ابا ربي يساعدني وانتو تساعدوني؟؟؟

[بنت الأقدار]

السلام عليكم


شخباركم خويااااتي

وايد مضااااااااااااااااااااااااااااااااايجه محد يحبني في هالدنيا...حتى اهلي ابوي مريض وتعبان ماحاس بوجودنا وايد الله يشافيه ان شاء الله.... وامي الحمدالله بخير بس وايد اضايج منها وايد تفرق بينا مثلا خواتي المتزوجات وايد تحبهم وايد تسويلهم قدر وهم مايحترمونها وايد... اختي الكبير تسأل عنها بس ماتحترمها وايد والصغيره ماتسال عن امي الا بالنادر وامي مخلتنها فوق راسها ويوم اتي عندنا تعطيها اكل وشرب وغيره... لدرجه صارت ماتهتم فينا انا واختي حتى لو ماتزوجنا عادي عندها احس ماتفكر بمستقبلنا ولاتفتكر فينا... وكله تحاتي اختي الصغيره اللي متزوجه مع انه الحمدالله ريلها جنه ماشاء الله ويطلعها وكل شي ماشاء الله ...........

احس انا مالي قيمه موووول وانا الحين كبيره ماشاء الله امي ماتحس بعد عندها بنتين ولازم يتزوجون وتفكر فيهم انا مااعرف شو بداخلها بس احس مول ماتفكر فينا

والبيت ضيج وملل حتى اخواني مايسالون ولايفكرون ولايطلعونا ..... خاطري اعرف ليش عايشه في هالدنيا والحمدالله اعبد ربي مانسيته .... وايد تعبانه نفسيا لدرجه عندي القولون وزاد علي ووصلت لمرحلة البواسير بس على خفيف واحاول اخفف من نفسيتي ماقادره تعبانه خلاص


اللي يساعدني جزاه الله خير....

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلـوعة دبي]

الله يهون عليج حبيبتي .. بس صدقيني مااا في يستااهل انج تضايقين عمرج ..
أنتي دلعي عمرج أنتي حبي عمرج و لا تتريين حتى يفتكر فيج خلي نفسج بنفسج << كانت اخصائية اجتماعية دوم تينا و جي تقولنا والله ..
تقولنا لا تقولون اهلنا ما يدلعووونا و لا تقوولون محد يحبنااا .. كل وحده تحب عمرهااا و تفتخر بنفسهااا ..
و لا تخليييين أي شي يأثر على صحتج .. و الله يرزقج الريل الصالح الي يخاف ربه فيج عااجلاً ليس آجلاً ..
آآمين ^___^

[سوارة]

[انثى بس غير]

الله يعينكم

[طيرالأحزان]

الله يعينكن ويصبركن ويفرجها عليكن

[سرى القلب]

الله يشفي ابوج ويهدي امج المفروض ماتفرق من بينكم
اذا كنتي تدرسين شدي حيلج في الدراسه
والله يرزقج بولد الحلال الي يحبج ويدلعج ويوفقج في حياتج

[* ام خماس *]

الله المستعاان00 حبيبتي ماافي ام ماا تفكر في بناتهاا ^^

لكن هي مسويه قدر للمعرسه وهذاا شي عاادي فديتج

لان المعرسه تييكم مثل الضيف 00والضيف له قدرة

لكن ليش هالسلبيه بالتفكير !!!

انتي الحينه رااعية البيت 00دخلي فيه الفرح والسعااادة حبوبة

ايلسواا مع امج حااوريهاا صاادقيهااا تقربي منهااا 00تراهاا من المسؤليه الي عليهااا

ماا تقدر تجاابل البيت كله فديتج 00والله يشفيلكم الواالد

صدقيني لو كنتي بمحلهاا رااح تهملين نفسج 00وهي محتااجه لكم الحينه في هالضروف الصعبه

الله يسخركم لبعض ويطول بعمر واالديج يااارب

[علـآآآيه]

امج تحاتي المعرسات اكثر لنهن بعااد عنها ...~

تشتاقلهم .. تعرفين غياب الضنا صعب ...,

بس مب معناته ما تحبكم .. تشوفكم قدآمها .. ترتاح .. بس لو غبتوا عنها

بتلاقون نفس المعامله

ربي يخليكم لبعض

ويشفي ابوج
=]

[حزن قلبي]

الله يعينج اختي