الله يوم اشتريهم اتريوو تطبيقي


بس سؤال الشيله لازم نفس النوع اللي حاطته؟

[زينه ونحوول]

اختي ثااااانكيووو

صدق دورة روووعه


انزين الحين الله يعينج علي خلاص سيفت الموضوع في المفضله

س سؤال

لازم شيله شامواه ؟

ماينفع نوع ثاني ؟؟!!

ومن وين نلقى ها الالوان؟؟؟؟؟؟؟؟؟؟؟؟؟

[katy]

تسلمي أختي موضوع كثير مفيد و حلو جزاكي الله خيرا

[بيضة الرامي]

مشكوووووووووووووورة الغالية

إن شاء الله بتشوفين تطبيقنا قريب...