لكل تاجرة تحس انه الزبونات ابتعدوا عنها ادش موضوعي

**alo0oya** · 2010-09-23, 18:27

السلام عليكم والرحمة

اشحالكم بنااااات..؟؟؟

لكل تاجره تحس انه زبونات ابتعدوا عنها حياها في موضوعي

لكل تاجره ماتحدد موعد الاستلام وتخليه مفتوح..؟؟؟

تتوقعي الزبونه بتيلس تتنظر ؟؟؟

لاني انا مستغربة من كذا تاجره اطلب منهم ومايحددون لي موعد الاستلام ويكون مفتوح يعني عادي لو يتأخرون بالاسابيع مب مشكلة انا بنتظر بس غيري مابنتظر وبدور البضاعة من مكان غير وبجي لاتزعل التاجر

واذا صار ضرف تخبر الزبونه....حتى ماظن فيها الظن سوء

يعني احيانا ماعرف اذا هاي التاجره بتيب لي الغرض ولا..!!

وهيه ورتبو شغلكم من ناحية كتابة اسم زبونة وطلبها بنوته او بملاحظة بالكمبوتر ...لاني احيانا اسأل عن طلبي تكون تاجره ماتعرف منو انا وشو طالبة

لاتزعلون مني ياتاجرات انا كاتبة هالموضوع حتى انبهكم ع هالنقطة..حتى تتوسع تجارتكم ومايحصل سوء فهم بينكم وبين الزبونه ..

الله يوفقكم في تجارتكم ^^

المزيد من آخر المواضيع من نفس القسم:

**نعيمية دلع** · 2010-09-23, 18:34

ما قصرتي غناتي

**vision HD** · 2010-09-23, 19:32

صح كلامج!

انا أفضل بعد لو التاجرة ترسل رسالة في المنتدى أو في مسج
تقول للزبونة انها طرشت الأغراض!! عسب 1) تكون الزبونة مستعدة وموجودة في بيتها مثلا ما تكون طالعة ولا شي
2) تكون مجهزة بيزاتها ... انا احاتي هالشيء لاني دايما اتعامل بالبطاقة يعني اتشرى منها ومرات ما يكون عندي كاش

وشي ثاني أنه نحن نرسل للتاجرة عنواننا بالضبط، ومرات بعض التاجرات يعطون ارقامنا للمندوبين
ويتصلون علينا وين مكانكم ، ويوم نعلمهم ما يدلووونه!!! هني انا اتلعوز ويا المندوب!
ومرات يتصل علي من عجمان مثلا والمندوب مب عارف اني في أبوظبي!!! ويستغرب بعد ما اقوله ويصكر عني ويعيد حساباته وعقب يومين اييني !!

يعني باختصار أنا افضل التاجرة تعطيه العنوان مع البضاعة وخلاص!
يعني تنبه في الموضوع لااااااااااااااااازم البيانات كاااملة ، انزين شو الفايدة وانتي ما استخدمتيها =((

طبعا موب كل التاجرات بعضهم فاهمات في النظام والترتيب ، بس البعض الله يهديهم
وانا توني كنت أفكر أقول لازم يحطون موضوع لنقاشات الزبونات

انا موب زعلانة من اي تاجرة بالعكس !!
اشجع الاماراتيات النشيطات .. بس حبيت انبهكم لانه متعب نفسيا لنا، خاصة اللي عندهم شغل ودراسة !

**مناكير فوشية** · 2010-09-23, 19:36

يعطيج العافية
كلامج في محلة ^^

**alo0oya** · 2010-09-23, 21:59

المشاركة الأصلية كتبت بواسطة نعيمية دلع

ما قصرتي غناتي

المشاركة الأصلية كتبت بواسطة مناكير فوشية

يعطيج العافية
كلامج في محلة ^^

تسلمو ع المرور

up

**alo0oya** · 2010-09-23, 22:07

المشاركة الأصلية كتبت بواسطة vision HD

صح كلامج!

انا أفضل بعد لو التاجرة ترسل رسالة في المنتدى أو في مسج
تقول للزبونة انها طرشت الأغراض!! عسب 1) تكون الزبونة مستعدة وموجودة في بيتها مثلا ما تكون طالعة ولا شي
2) تكون مجهزة بيزاتها ... انا احاتي هالشيء لاني دايما اتعامل بالبطاقة يعني اتشرى منها ومرات ما يكون عندي كاش

وشي ثاني أنه نحن نرسل للتاجرة عنواننا بالضبط، ومرات بعض التاجرات يعطون ارقامنا للمندوبين
ويتصلون علينا وين مكانكم ، ويوم نعلمهم ما يدلووونه!!! هني انا اتلعوز ويا المندوب!
ومرات يتصل علي من عجمان مثلا والمندوب مب عارف اني في أبوظبي!!! ويستغرب بعد ما اقوله ويصكر عني ويعيد حساباته وعقب يومين اييني !!

يعني باختصار أنا افضل التاجرة تعطيه العنوان مع البضاعة وخلاص!
يعني تنبه في الموضوع لااااااااااااااااازم البيانات كاااملة ، انزين شو الفايدة وانتي ما استخدمتيها =((

طبعا موب كل التاجرات بعضهم فاهمات في النظام والترتيب ، بس البعض الله يهديهم
وانا توني كنت أفكر أقول لازم يحطون موضوع لنقاشات الزبونات

انا موب زعلانة من اي تاجرة بالعكس !!
اشجع الاماراتيات النشيطات .. بس حبيت انبهكم لانه متعب نفسيا لنا، خاصة اللي عندهم شغل ودراسة !

هيه صح كلامج وحتى مانتأخر بتسليم بيزات الحرمة

**احساسي معك** · 2010-09-23, 22:29

صح كلامج هذا وايد منه

كذا تاجره اسألها عن طلبيتي تقول لي انتي منو وذكريني شو طلبتي

وفيه تاجره خربطة بيني وبين وحده ثانيه انا شاريه ب 150 وطرشت لي رساله تقول

طلبيتج اخذها المندوب والحساب 670 مع التوصيل والله انصدمة ولما رمستها قالت منو انتي ذكريني بطلبج ههههه

الله يعينهن يتلعوزن بالطلبيات بس لو يكتبون في نوته او بالكمبيوتر احسن لهم ولنا

تسلمين اختي على موضوعج ..

**حبوبة وخلاص** · 2010-09-23, 22:34

دام الزبونه طلبت عليها تتريا الطلبيه وتعمل حسابها أنه ممكن توصلها الطلبيه باي وقت والتاجره شو درابها المندوب أي ساعه وأي يوم بيطلع اوك ممكن تكون طرشت الطلبيه اليوم والشركه توصلها الاسبوع الياي هل هني التاجره بتكون ملامه

جي هي راقده في الشركه صوب الطلبيات وأكيد التاجرات عندهم فوق العشرين طلبيه في الاسبوع بتم متابع كل هاذيل متى بيوصلن والسموحه ^_^

**يحـــــ ام يى** · 2010-09-23, 22:37

يزاج الله خير ما تقصرين

**سوارة** · 2010-09-23, 22:39

صعب انها تحدد لانه شركات التوصيل هي اللي تتاخر فلو حددت وما وصل بالوقت الزبونه تحتشر
شخصيا من اطرش الطلبيه احاول اني اطرش مسج للبنت

**نجمة اسهيل22** · 2010-09-23, 22:43

صح كلامج اختي

بس في شي من الطلابات ما تقدر تحدد وقت التسليم لان شي يكون تفصيل ومرات يكون ضغط فما تعرف تتحدد
ام الي عندها بضاعه جاهزه ما يحتاي تتأخر ممكن في نفس اليوم ولا بثاني يوم ترسلها

**vision HD** · 2010-09-23, 23:05

عفوا!
انا يوم قلت تطرش مسج أو رسالة قصدي تعطي خبر للزبونة انها جهزت طلبيتها!
يعني طلعت من عند التاجرة وصارت عند المندوب .. جي نحس انها في الطريج ممكن توصل بأي وقت!

بس الصراحة شو الشركات اللي تاخذ اسبوع ما توصل!!!!!
اذا من اليابان وأمريكا توصلني بعد 3-4 أيام بالبريد الممتاز و أسبوع بالبريد العادي!

الحمدلله كل اغراضي اللي طلبتها من المنتدى
للحين كل الشركات توصللي الطلبية بسرعة

بس اللي اقصده يعني ارسل للتاجرة اقولها ابا جي وجي وجي
واتفاجأ المندوب يدق لي وهو في نص الدرب "الأفضل" لو التاجرة ترد علي تقول طلبيتج جاهزة
وعطيتها للمندوب

جي هي راقده في الشركه صوب الطلبيات

لول!
بس ان شاء الله قصدي واضح

والسموحة من صاحبة الموضوع ..

**عمري زايد** · 2010-09-23, 23:17

صح كلامج ..

بس بغيت اقولج ان بعض الشركااات هي الي تاخر طلبات الزبونات وهالشي خارج عن اراده التاجره ...
يعني في شركات توصليلهم باليوم الثاني بس سعر توصيلهم اغلى والزبونات ما يقدرون يدفعون الا اذا مستعيله وعادي عندها ...

مرات التاجره توفر البضاعه يوم تخلص فجاه عنها ويتها مثلا طلبيه نفس البضاعه بكميات وايده .. ومكان هذي البضاعه في اماره ثانيه .. يادوب تاخذ 3 او 4 ايام لين تسير هناك حسب ظروفها واطرشها على الشركه وطبعا قلتلج الشركاات تاخر من عندهم واهمال منهم ... شو بتسوي التاجره والزبونه غير الصبر ..

هذا وجهه نظري ..

**الغزال ش** · 2010-09-23, 23:51

يعطيج العافيه

**عضوةUAE** · 2010-09-24, 00:30

هلا اختي الغاليه..
طبعا انا مابقولج كلامج غلط او صح كله..
لكن ياأختي والله كوني وحده من التاجرات انا احيانا بس اضارب
ويا المندوب بسبت هالشي.. يعني تخيلي هو يقولي باجر بودي الطلبيه
ونتفق على هالشي واخبر الزبونه عسب تحط فبالها..
لكن تأتي الرياح بما لاتشتهي السفن..
المهم اتنازع معاه وقوله انته اتفقت معاي بموعد معين اشوله تغيره..
يقول غصبن عني..
فهالحاله اشو ذنبها التاجره؟؟؟؟
لكن اذا التاجره ماتحرك الموضوع وماتهتم فزبونتها اهنا كلامج صح
ادريبج انتي نيتج فقط التنبيه.. لكن في بنات الله يهديهم يأيدون كاتبة الموضوع بطريقه فظييييعه..
وكأنهم يتريون الزله..
اللي تسب واللي تشتم جي شصاير فالدنيا؟؟
ماأقصد موضوعج اقصد كذا موضوع سبق موضوعج..
وانا اقول لكل زبونه اذا مارتحتي لتاجره معينه او اتأخرت عليج فالطلبيه
اوانقرصتي منها اعذريها مره ومرتين واذا حسيتي ماشي فايده لاتطلبين منها الاسواق مكوده...
اختي لاتزعلين من رمستي تراه بالاخير كلن منا قال رايه..اوكي الغاليه..
ربي يحفظج واشكرج عالموضوع ..

الموضوع: لكل تاجرة تحس انه الزبونات ابتعدوا عنها ادش موضوعي

أدوات الموضوع

عرض

لكل تاجرة تحس انه الزبونات ابتعدوا عنها ادش موضوعي

المزيد من آخر المواضيع من نفس القسم:

المواضيع المتشابهه

عندي خدامة ابا اتنازل عنها وين انزل موضوعي ؟

الممرخة شمسة اللي تعرف شي عنها بليز تحدر موضوعي..

سبعة اشياء تقتل الحب بين الزوجين ابتعدوا عنها

سبعة اشياء تقتل الحب بين الزوجين ابتعدوا عنها ..