حضانه فمدينه خليفة أ؟؟؟

**مغتربة2** · 2010-09-13, 20:17

السلام عليكم ورحمه الله وبركاته

خواتي الغاليات

حابة استفسر منكم عن حضانه تكون ممتازة فمدينه خليفة أ والاهم توفر مواصلات..

حضانه ستيبنغ ستونز جريب بيتي بس ما عندهم مواصلات،،
وما حبيت الستاف كله اجنبي انا ولدي روحه ما يرمس لغة واضحه يستخدم مصطلحات الاطفال
ويهمني انه يتعلم عربي اكثر من الانقلش..

اتمنى تردون علي ويزاكم الله خير..

المزيد من آخر المواضيع من نفس القسم:

**فواغي99** · 2010-09-13, 20:29

الله يعينج نفس مشكلتي

**هند سلطان** · 2010-09-13, 22:05

للرفع

**مغتربة2** · 2010-09-13, 23:20

يزاكم الله خير عالمرور خواتي

**مغتربة2** · 2010-09-13, 23:31

حضانه تيدي بير طلع يوفرون مواصلات
بس اسعارهم اغلى عن ستيبنق ستون مادري هالسعر ضمن المواصلات ولا
المنهج امريكي يدرسون عربي او فرنسي كلغة ثانية
3 ايام بالاسبوع 6200 التيرم الواحد والتسجيل 1000

*****

ستيبنق ستونز 3 ايام بالاسبوع 4000 للتيرم والتسجيل 1500

**مغتربة2** · 2010-09-13, 23:44

حضانه ليتل سمارتيز

*****
يدرسون قرءان وعربي الموقع يوحي انها اوكي
بس ما عرفت اسعارهم وما ذاكرين شي عن المواصلات!

**مغتربة2** · 2010-09-13, 23:57

خواتي اللي مدخله عيالها فوحده من هالحضانات ياليت تعطينا رايها

**رومانسية 2005** · 2010-09-14, 10:34

انا بعد ادرو لابني حضانه زينة في مدينة خليفة او بني ياس
يا ريت اذا عرفتي تخبريني
وبالتوفيق ان شاء الله

**fifi_girl** · 2010-09-14, 11:47

عندج حضانة الأناشيد

**MAMAT MAHR** · 2010-09-14, 11:59

المشاركة الأصلية كتبت بواسطة fifi_girl

عندج حضانة الأناشيد

انا تعبت من كثر ما ادور حضانه لبنتي
جفت حضانه ورود الامارات وماعيبتني
في حضانه اسمها ستروبري موجوده في خليفه ب هذي مناسبة لاني متصله قبل الصيف ع اساس ادخلها بنتي عقب رمضان بس الحين محد يرد علي والحضانه مبنده
فماعرفها اذا بتفتح

حضانه الناشيد غاليه
انا ابا ادخل بنتي بري كي جي
قالولي 11 الف غير التسجيل والباص للتيرم الواحد

لتل سمارتز ماعندهم باص سألتهم

وتيدي بير مافي عربي بس عندهم باص

وفي حضانه نسيت اسمها شي منتسوري ماذكر شو بس هذي غالية بعد مثل حضانه الاناشيد

عقب رحت اتصلت بحضانات مصفح بس المشكله بعيد عن بيتنا وااااايد

والله تعبت من كثر ما ادور يا انه مافي باص او انهن غاليات

**MAMAT MAHR** · 2010-09-14, 12:02

انا دقيت للاناشيد
و لتل سمارتس
وشفت بعد هنتي دنتي
وكوتوالز مونتسوري هذي الي ماذكرت شو اسمها خخخخخخخ
وسفينة نوح هذي في مصفح وماتنفعني

المهم مابقيت حضانه مادقيتلها هههههههههههههههههههههههه

**رومانسية 2005** · 2010-09-14, 19:29

حبيبتي سالتي عن حضانه سفينة نوح كم مصارفيهم
لان حاولة ادق عليهم اليوم وايد بس ما يردون

**ام المزيون** · 2010-09-15, 01:16

ستيبنق ستون
وين مكانها بالضبط ؟؟

وليتل سمارتيز جم التسجيل عندهم ؟؟؟

**مغتربة2** · 2010-09-16, 14:48

شو هالمصخرة الصراحة وايد مبالغين في اسعارهم ومسوين لنا نظام تريمات!! جي جامعات!!
اذا التريم الواحد بحدود 7000 ولا 10000 يعني جهزوا ميزاينه 21000 ولا 30000 لحضانه!!!
ما يسوى علينا!! إذا الوحده تشتغل ها بنقول بتقدر تدفع مصاريف الحضانه

اما ربة البيت تيلس فالبيت وتعفن مع عيالها جبال التلفزيون!!
خاصه انه جونا الحلو واااايد يشجع على الطلعات!!
والله المفروض الدولة توفر اماكن مجانيه للاطفال ولا اقول ما نبا مجانية عالأقل اسعار مقوله!
بندفع لمصاريف المدارس ولا للايجارات ولا شو!!!!!
عافانا الله حتى حديقة مثل الناس ما عندنا فخليفه أ !!
بس فالحين مسوين هالجولف للأجانب!!

اختي ام المزيون،،
شكلها ستيبنغ ستونز ارخص وحدة مكانها عقب كليتات التقنية وقبل شيشة البترول
يعني يوم اطوفين كلية التقنية ومدرسة ذا هورايزون بييج دوار كملي سيدا الحضانه بتيي على ايديج اليمين
عقبها دوار شيشة ادنوك..

ليتل سمارتيز ما عرفت عن اسعارهم بس شكلها نفس طقه همتي دمتي الأناشيد عقولتهم
يعني التيرم 7000 ويمكن اكثر

**غلا بوظبي22** · 2010-09-16, 15:50

دخيلكن بعد انا اببا احط ولدي في حضانه من هالحضانات بشو تنصحوني

الموضوع: حضانه فمدينه خليفة أ؟؟؟

أدوات الموضوع

عرض

حضانه فمدينه خليفة أ؟؟؟

المزيد من آخر المواضيع من نفس القسم:

المواضيع المتشابهه

سكان مدينة خليفة أ،ساعدوني ابا حضانه لولدي

مشروع حضانه في منطقه مافيها حضانه ! والاستفسار عن هالمشروع

وين مقر كلية تقنية ابوظبي فمدينه خليفه أ

ادور على بيت ايجار فمدينه خليفه أ