ريلي طلع متزوج قبل لا ياخذني!

**ms_whatever** · 2010-10-17, 07:03

السلام عليكم ورحمة الله وبركاته
خواتي بغيت مشورتكن في مشكلتي ويا ريلي .. اتزوجت واحد كانت حياتي وياه حلوة في ايام الملجة لاني مب وياه 24 ساعه بس عقب العرس تغير قام يعاملني بالضرب ولا اييني الشقة واتم فالشقه بالساعات واييني اخر الليل وكل حياتنا مشاكل وهموم الى ان اكتشفت ان متزوج قبل لا ياخذني ب 6 سنين وعنده ولد انصدمت منه بشكل ما تتخيلونه .. والصدمة الكبرى ان حرمته ساكنه في بيت اهل ريلي وان الكل مشترك فاللعبه ومخبين عليه الحقيقه.. امه وابوه واخوانه وخواته كلهم لاعبين عليه لعبه الخداع حسبي الله ونعم الوكيل عليهم وانا من عرفت كل حياتنا مشاكل وهموم وصارت ماتنطاق .. رجل لا يتحمل مسئولية بيته ولا حرمته يخليني بروحي فالشقه ولا يخاف عليه ولا يصرف عليه .. انا الحينه حامل بس ماعدت احبه ولا اطيقه لاني اكتشفت خيانات ثانيه في تلفونه .. ورايحه المحكمه ارفع عليه دعوى طلاق للضرر.. وفي وايد امور صارت من بيني وبينه ماتشجعني اني اكمل اعيش معاه..

مشورتكم حبيباتي وخواتي ..

المزيد من آخر المواضيع من نفس القسم:

**سوارة** · 2010-10-17, 07:05

كيف تاخذين واحد بدون ما تسالين عنه؟اقل شي في المحكمه ترى ينعرف انه معرس قبل؟
الله يهديكم
الحينه خلاص عرستي لازم تفكرين مليون مره قبل الطلاق

**ms_whatever** · 2010-10-17, 07:10

هلا اختي مشكورة على ردج الطيب
احنا سألنا عنه بس محد يعرف عن زواجه الأولي واللي يقهر ان كاتب في عقد زواجي انه حالته الاجتماعيه اعزب كيف بشك فيه !

**عۄۑڈ ٱڵبٱڼ** · 2010-10-17, 07:15

الله يعينج فديتج داامه يضربج ويعاملج هالمعاملة ومن اولها خداااع

لا تخلينه يهين كرامتج أكثر من جذيه الله يهديه

والله يقويج وينصرج ويكون عندج يارب

**أم اشجان** · 2010-10-17, 07:15

روحي اشتكي عليه دام وصل للضرب وانه يخليج بروحج وغير هذا انهم قاصين عليج وع القانون وكاتب انه عازب ..
لا ابوي راحتج وراحت الي في بطنج اهم .. صلي استخاره وجوفي الانسب لج .. بس توصل للضرب وانه يخليه بروحج لا ابوي خليه يولي وجوفي حياتج

*** ام خماس *** · 2010-10-17, 07:22

الله المستعاان00حبيبتي استخيري قبل مااا تااخذين

اي خطوة فديتج00لان الطلاااق مب هين وهذاا قراار مصيري 0

وأنتي ادرى بقوة تحملج ع هالعيشه 00فكري واستخيري مرة وعشر

وقبل كل هذاا يلسي مع ريلج وتفااهمي معااه بالهدااوه بعيد عن العصبيه

وعليج بالاستغفاار بنيه تغيير حااله ان شااء الله 00عل وعسى الله

يهديه ع يديج وان شااء الله يكتبلج الي فيه الخير يااارب0

**قطوه متوحشه** · 2010-10-17, 07:30

اشتري راحتج وارتاحي

**ms_whatever** · 2010-10-17, 07:36

مشكورات حبيباتي على ردودكن المشكله عقب ماعرفت سالفت زواجه حلف على القرآن ان مطلقها من زمان واخر مره سافر وياها تركيا هي والولد بروحهم كيف اصدق واحد يحلف بربه ويحط ايده عالقرآن جذب .. وحرمته من عرفت اني عرفت سالفت زواجها بريلي قامت تتصل وتلعوزني .. وخذت رقمي من تلفونه ووايد ارقام غريبه قامت اتيني ماحط في ذمتي يمكن هي مطرشه هالناس عليه ..

**نجمة الفجر** · 2010-10-17, 07:43

الله يعينج,,, هب من حقهم بكذبون عليكم هذا زواج المفروض يخبرونكم بزواجه الأولي..!!

خلاص الحين اللي صار صار بس الحين أنتي فكري عدل قبل ما تسوين أي خطوه ..

يعني الطلاق هب هين ... اذا حسيت أنج تقدرين تغيرينه بكون أفضل لج واللي في بطنج..؟

أنتي شوفي كيف معامله حرمته الأوليه نفس الشي والأ تختلف عنج..؟

واذا شفتي عمرج ما تقدرين ع هالعيشه وأنه ماراح يتغير من حقج تطلبين الطلاق

شوفي حسب أستطاعتج.... والله يهدي ريلج.

**زنجبيله** · 2010-10-17, 07:53

الغالية استعينى ب الله وكثرى من الاستغفار

**سيده المزاج** · 2010-10-17, 08:12

الله يعينج ويفرج كربتك

**راعية مواجيب** · 2010-10-17, 08:21

صدقج يا امي حسبي الله ونعم الوكيل
مادامه هالشكل ما حد يقدر يلومج شوفي الي يريحج وسويه بس شو بالنسبة للطفل الله يعينج ويهون عليج يا رب شو بنات الناس لعبة

**سكره الامارات** · 2010-10-17, 08:24

خبري حد من اهلج و يروح لهم نفس الحكم

و يشوف موضوع الحرمه و شعنه غشوج

خلاف
لو ماشي فايده استخيري قبل الطلاااااااااااق !
والله يسهل عليج

**ms_whatever** · 2010-10-17, 08:25

المشاركة الأصلية كتبت بواسطة راعية مواجيب

صدقج يا امي حسبي الله ونعم الوكيل
مادامه هالشكل ما حد يقدر يلومج شوفي الي يريحج وسويه بس شو بالنسبة للطفل الله يعينج ويهون عليج يا رب شو بنات الناس لعبة

مشكورة اختي على ردج الطيب
انا فكرت وايد في اللي فبطني وقلت دام ابوه مخادع وفيه صفات ثانيه شو فايدته في حياتنا بالعكس بيضر ولدي وبيتأثر بتربيه ابوه الشينة .. احسن يتربى بين هلي الطيبين ..

**ام_ابراهيم** · 2010-10-17, 08:25

احس انه متزوج ما تندس ليش ما سالوتا عنه ؟؟؟

كنتوا بتعرفووووووووووووووووون
عالعموم انا معاج في قرارج .. و لا تضيعين وقت .. دام ها جي معاملته معاج
ربي يستر عليج

الموضوع: ريلي طلع متزوج قبل لا ياخذني!

أدوات الموضوع

عرض

ريلي طلع متزوج قبل لا ياخذني!

المزيد من آخر المواضيع من نفس القسم:

المواضيع المتشابهه

تكملة موضوعي انه ريلي متزوج وعنده ولدين

كيف اعرف اذا ريلي متزوج ولا لا؟؟

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

دريول ياخذني الشارجة باجر

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش