مستشفى صقررر ضروري.....

**دروب الغلا S** · 2010-11-14, 19:27

السلام عليكم ورحمة الله وبركاته

خواتي انا حامل وبربي هذا شهري
وبغييييييييييت اعرف اذا الوحده اتربي بمستشفى صقر بعد انتهاء الولاده
يشلون الام لقسم الولاده فوق عن طريق الشبريه بس اتكون مغطايه كامل
بس انا هالشئ ما يعيبني شو ما غطت ايكون جسمها مبين واتمر حذاااااال رياييل
ففي حد منكم خواتي ربت وطلعت قسم الولاده فوق بدون الشبريه مشت يعنى لبست عباتها وجي
اتمنى اتكونون فهمتو قصدي ......

ومن جهه ثانيه بسال عن الجراحه
دام ان ما يتم حد حزت الولاده ما يشوف الوحده لما اتربي
لازم واجباري الدكتوره اتشيك عالوحده مدة وجودها كل يوم بالمستشفى عالجراحه لين ما تظهر؟؟؟
يعنى اذا ربي سهل علي وربيت مجبوره اني تكشف عالجراحه يوميا لين ما اظهر من المستشفى
بالولاده انغصبنا وما يتم حد ما يشوفنا حتى اللي اتنظف الحمامات عزكم الله
توقف تتفرج وهذا شئ يقهر
فانا هب مجبوره اكشف عالجراحه اذا كنت ما اعاني منها واحس انها اوك
بستر عنفسي دامني قادره على هالشئ
بس بعض الدكاتره يعصبون اونه انت ما تسمعين الكلام ويقعدون يحتشرون اذا ما راويناهم الجراحه؟؟

فبليييييييز خواتتي اذا حد عنده فكره عن هالمواضيييييع يقلي واللي مرت بهالمواقف اتخبرني...

بانتظاركم خواتي
وربي يسهل علي وعلى كل مره حامل ان شاء الله فهالايام المباركه

المزيد من آخر المواضيع من نفس القسم:

**مروى24** · 2010-11-14, 19:31

للرفع

**حنان الهاجري** · 2010-11-14, 19:52

هلا اختي انا ربيت بمستشفى صقر الاسبوع اللي طاف بعمليه وماتم حد ما شافني حتى الرياييل اللي يخدرون بالعمليات والله والله فضيحه حتى مب قادرة انسى هالموقف ابدا
شو هامنهم هالسسترات ما يسترون علينا الله يحاسبهم ان شا الله

بالنسبه لسؤالج فلازم هالكرفايه ينقلونج عليها شو نسوي يا ختيه مجبورين
ومستحيييل يخلونج تمشين بروحج

والجراحه بالنسبه للولادة الطبيعيه لازم يجيكون عليها بس الدكتورة ما تجيك عليها غير مرة وحدة باليوم الي بتطلعين فيه لان ما يخلونج بالمستشفى اكثر عن يومين

**دروب الغلا S** · 2010-11-14, 21:49

تسلمين الغلا عردج عليييييييييييه والله يستر علينا
والله من كثر اللي اسمعه ابا اربي بالبيت بروحي والله الغني عن مستشفياتهم
والله فضيحه

الله يستر علينا اجمعييييييييين

**حلوات الاهداب** · 2010-11-14, 22:34

الله يعين حبيبتي شو نسوي ما نقدر نتشرط عليهم ..
ومستشفى صقر مثل اي مستشفى ثاني يوم ينقلونج من غرفة الولاده للغرفه لازم على سرير ..وشي من المستشفيات رياييل يشلون الحريم ويحطونهم على الشبريه .. بس الواحد يدعي با الستر لانه نحن مجبروين مش مخيرين والمريض ليس عليه من حرج .. بس نحن ننحرج واايد من التكشف ومن الولاده ..والجرح لازم تشوفه الدكتوره عسب الالتهابات وجي ولا تعاندين مش لصالحج صدقيني ... وشي حريم بحالة ولاده ينقلونهم لغرفة العمليات لانه ولادتها متعسره مثلا شو تقولين في ها الحرمه المسكينه طلق ومعاناه والرياييل يشوفونها اكيد بغرفة العمليات ...
بس عليج بالدعاء با الستر والاستغفار ...

**ليــــــمو&نه** · 2010-11-14, 22:36

حج شوووووووووو فضيحه

شوووووومسويه

موب عاييبنكن شي

**aldana** · 2010-11-14, 22:38

للرفع

**Jathebeyah** · 2010-11-14, 22:41

يا الله .. احس موقف خايس

الله يعينج حبيبتي .. يارب تربين وماتحتاجين حد يشوفج ..

**دروب الغلا S** · 2010-11-14, 22:43

upppppppppp

**الشموخ1** · 2010-11-14, 23:30

الله يستر على كل مسلم ومسلمة

**miss.88** · 2010-11-15, 00:12

حتى انا في بنتني احيد رقدوني ومشوني واهل ريلي يطالعوني فضيييحه

وثاني ولاده في الخاص يلسوني بكرسي وودوني غرفتي ... والله ارتحت .

طالبي انتي بكرسي على وعسى يعطونج بدل السرير ..

ومن ناحية انها تشيك على الخياطه طلعي الي فالغرفه وبعدين خليها تشيك

**فرح راكـ** · 2010-11-15, 00:37

حبوبه انا دوامت في قسم الولاده يومين والعمليات يومين تقريبا
من جهه انج تطلعين على شبريه وجدام الرياييل والله هالشي يضايج ويحرج بس هالشي ضروري لان لو سمح الله ياتج دوخه او صار شي بعيد الشر فلازم يطلعونج ع الشبريه
واذا ع القيصريه انا شراتكن كنت ف حجره العمليه واتضايج بس للاسف في صقر ماشي دكتوره نسائيه لتخدير بس رياييل واذا ع دكتور الدختير هو ييلس جريب من راسج وشي فاصل بس هم خوفهم سمح الله صار شي فتحسين الحجره متروسه وشي ممرض ريال مب عشان تقولون ماشي سسترات بس هذا الممرض عنده خبره فالعمليات
وهو قالنا قال صح هالشي محرج للمريضه ومحرج لي انا كوني ريال بس فالعلاج والطب وهالامور ماشي مستحى

وع العمليه لازم تشيك الدكتوره عليها كل يوم اذا تميتي يومين او لا حبوبه لازم تشوف الشكل وتلاحظ اللون هالامور طبيه لازم تكون الدقيقه لاسمح الله صار التهاب او شي
كان حد وياج فالحجره قولي لها ابا بروحنا

والدكتورات صح عصبيات شوي بس هالشي لمصلحتج

موفقه حبوبه ^^

**أميرة الشعر** · 2010-11-15, 01:45

الله يستر علينا وعلى الجميع ..

**الدانــة** · 2010-11-15, 03:39

اختي شو الطريقة البديلة..؟
بتقولين كرسي هذاك الوقت بتكونين تعبانة وما ترومين اصلا تيلسين.. ومستحيل تلبسين عباتج وتمشين..
خلوني 3 ساعات بـ غرفة الولادة بعد الولادة ما اعرف ليش.. ومول ما كنت رايمة اتحرك بالغصب رمت اغير ملابس المستشفى..
انتي غطي عمرج عدل وخلي حد يكون حواليج عسب ما تبينين .. وربي يستر علينا وعلى كل المسلمات..
وع تجيك الخياطة.. الدكتورة ما بجيك عليج وفي حد فـ الغرفة غير النيرس..
الوالدة كانت تطلع.. ما يبخلون عاملات التنظيف يتفرجون.. لا تحاتين اختي يفهمون هـ الشي ويقدرونه..
تميت 5 ايام وكل يوم دكتورة شكل ولازم يجيكون حتى لو انا ما ابا..
ربي يسهل عليج ان شاء الله..

**سوارة** · 2010-11-15, 04:32

لا اله الا الله محمد رسول الله

الموضوع: مستشفى صقررر ضروري.....

أدوات الموضوع

عرض

مستشفى صقررر ضروري.....

المزيد من آخر المواضيع من نفس القسم:

المواضيع المتشابهه

اي مستشفى احسن بالعين لمتابعة الحمل والولادة؟ مستشفى توام ولا مستشفى العين

شو احسن مستشفى للولاده مستشفى ويلكير والا الامريكي ولا مستشفى دبي الحكومي

مستشفى الامارات (ضروري دشو)

بنات ضروري ضروري ابا مستشفى او عيادة لشفط الدهون بليييييز

ضروري ضروري منو منكن سوت عملية تكيس المبايض بالمنضار في مستشفى الكورنيش