حزينه و الله و مجروحه ادعوليييييييييييييييييي :( :(

**nashwa_r** · 2010-10-31, 17:48

السلام عليكم بنات
مشكلتي يا اخواتي اني مجروحه من زوجي و جرحي ما يندمل والله اني احاول بس مبجادره انسى والله مب جادره
بنات والله اني اموت كل يوم ميت مره والنتيجه اني خلاص كل يوم صار اسوأ عن اول

بنات انا بيني و بين زوجي حب تخيلت انه اكبر من اي ظروف واقوى من اي مشاكل بس اتضحلي انه هذا كله خيال واوهام

من اول يوم تزوجت وهو حاب يسيطر علي في كل شي الاكل و الشرب والثياب
تخيلوا من اول يوم زواج جالي تره لتخلين احد يينا اول يوم في الصباحيه واحنا متعودين ان الام و الاب ييون يباركون للبنت المهم جلتله مايصير ماجدر اجولهم جي وشوفوا اللي صار حوالي 15 فرد من اسرته الكريمه زارونا الساعه 7 صباحا بحجة انهم مسافرين يعني خلاص سافروا سلمتو و باركتو امس شو سبب الزياره وكل طقم الكريستال استعملته للضيافه واغسل صحون من اول 24 ساعه زواج!!!

ثاني موقف يوم يو اهلنا يباركون لنا عالزواج عجب شهر العسل الا وماحد يدش غرفة النوم ممنووووع وصارت سالفه وبعد كم يوم نزلت اداوم ومين دش غرفة نومي بعلمه بدون ما يخبرني ... اخوووووه والله اني كنت تاركه ثيابي الخاصه مكشوفه والمهم لما لمته سواها سالفه وجالي هذا اخوي وانا اثق فيه!!!!

ثالث موقف وانا حامل بابني الاول كان الوحام عندي رهيب لدرجه ان وزني نقص 15 كيلو و تميت في المستشفى اكثر من شهرين في الاخير امه تتصل على امي تخبرها ان ابنها عريس و ما لحج يفرح بزواجه واني لازم ارد البيت!!!!!! وهو يتصل فيني شو يجولي ترى انا من الفراخ صرت اسوي شات مع بنات تخيلو!!!

رابع موقف في العقيقه مالت الولد حريم من اهلي و صديقات امي يو عشان يساعدون في تحضير الاكل وتمو عندنا طول اليوم نخيلو شو صار عجب ما خلصت العقيقه ودخلوا الحريم يبدلون ثيابهم اكيد في غرفة النوم وهو كان يوصل امي و ابوي جال لامي احنا نب اتفقنا انه محد يدش غرفة النوم!!! والله اني اتفشلتتت من امي يعني بعد هالتعب كله جي يسوي؟؟

المهم لما صرت اشتغل براتب اكبر و طبعا كنت تركت وظيفتي فترة الحمل صار ما يحب ولا يعرض انه يصرف علي وفي موضوع عن هالموقف بالتفصيل .

صارت بينا مشاكل ماديه كبيره وهو مايبخل على اهله باي شي هدايا سفر اي شي يبغونه ييبه لهم وانا والله مالي حظ في اي شي

المهم بنات حملت في بنتي الثانيه و فترة حملي كان كلها مشاكل مب طبيعيه وصار لي نفس ماصار في حملي الاول من اعراض وحام رهيبه وهو والله ماحس فيني ولا في وجعي

كل هذا وانا صابره ومحتسبه الا ان جاء اليوم اللي اكتشفت انه متزوج علي فالسر هذا طبعا بعد ولاده بنتي بعشرة ايام والله اراد انه مب بس ينكشف لا ينفضح بعد هو وزوجته "المصونه" يتبادلون ابشع الالفاظ وكل حجييهم عن اشياء مب لائقه وحصلت هذا بالصدفه البحته على اللابتوب ماله وبلاوي بلاوي والله اني مقهوره و طبعا اللابتوب و الموبايل عليهم باسورد بس اردنا وراد الله انه ينكشف

طبعا بعد ما عرفت طلبت الطلاق لاني وايد اكره الخيانه وكنت طالبه من بوي انه يكتب في عقد الزواج انه ما يتزوج علي لاني من النوع اللي مايتحمل هالشي حتى لو كان شرع الله

المهم طردته من البيت وطلبت الطلاق وانا احس اني في كابوس ما يخلص ابد وتم يحاول يحاول كان يرد البيت عشان يجوف بنته ويصيح ويبكي من الندم بس والله بعد فوات الاوان

وتمينا على هذا الحال شهرين يحاول ويحاول وطبعا اهلي كانو في صفي حتى اخر وقت

المهم اتصالحنا وصار متغير الا حد ما و يحاول يرضيني بس انا مب ججادره انسى مب جادره

كل ما اتذكر انه كان في حضن وحده ثانيه وهجرني بالاشهر
كل مااتذكر ان هالزوجه المصون تشرب خمر و تلبس جصير و انا كل اللي البسه مهما كان محترم ما يعجبه
كل ما اتذكر انه كان توه راد من الحج لما سار و تزوج هال... ما اجدر اسامحه
كل ما اتذكر انه كان يبيني اسير اهلي عشان يخلى له الجو
كل ما اتذكر انه كان يلومني انا ما صحيته يصلي الفجر
كل ما اتذكر انه كل شي فيني مب عاجبه

مبجادره اني انسى واتعامل معاه عادي مواقف كثير صارت ماعرف كيف انساها

المشكله اني الحين كل ما يطلب مني شي يدور هالسيناريو براسي يعني اذا جالي لا لاتلبسين جي اجول والله كنت تسير معاها عاريه بالمايوه عيل انا ليش ما البس اللي ابيه

اذا كنا مع بعض والسموحه منكم ما اجدر اكون معاه لان راسي في وادي ثاني يعني ياتره كيف كانت في الفراش هل هو يفتقدها هل انا احسن عنها هالاشياء تدووور وما تتنتهي

اذا طلعنا وجالي كلام رومنسي ما اجدر اصدج والله احس انه يكذب حتى ان كان صادق

المصيبه انه دايما يطلعني ماديه ومتكبره وانا والله والكل يشهدلي باني مب جي

بنات ابي اعرف كيف انسى اللي حصل والله صعبه علي خاصة اني احس ان الناس بتتهمني بالتقصير وانا ما قصرت معاه هو اللي اناااااااااااااني بصوره ماكنت اتخيلها

جدام كل الناس حاسه باني صرت اقل كرامتي توجعني و الله حاسه باني اقل من ربيعاتي اللي مستقرين مع العلم ان زوجي اكدلي ان كل ربيعاتي ازواجهم يخونونهم

والله مب شماته ولا عشان الرووس تتساوى بس والله اني بموت كل يوم دلوني كيف تنجو بنفسي من هالوساوس اللي بتخرب علي لدرجه اني افكر بالانفصال جديا

اسفه عالاطاله و جزاكم الله خيرا

نسيت اذكر اني الحين رديتله بنات بس هالاحاسيس هي اللي تغلبني وهو طبعا طلج الثانيه لانها ابدا ما تناسبه وان يكون متزوجها حدام هله

المزيد من آخر المواضيع من نفس القسم:

*** ام خماس *** · 2010-10-31, 18:02

الله المستعاان00حبيبتي فيه بعض الريايل مااا يحسون

بالنعمة الي بين يديهم 00ومااا يقدرون حريمهم الا اذا طااحواا بحريم يورونهم الويل !!

محد يقدر يلومج ولا حد يقدر يقدر درجة صبرج ع حاالتج غييرج حبوبة 0

الكل بيقول اصبري لكن هذاا يعتمد ع قوة صبرج ^^

واستعيني بالاستغفاار واللصلاااة فديتج والله كريم

الله ايسر امورج ويسخره لدينه ولج يااارب 0

**miss.88** · 2010-10-31, 18:05

حبيبتي اذا هو يبي يرد لج ....

عطيهـ شروطج وقوليله طلقها ,, وابي المعاملهـ الحسنه والطيبه منك..

وانتي تقولين ان في الفاظ يقولها لزوجتهـ الثانيهـ ,,, انا طبعا ما اعرف شو هالالفاظ .. بس يقولون مافي شي حرام بين الزوجين ولو كانت رمسه تتعلق فيه وفيها ترى عادي ودام هو يحب هالرمسهـ لازم انتي تعطينهـ اياها

حاولي تعرفين هو ليش تركج وسار وخذ وحده ثانيهـ ؟؟؟

في حريم عبالهم ان الوحده لو اهتمت بنظافت بيته وعياله واكله هذا كافي ..

ترا الريال كتله من المشاعر كل ما عطيتيهـ اللي يبغيه ولبيتي مشاعره العاطفيه مال صوبج اكثر ..

ردي بيتج وعيشي وياه كم شهر وكل واحد يغير اسلوبهـ والله يوفقكم ان شاء الله

**nashwa_r** · 2010-10-31, 18:11

المشاركة الأصلية كتبت بواسطة * ام خماس *

الله المستعاان00حبيبتي فيه بعض الريايل مااا يحسون

بالنعمة الي بين يديهم 00ومااا يقدرون حريمهم الا اذا طااحواا بحريم يورونهم الويل !!

محد يقدر يلومج ولا حد يقدر يقدر درجة صبرج ع حاالتج غييرج حبوبة 0

الكل بيقول اصبري لكن هذاا يعتمد ع قوة صبرج ^^

واستعيني بالاستغفاار واللصلاااة فديتج والله كريم

الله ايسر امورج ويسخره لدينه ولج يااارب 0

الله يباركلج ام خماس والله حبيتج بدون ما اشوفج الغاليه

**nashwa_r** · 2010-10-31, 18:15

المشاركة الأصلية كتبت بواسطة miss.88

حبيبتي اذا هو يبي يرد لج ....

عطيهـ شروطج وقوليله طلقها ,, وابي المعاملهـ الحسنه والطيبه منك..

وانتي تقولين ان في الفاظ يقولها لزوجتهـ الثانيهـ ,,, انا طبعا ما اعرف شو هالالفاظ .. بس يقولون مافي شي حرام بين الزوجين ولو كانت رمسه تتعلق فيه وفيها ترى عادي ودام هو يحب هالرمسهـ لازم انتي تعطينهـ اياها

حاولي تعرفين هو ليش تركج وسار وخذ وحده ثانيهـ ؟؟؟

في حريم عبالهم ان الوحده لو اهتمت بنظافت بيته وعياله واكله هذا كافي ..

ترا الريال كتله من المشاعر كل ما عطيتيهـ اللي يبغيه ولبيتي مشاعره العاطفيه مال صوبج اكثر ..

ردي بيتج وعيشي وياه كم شهر وكل واحد يغير اسلوبهـ والله يوفقكم ان شاء الله

حبيبتي انا ممكن ارمس في هالاشياء بس باسلوب راقي مب مثل اسلوبها ما اجدر ابدا
كل رمسهم ويا بعض سباب وكلام غريب ما استوعبن الموقف

ويالغاليه انا حطيت شروطي وهو لباها وطلجها طبعا و رديتله بس مشكلتي حاسه اني ما اعرفه انه انسان غريب عني

الله المستعان

**اخت بوحميد** · 2010-10-31, 18:15

الله المستعان

الغلاا
اهم شي بناتج اغلا
والريايل كلهم جي والله

تبيينه يموت من القهر سوي له طاااااااااااااااااااااااف
والله ليموت قهررررررررررررررررر

**سوارة** · 2010-10-31, 18:21

الله ييسر لج

**nashwa_r** · 2010-10-31, 18:22

المشاركة الأصلية كتبت بواسطة اخت بوحميد

الله المستعان

الغلاا
اهم شي بناتج اغلا
والريايل كلهم جي والله

تبيينه يموت من القهر سوي له طاااااااااااااااااااااااف
والله ليموت قهررررررررررررررررر

عطيني افكار
اريد اقهره واخليه يحس بقيمتي
بعد انصحيني اشلون استرد ثقتي بنفسي

**without heart** · 2010-10-31, 18:45

مـآلج غيـر الصبـرَ / عسب تشوفيـن إذا فعلآ هو صآدق أو لأ

والله يسعدج ويخلي لـج الولد والبنوتــه

**أم غزلان** · 2010-10-31, 19:02

هلا اختي

صدق الله يكون في عونج بس نصيحه سويله طااااف خلي اهتمامج بعيالج ونفسج دلعي نفسج اطلعي روحي الصالون تعدلي روحي بيت اهلج باتي كم يوم غيري جو وانسي وجوده لين مايحس من نفسه ويرجع وانتي حاولي تنسين غلطته ادري مب سهله بس تذكري انج ربحتي لانه ردلج وطلق هايييج انتي ام العيال مهما كان ..

والله يكون في عونج

**بدر البدو** · 2010-10-31, 19:09

الله يهديه لج وييسر اموركم يااااااااااااارب

**أمـ مـهـير ..** · 2010-10-31, 19:53

الله يصبر يالغاليه ..

**ام مـ2003ـايد** · 2010-10-31, 20:08

حبيبتي وليش الناس تحب تلوم الحرمه دوووم وتنسى ان الريال شريك لها ويمكن هو اللي مقصر

يعني العيب منه مب منها بس جيه مجتمعاتنا ونظرتها للمرأه

ونتي فديتج انسانه اكبر بكثير من انها تتأثر بشخصيه مثل هالزوج

ادري جرحج كبيييييييييييير وصعب ع الوحده تتحمل خيانة زوجها

بس خلاص عشان عيالج تحملي ولو تمثيل وبينج وبينه خلج طبيعيه

خليه بييه يوم صدقيني يبوس الارض اللي تمشين عليها

فديتج والله دعيتلج ربي يثبت قلبج ويصبرج

**راعية مواجيب** · 2010-10-31, 20:13

الله يسر لج امرج ويعينج ويعينا احنا بعد

**الله يحفظهم** · 2010-10-31, 20:28

حبيبتي
يلوم يلي يلومج
لكن حبيبتي ..الريال غلط ...وما في ريال ما يغلط ..لان محد في الدنيا ملاك في هذا الزمن ..لكل شخص زلات مهما كان
حاولي يا الغاليه تنسين ..او تتجاهلين
دوووم اذكر الله واكثري من الاستغفار ..فهي سبب النجاة
واذا عن ريلج ..حاولي تكونين جاده في بعض الامور ..
ولكن لا تكونين جافه معاه ..بالعكس حاولي تكونين انسانه ثانيه للاحسن
عسب يحس في نفسه ويندم على افعاله
إنه فعلا ما عرف قدرج وقيمتج ومعدنج الاصلي
ولكن كوني زوجه مثاليه ..ولكن بعيون مفتوحه
الله يوفقج ويسر امرج

الموضوع: حزينه و الله و مجروحه ادعوليييييييييييييييييي :( :(

أدوات الموضوع

عرض

حزينه و الله و مجروحه ادعوليييييييييييييييييي :( :(

المزيد من آخر المواضيع من نفس القسم:

المواضيع المتشابهه

يوووم ريت النفس مجروحه ييت بيت الله ابا الـراااحه ..

مهمومه ..حزينه..زعلانه..تعالي اقري هالكلمات وان شاء الله بترضين..!

مجروحه من الكل !!!

مهمومه ؟؟؟ حزينه ؟؟؟ مكروبه ؟؟ دشي هني الحل أدعية مستجابه بإذن الله

لكل مبتلية أو مهمومه أو حزينه....تفضلي بترتاحين إن شاء الله لما تقرين هالكلمات....