احترت معاها اخ ياقلبي

**deamn2005** · 2010-10-31, 16:31

شحالكن بنات الغالين بعيت اخبركم قصة ربيعتي وتريد مساعدتكم

البنت تقدمها شاب من اهلها ماكان شايفنه يوم هيه صغيرة فجاه شافها بالدوام وحبها وخبر امه تزورهم عشان تخطبها له عقب وافقت وماشاء الله عليه الريال دوم يزورهم بالبيت بس مشكلته الديون عشان جي ماخطبها والا ملج عليها لان ماعنده بيزات يعني ماصار شي رسمي لحد الحين يعني خطبة او ملجة الحين البنت محجوزة ومعلقة بس هي وايد تستحي منه اتشوفه في الدوام عادي بس لما ايي البيت ماتقدر تطلع اتسلم عليه وهو ايي البيت شكلة وايد يحبها ومتعلق فيها بس ماصار شي عشان تتشجع وتطلعلة السؤال هنا

شو الفايده تطلعله وتتعلق فيه اكثرر وماشي شي رسمي يعني يمكن يصير ويمكن لا
ثاني شي يمكن يملها ويعافا اذا قامت كل يوم تطلعله
ثالث شي بيقول هاي مب ثقيله والريال مايحب البنت اللي تفر عمرها عليه بحب الثقيله اللي صعب يوصللها

اريد مساعدتكن لها يزاكن الله خير شو اقولها

المزيد من آخر المواضيع من نفس القسم:

**اذكروا الله** · 2010-10-31, 16:33

الله يقضي ديونه ان شاء الله

**صغيره بس خطير** · 2010-10-31, 16:41

حبيبتي حرام تطلع له لانه مب محرم بغض النظر خطبها ولا لا

**سيكولوجست** · 2010-10-31, 16:44

الله يوفقها للخير لكن صدقتي لا تعلق نفسهاااااا بامل ماتعرف ربي شيدبر لهااا

الديووووون امرها صعب ولازم يكون متبع خطه يتخلص من ديونه باقرب وقت

عشان يتزوج البنيه اما انه يتم رايح جاااي والوضع مكانك لاتغيير

صعبه وبعد ممكن تضيع على نفسها وقت وربي يمكن يكتب لها واحد افضل منه

لازم تشاااور اهلها وتتفق وياهم هذي حياتها ومستقبلها موب امر بسيط

**دلع -_-** · 2010-10-31, 16:48

الله المستعان

**ساره111** · 2010-10-31, 16:49

لااله الا الله محمد رسول الله

**سوارة** · 2010-10-31, 16:50

اللهم ,,

إني أسألك نعمة دائمة ,,
تفيض بها خيراتك ,,

وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,

وأعوذ بك ,,,

من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,,

**deamn2005** · 2010-11-01, 09:00

uuuuuuuuuuup

**انثى بس غير** · 2010-11-01, 10:12

الله يوفقها

**ملح دبي** · 2010-11-01, 11:18

ما فهمت الصراحه !!! لا مخطوبه ولا مالجه و معلقه و ايي بيتهم يبا يشوفها !! و ما تبا تتعلق فيه عشان مديون ... صح جذيه ؟

انزين لا توافق عليه عيل إذا هي مب مقتنعه بوضعه ...

*** ام خماس *** · 2010-11-01, 11:32

لا اله الا الله00حبيبتي الاحسن انهاا ماا تطلعله

وبأي صفه تطلعله بالاصل َ!!!!!!!!

اذا صاار شي رسمي فلكل حاادثة حديث فديتج0

الله ايسر امورهاا ويرزقهاا الزوج الصاالح ياارب

**أم شعولة** · 2010-11-01, 11:57

اصلا حرام ايي بيتهم عشان يشوفها لانها بعدها ما فذمته و بعدين الناس بترمس عنهم بقولو هذا شعنده كل يوم مطيح فبيتهم ؟!!

و الله يساعده و يقضي ديونه ان شاء الله

**deamn2005** · 2010-11-01, 23:58

اوين امه حاجزتنها له بس يخلص ديونه علىطول بيي عندهم بس هي ماتريد تطلعله لان هو يبا يشوفها ومشتاقلها شو فلم هندي شو هالخبصة اوين يباها تسلم عليه ولو هو من اهلها مايصير صح

**علـآآآيه** · 2010-11-02, 00:25

الله يعينه ويخلص الديون اللي عليه

يسد انه يشوفها فالدوام .. مب لازم ايي البيت خخخ

ربي يوفقهم =]

**افناان** · 2010-11-02, 00:33

شكله ميت عليها
يا بختها
يشوفها بالدوام 8 ساعات و بعد مطيح عندهم بالبيت

الموضوع: احترت معاها اخ ياقلبي

أدوات الموضوع

عرض