بنات نصحو ربيعتي لاني تعبت وقلبي يعورني على حالتها :(

**شقى دنيا** · 2010-10-14, 08:58

بنات هذي مشكلة صديقتي .. وادري انها سوت شي كبير والله يغفر لها ويهديها .. بس عطوني حل لاني تعبت من مشكلتها واحاول انصحها بس ماتقدر .. فتره وترجع ريما لعادتها القديمه ..

بدش ف موضوعها ..

بنات هي تحب واحد اكبر عنها ب 10 سنين .. وكملت سنتين معاه ويحبون بعض ولا يقدر يفارقها ابد .. حاول يتقدم لها لكن النصيب والمجتمع وكل شي وقف ضدهم .. وماتمت الخطبه حتى .. وايد تضايقو هم الاثنين ..
وهي تمت تحن عليه يتزوج وخلاص دام مالهم نصيب ..
وشاور اهله وخطبو له وحده اكبر عنها ..
ومن خبرها انه خطب وخلاص بيملج ..
قطعت علاقتها فيه وهي بتمووت فيه وعاشت ف حاله نفسيه وتعبت واااااايد والله بس قالت ربي بيعوضني بالاحسن والله يهنيه ويسعده ..

بعد شهر من زواجه .. رجع لها !!!
كيف وليش .. ماعرف بس خبرتني انه علاقتهم استمرت كانه ما متزوج .. تخيلن يروح الدوام وكله يكلمها حتى تقول ماعمري سمعت تلفونه يرن الا مره وقال البيت يتصلون ودقيقه سكر عني ورد اتصل ودوم يسهر معاها فالدوام .. ولازم هي ترقده لانها معودته تغنيله قبل لا يرقد .. تخيلن يقولها انا ما ارتاح الا معاج .. للحين اباج .. وهي مستحيل توافق عليه لانه متزوج خلاص .. وتقول مابي اخرب حياته .. كل يومين يتضاربون عشان تودره ويرد لها .. تعرفون البنت خاصه لو كان اول ريال واول حب صعب تتركه .. وتقدمو لها وايد عقب ما تزوج وكله ترفضهم لانه تقول ما قدر انا على طول اقارنهم فيه ..

بنات حالتها صعبه .. والله امس متصله تصيح وتقولي ..: اريد اتركه عشانها .. هوحلالها هي مو حلالي .. هو نصيبها .. هي ليش مقصره معاه .. انا اعرف شو يحب وشو يبا .. بس انا ماقدر اتواصل ويا حرمته بصفتي منو اقولها سويله جذي وجذي .. هي للحين ماتعرف شو يبا .. روحه يقولي محد يدلعني غيرج حتى حرمتي ما تدلعني شراتج ..

بنات هي تبي دعواتكم .. انه الله يهديه ويهديها ويتركون بعض .. هي غلطت وحاولت تصلح الغلطه بالزواج لكنهم مش لبعض .. والحين مب قادر يتركها ولا تتركه .. هي تحبه وهوو بعد .. ومستحيل ايي يتقدم لها بعد لعدة اسباب خاصه فيهم .. واهلها اول ناس راح يرفضون خاصه انه تزوج الحين ..

وتنصح كل متزوجه : احتوي ريلج حسسيه انه ياهل .. وخلج دوم صغيره بعيونه بتصرفاتج ودلعج . . الريال لو كبر فالعمر بعده محتاج لوحده تحبه وتدلعه وتحن عليه ..

وهي متابعه الموضوع وياي ..

المزيد من آخر المواضيع من نفس القسم:

**الآسطورهـ** · 2010-10-14, 09:01

الله يهدي اليميع ان شاء الله

*** ام خماس *** · 2010-10-14, 09:06

الله المستعاان00عزيزتي يوم انهاا تعرف ان هالشي خطأ

شو حاادنهاا عليه وترتكب معصيه وتغضب رب العاالمين !!!!!

الحل بيدهااا وكل الي قلتيه اسباااب تخليهاا تودره 00حبوبة تحط نفسهااا

محل حرمته وتشوف شو شعورهااا 00واذا الرياال يلعب فهذاا مب ذنب حرمته ابدااا

أو انهااا مقصرة معااه لكن هو تعود ع اللعب والله المستعاان 0

الله يستر عليهااا ويهديهاااا ويرزقهاا الزوج الصاالح ياارب

**شيخه بمعانيها** · 2010-10-14, 09:08

خل تحط ف بآلهآ ( كما تدين تدان ) ..اكيد هي مابترضى تكون مكان حرمته وتكتشف انه ريلها يكلم غيرها !!

والله يهدي اليميع ان شاء الله

**أم خالد الحلو** · 2010-10-14, 09:09

شوفي حبيبتي

كل بدايته غلط .. فنهايته بتكون غلط

خلي تتقي الله .. وكل اللي سويه ترضى ما يرضى رب العالمين

اذا فعلاً تبي تترك الريال .. ففي وايد أساليب تقدر تسويها

أول شي: تغير رقم تلفونها
تستغفر الله وتتوب وتفتح صفحه يديدة في حياتها مع ربها وأهلها اللي عطوها الثقة

تدعي الله يرزقها بالزوج الصالح

**شذى الروح** · 2010-10-14, 09:09

احسن لها تعرس اذا خطبه واحد واخلاقه زينه,,
ومستحيل نقول ياخذها بسبب ضروفهم ,,ليش يعيشون فوهم ويتعبون انفسهم,,
ولازم تقطع علااقتها فيه لانها علااقه محرمه هي تدري بهالشي,,

**وردتبسم** · 2010-10-14, 09:12

الله يهدي اليميع ان شاء الله

**غلا بن شامس** · 2010-10-14, 09:21

لا تنتظر من الغير يعطونها حلول
لازم هي تقرر من ذاتها
هي ضميرها حي بدليل أنها تتعب وتخليه بس فيه شي يخليها ترجع
قوليلها هذا الشيطان يزين لج هالعلاقه
خليها تقرر وتبعد عنه وتغير رقمها وقبل لا تغيره تحط له حد عسب لا يدور عليها ويفكر فيها شي
يعني خليها تقوله راح تتركه وبأنها راح تتزوج

والله يهديهم

**النقبية80** · 2010-10-14, 09:26

بكل سهوله تصده والايام كفيله راح تنسيها كل شي

**العوف** · 2010-10-14, 09:38

ربي يهديه اليميع

**اناناسة** · 2010-10-14, 10:37

هي تقول مستحيل ترضى فيه لانه متزوج

انزين و يوم هو ولد ما صار نصيب كيف بيصير الحين ؟؟

هي الوحيدة اللي خسرانه انا ما بلومها لانها ندمت و الانسان ما يقدر يتحكم بقلبه

و ما بقول انه سهل و ما بتتعب

و لكن

انها تتم معاه و هو ما يقدرون يتزوجون و يتمون متعلقين ببعض من دون مستقبل

لدرجه انها تسهر معاه و تغنيله لين ما ينام و من هالسوالف الحب

لا طبعا ما يصير و هو متزوج

هي المفروض تتزوج ان جاها واحد مناسب و بالتوفيج

**sweet_jojo** · 2010-10-14, 10:46

أستغفر الله العظيم من كل ذنب عظيم
تتحمل اللي ياها وتبتعد عنه احسن لها وله
ولحرمته المسكينه

**شقى دنيا** · 2010-10-14, 11:05

هي تحاول تقطعه وتتركه لفتره ويرجعون لبعض مره ثانيه ..
الله يهديهم .. وربي يرزقها الي احسن .. والله روحها مب راضيه بهالشي .. حتى تقول مابرضى اكون الحرمه الثانيه .. الاولى مالها ذنب هو الي خطبها وماحاول ياقلم عمره وياها .. وخلاص راح تتركه الحين .. بس ادعوولها الله يثبتها على هالشي وتتركه للابد

**Hno0odah** · 2010-10-14, 11:12

الله يهديهم يارب
دامها ما تبا اتخرب حياته
اتغير رقمها وتنهي كل شيء من بينهم

والله يكون بعونها

**أم موزانة** · 2010-10-14, 11:36

يوم انها تعرف ان هالشي غلط ليش مستمره فيه ،، خلها تتخيل انه هالريال زوجها ويكلم بنت غيرها بترضا أكيد لا ،، خليها تستغفر وتتوب لربها وتتركه .. الله يهديهم ^^

الموضوع: بنات نصحو ربيعتي لاني تعبت وقلبي يعورني على حالتها :(

أدوات الموضوع

عرض

بنات نصحو ربيعتي لاني تعبت وقلبي يعورني على حالتها :(

المزيد من آخر المواضيع من نفس القسم:

المواضيع المتشابهه

انا حزينة وقلبي يعورني اعز صديقة لي

مقهووورة من ريلي قهر وقلبي يعورني ،،

هي مريضة..وقلبي يعورني عليهااا..