شو رايكم بالقرار اللي اتخذتـــه ،،

**منايــر** · 2010-10-17, 15:48

السلام عليكم ورحمه الله وبركاته ،،،

من فتره ما دخلت المنتدى ،،، لظروف خارجه عن ارادتي ،،، المهم ولهت عليكم واااااايد ،،،

حريم ريلي دوامه في بوظبي ويرد نهاية الاسبوع ،،، والحين هو اجازه سنويه المهم ريلي ما في أطيب

منه ويحبني لدرجه الجنون أنا وولدي ومووووول ما يقصر علينا بس عنده مشكله عويصه يوم يعصب ما

يعرف حد ياربي اشكثر انقهر من اسلوبه ،،، لو شي بسيط بيشل الدنيا فوق حدر ويوم يهدى يرد ويعتذر

ويقول أنا طبعي جيه يوم بعصب لا تكلميني عشان ما أعصب عليج بس اليوم الظهرصدق قهرني من لخاطر

الموقف اللي صار جان اعصب على ولدي وقت الغدى لان ولدي ما رضا يتغدى وبما أن الولد دلوع ابوه

طبعا ريلي ما رضا لاني صارخت على ولدي قام وهزبني عشان صرخت على الولد والله ولدي وااااايد

مستوي دلوع كله من ابوه ولدي الحين عمره سنتين ونص المهم قالي اخر شي انا والله ما ارتاح كل يوم

اتعصبين اتعصبين بس خلاص انا يوم في بوظبي ارتاح اكثر اهني كله حارق اعصابي وياج ،،، جان اقوله

جي يعني عيل والله لاسير بيت اهلي دامك مب مرتاح وياي وبخلي لك البيت واتونس محد بيضايجك ودام أني

حلفت بسويها لأني كل مره اقوله بسير بيت اهلي وعقب اهون بس هالمره خلاااااص لازم أسويها عشان

يعدل أسلوبه وياي ،،، طبعا محد بيعرف لا اهلي ولا اهله انا متزاعلين لان هالشي ابا يكون بيني وبينه بس

يعني بفهم أهلي أني يايه عندهم لأن شي عمال في البيت وما أخذ راحتي وصدق ترى باجر بيون عمال البيت

شو راااااايكم بالموضوع ،،،

المزيد من آخر المواضيع من نفس القسم:

**فلونة** · 2010-10-17, 15:52

والله ما أعرف شو أقول لج

بس نصيحتي ما تطلعين من بيتج وتكبرين الموضوع

والريال يبا يحصل الدقة عشان يغلط

وعاد تودرينه يمكن يتحراج بتخبرين هلج عن السالفة فيتغدى بج قبل لا تتعشين به ويخبر هله

وبجيه بتكبر السالفة

بس لو انتي عارفة إنه ريلج ما يطلع الرمسة.. بتكونين متطمنة أكثر

كثري من الاستغفار هالوقت

ورمسيه إنج بتروحين بيت هلج عسبت الحلفة

بس لا تفرطين في ريلج

وعقب اختاري وقت مناسب وتناقشي معاه عن أمور ولدج

والله يديم المحبة بينكم يا رب

**كلي دلــع** · 2010-10-17, 15:55

انا اشوف مواجهة المشاكل احسن من التهرب منها و روحتج لبيت اهلج ما بتغير شيء
لازم تقعدين مع ريلج وتتفاهمين معاه ولا حاولي تغيرين من اسلوبج وتخففين من عصبيتج احسن

**منايــر** · 2010-10-17, 16:07

أختـــــي فلوووونه مشكوره الغلا بس أعرف ريلي ما بيخبر أهله اني زعلانه ،،، ومره ثانيه مشكوره حبيبتي

كلي دلع // أنا روحي ما أدري شو صاير بي كله اتنرفز بس أبد ما أعصب عليه ،،، مشكوره فديتج

**الجـــوريـــ** · 2010-10-17, 16:07

حبوووبه لا اتكبرين الموضووع .. يعني هو امخبرنج انه يوم يعصب ما يعرف حد .. خلاص لا اتعصبين فيه يووم بتشوفين انه بدا يعصب اسكتي عنه وخليه ..

توج تمدحينه فلا اتخلين اشياااء صغيره اتخرب عليج .

وبعدين عن دلع ولدج .. اختي هذا يااهل توه صغير شو دلوع وما دلووع !!!!!!!! خلي ابوه يدلعه مافيها شي ..
والله ما عرفنا لكن .. يااا يكفخ عيالكم ويظربونهم ظرب اليهد وما يعيبكم .. ويااا يكونون حنونين عليهم ويدلعونهم وما يعيبكم !!

احمدي ربج اختي غيرج .. ينظربن هن وعيالهن ومب امحصلين هالمحبه ..

.

**تسونامي** · 2010-10-17, 16:28

حبيبتي محد كامل في هلدنيا ......

هونيها وتهون وانتي امسكي اعصابج دام ريلج عندج

**قطوه متوحشه** · 2010-10-17, 16:41

انا يوم في بوظبي ارتاح اكثر اهني كله حارق اعصابي وياج

المفروض مايقولج هالكلام المفروض يكون مشتاق لج
طول الاسبوع هو بعيد ويوم يرجع يعصب ويقولج راحته في بعدج
والحين عطيتيه مجال يرتاح منج وانتي فبيت اهلج
عزيزتي عوديه مايرتاح الا في قربج

*** ام خماس *** · 2010-10-17, 16:47

الله المستعاان00حبيبتي لا تطلعين من بيتج زعلااانه

ايلسي مع ريلج وتفااهمواا00لااازم يعرف ان الدلع بيخرب الولد

لكن مب بضرااابه فديتج وزعل 00حبيبتي الرياال عصبي

وانتي تزيدينه وهذاا ابداا مب في صااالحج 00قاالهاا لج بصريح العبااره

لااازم تتفاهمين معااه حبوبة0

الله يسخركم لبعض ويسعدكم يااارب 0

**بنت الشوامس 2** · 2010-10-17, 16:47

ليتج بس لو ما حلفتي جااان يلستي البيت بس تحقرينه
ولا تسولفين ويااه لو قالج ليش ساكته قوليله احسن اسكت لانك هب مرتااح وياااي ولا تعصب

**أم يؤوؤسف** · 2010-10-17, 17:14

رمسيه ؤقؤليله اللي ف خاطرج ؤصيحي <<دمؤع تماسيح هههههههه

ؤخليه صج يعؤره قلبه عليج ؤعقب سيري بيت اهلج يؤم ؤحده ؤردي ؤالله عسب يحس فيج بس يؤم تردين قؤليله اشتقتلك ؤمارمت :$

هههه

**الكـــــاذي** · 2010-10-17, 17:21

لا تطلعين..

احمدي ربج.. ما شاء الله ع الأقل ريلج لما يهدى يستسمح منج ويعتذر

**دلووعتهم** · 2010-10-17, 17:32

اكيييييييييييييييييييييييييد بيطفر الريال من عصبيييييييييييييييتج
وبعدين السالفه ماترزى اتودرين بيتج واتسيرين بيت اهلج كل شى بتفاااااااااااهم

**منايــر** · 2010-10-17, 17:34

مشكورين حبيبااااااااتي ،،، أدر يأنا روحي ما أستغني عنه ،،، من ساعه كان ألف شيطان فوق راسي

بس اليوم بسير بيت اهلي وباجر بعد ما أرد من الدوام برد حق ريلي فديته ،،، الله لا يفرق من بينا أن شاء الله

والسموحه للي يطرشون لي رسايل على الخااااص ريلي بسم الله عليه لا حد مسوي له عمل ولا سحر ( الله يحفظه لي يارب )

**أم يؤوؤسف** · 2010-10-17, 17:48

زين ماسؤيتي ؤالله يؤفقج

**أم حوور** · 2010-10-17, 17:50

الله يصلح مابينكم

الموضوع: شو رايكم بالقرار اللي اتخذتـــه ،،

أدوات الموضوع

عرض

شو رايكم بالقرار اللي اتخذتـــه ،،

المزيد من آخر المواضيع من نفس القسم:

المواضيع المتشابهه

شو رايكم في الخدامة اللي عمرها كبير ؟؟ محتاجة رايكم

بـنات الشارقه شو رايكم بأسواق(بوهيـــل) للعبـي اللي ببناية الحبتور اللي بشــــــارقه؟

قررت أطلق وأنا مقتنعة بالقرار

شو نسوي بالقرار