.. عنــــــــــدي اي فـــــــــــــون اكـــــــثر من 7 شهـــــــور بس.......

**بيـــوتي** · 2010-10-22, 00:03

السلام عليكم ورحمة الله وبركاته..

شحالكن ؟؟

انا عندي اي فون بس والله مقهورة جني ماخذتنه زينه لا نت لا برامج لا العاب<<الله كريم ماشي خبره
ابا اشترك ف خدمة النت بس اختي قالتلي انهم يسحبون من رصيدها مع انها تدفع شهري
واليوم اتصلت ع 101 وتم يشرحلي عن الغيغا بس مافهمت

ابا اسئلكن ياهل الخبره ليش يسحبون ؟ وشو البرامج الحلوه ؟ وكيف انزلها ؟ والنغمات كيف اغيرها؟
وااااااااااااااااايد اشيا مب عارفتنها!!

وبالنسبة للاي فون اليديد صدق يخترب بسرعه يعني مب اوكيــــــــــــــه؟؟

المزيد من آخر المواضيع من نفس القسم:

**@أم عمر@** · 2010-10-22, 00:04

**عينـــاويـــه** · 2010-10-22, 00:56

مرحبا

عزيزتي اكيد تقصدين خدمة النت يعني الـ 3G

هي باختصار .. تشتركين في اي باقة اتناسبج من اتصالات .. وعندج مثال 1GB بـ99 درهم شهريا ..

لكن في حال انج عديتي الـlimit واللي هو اكثر عن 1GB بيبدأ اتصالات يحسب عليج كل 1MB = 1AED

يعني بتييج الفاتورة بآلاف الدراهم ..

ولتفادي هالشي .. ينصح بأنج اتراقبين الـusage في الجهاز بحيث انه اتشوفين كم استهلكتي من الـ1GB وكم باقلج ..

وعلى حسب احتياجج .. اذا كنتي وايد تستخدمين النت واتنزلين برامج واتسوين اب ديت واتحملين صور ومقاطع فيديو .. فهذا بيآخذ وايد من الـ1GB .. وممكن تتفادين بهالشي بأنج مثلاُ لو عندج Wireless فالبيت .. اشبكي الجهاز عالـwi-fi والمكان اللي مافيه وايرلس .. اشبكيه على الـ3G .. بحيث انج لو استخدمتي الوي فاي .. بتقللين من استهلاك الـ1GB المسموحه لج ..

واذا ما عندج wireless .. واستخدامج للانترنت كثير وبيغطي الـ1GB .. فعليج بالباقة اللي بعدها واللي هي 5GB بـ 299 درهم شهريا،، لكن ما اترومين اتسوين upgrade للـ1GB إلى 5GB إلا بعد سنة من تاريخ شراء للايفون واشتراكج بالخدمة،، ونفس الشي لازم تلتزمين بالـdata usage not more than 5GB

وهالبيانات اللي عطيتج اياها .. اتخص اتصالات فقط .. وما عندي فكرة عن دو ابداً .. بس اعرف شي واحد عن دو .. انه ارساله زفت الزفت وما انصحج فيه ابداً ..

اتمنى اتكونين فهمتي قصة الData Package

وبالنسبة للبرامج والألعاب وغير من هالسوالف .. لازم اتسوين account في الitunes وعن طريقه اتنزلين البرامج والالعاب من الـapp store في جهاز الايفون نفسه .. وفي برامج free وفي برامج ببيزات وانا اعتبرها رمزيه مب مكلفه ابداً .. وممكن انج تدفعينها عن طريق الفيزا او انج اتسوين Account أتحطين فيه مبلغ معين "ما عندي فكرة بالضبط عن كيف انج اتحطين مبلغ معين"

ومعلومة انج الجهاز يخترب بسرعه .. طبيعي أي جهاز اتسوين له شي ما يمشي عليه ويكسر جهاز حماية .. لازم بيخترب الجهاز .. والسبب الرئيسي هو الـjailbreak .. اللي يسوي جل بريك للجهاز معناته انه يكسر الحماية اللي موفرها apple في اجهزته .. وبالتالي يكون جهازج معرض لبرامج غير قانونيه وفايروسات ومشاكل انتي في غنى عنها .. ومحد يحلها اللي اللي عنده خبره في هالسوالف ..

ادري رمست وايد .. لكن حاولت افهمج لو شي بسيط من اللي عندي واتمنى يكون كلامي واضح .. واي استفسار نحن حاضرين ولو ما رديت عليج بالموضوع هذا .. راسليني في الخاص .. لأني وايد بزي وما ادخل المنتدى وايد .. لكن الرسايل الخاصة توصلني عالبريد والبريد انا اجيك عليه يوميا وباستمرار ..

والسلام ختام

**بيـــوتي** · 2010-10-22, 01:24

تسلمـــــــــــين فديتج ع المعلــومات ماقصرتي والله
يعني الحين الاحسن اني اشترك ب 5GB

بالنسبة للبرامج بعد ما اشترك بستفسر عنهـــا اكـــثر

**عينـــاويـــه** · 2010-10-22, 12:13

هلا عزيزتي

يو ولكم

بس سؤال انتي من وين مآخذه الجهاز ؟؟ مب من اتصالات او دو ؟؟ من وين ؟؟

لأنه اذا من اتصالات او دو الخدمة عندج شغاله ..

خبريني من وين مآخذتنه عشان اقولج شو اتسوين

**سكينة النفس** · 2010-10-22, 12:18

للرفـــــــــــع‘××

مع،، التحيــــــة،،

**بيـــوتي** · 2010-10-22, 18:49

لا فديتج مب من اتصالات ولا دو..

من محـــل التلفونات..

**عينـــاويـــه** · 2010-10-23, 00:00

اها أوكي، انزين شوفي حسب استخدامج خذي البكج اللي يناسبج

Good Luck

**سوارة** · 2010-10-23, 01:39

سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم

سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم

الموضوع: .. عنــــــــــدي اي فـــــــــــــون اكـــــــثر من 7 شهـــــــور بس.......

أدوات الموضوع

عرض

.. عنــــــــــدي اي فـــــــــــــون اكـــــــثر من 7 شهـــــــور بس.......

المزيد من آخر المواضيع من نفس القسم:

المواضيع المتشابهه

عنــــــــــدي ســــــــر خطييييييير... "للمتزوووجات طبعا"