✿ ســــــــــــــويســـــــــــــــرا ✿ Switzerland ✿ 2010

[Jimmy Choo]

مبـــارك عليكم شهر الرحمة .. و كل عام وانتوا بخير ..
شحالكم؟
الحمدلله اللي سلمنا و ردنا لأرض الوطن سالمين غانمين << عندها فوبيا من السفر والطيارات
هالصيف سافرناااا سويسراا و المانيا
وبصراحه حابة سويسرا اكثر من المانيا و النمسا لان شعبهم غير عن الالمان مادري ليش
ان شاءالله يعيبكم التقرير مثل ما هو و اسمحولي على بعض التفاصيل الناقصة


التصوير في الموضوع




المدن
لوزيرن - زاق - جنيف - انترلاكن - زيورخ - ميونخ و شتوتقارت
Luzern, Zug, Geneva, Interlaken, Zurich , Munich and Stuttgart

الفنادق
لوزيرن: Grand Hotel National
جنيف: Hotel de la Paix
زيورخ: Marriot
ميونخ: Sofitel

الفنادق كلها ★★★★★ حسب علمي و تقريبا كلها كانت من احسن الفنادق المذكورة في
هالمناطق ما عدا جنيف اتوقع فندق كمبنيسكي احلى بس ما لقينا فيه حجز كان fully booked ..
والمناطق الثانية ما سكنا فيها .. كنا نروح و نرجع و مشوار ساعتين الى ثلاث ساعات بالسيارة



الوصول الى مطار Franz Joseph الدولي في ميونخ



سكنا في فندق السوفتيل ميونخ ليله وحدة و اليوم الثاني انتقلنا لوزيرن - سويسرا
( بس للحين مابحط صور السوفتيل لان بنرجع ميونخ آخر السفرة )


نقول بسم الله

GRAND HOTEL NATIONAL
Luzern, Switzerland
★★★★★

الانترنت: Wi Fii free of charge






الرسبشن و اللوبي





تقريبا المنطقة ريفية يعني فنادقهم ماراح تكون ارقى من جذه ...
الحين جولة "حول المنطقة "

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Jimmy Choo]

ورى الفندق في ممشى طويل على البحيرة









الجسر الخشبي المشهور عندهم



و الاسد النائم مادري الحزين بعد معلم معروف عندهم .. منحوت بطريقة وااايد حلوة و هو كبير اصلا بس بالصورة مبين عادي
بس اعتقد انه مجروح لان فيه شي على ظهره مثل رمح او مادري شو السالفه والله كله بلغتهم



والحين في الطريق الى الفندق مرة ثانيه بعد يوم طويل من المشي ..




الروم سيرفس سريع و ممتاز لكن اكلهم محدود جدا و اي شي نطلبه
لازم نأكّد عليهم انه ما يكون بورك أو هام ..




اليوم الثاني كان ممطر و الجو فظييييييييع ماشالله على الامطار عندهم فجأة و الجو بارد كان



بحيـرة بلاوسيه الزرقاء من اشهر البحيرات و قصتها تقول ان اثنين متزوجين كانو عايشين
على البحيرة و بيوم من الايام الزوجة قامت و شافت زوجها توفى و من كثر ما بجت عليه دموعها
كانت تجري للبحيرة و صار لونها ازرق و بالقاع فيه تمثال صغير على شكل حرمة بس ما صورته
و هذي القصة مثل ما قريتها لاكن الله اعلم ان كانت صحيحة



الجو ممطر و مبين في هالصورة المطر



وفوق مطعم اللي يروح هالبحيرة لازم يجرب السمج مالهم ..





بس احنا ما طلبنا سمج الساعه كانت تقريبا 10 صباحا .. توو ايرلي !!


للحين ماخلصت التقرير لحد يرد

[Jimmy Choo]

و طبعا لازم تركبون قارب و تعيشون الجو الرومانسي بس كان مطرررررررر صبيب ماشالله
اصلا مظلاتنا كانت ويانا طول السفرة و وين ما نطلع



ولاني نسيت ترتيب الرحلات اسمحولي بحطلكم صور من رحلات متفرقة قريبة من منطقة لوزيرن
من احلى المناطق اللي استمتعت فيها بصراحه و بجوها منطقة Zug
هذا اسمها ميخصني
جوها رهيييييييييب و البحيرة فيها تجنن ..















وفي جو مثل هذا لاااااااااازم الايسكريم





للحين ما خلصت

[Jimmy Choo]

المطاعم في هالمنطقة كثيييييييييييرة بس احترنا وين نتغدى و اخر شي رجعنا و قلنا نجرب شي
نعرفه ولا ندخل واحد من هالمطاعم و نتوهق




رحلات ثانيه

















و سويسرا معروفه بالككاو و بالجبن .. اهديكم كل الجوكلت اللي في الصورة
بس هاااااااا تحملوا
بعضه فيه كحول ...

[Jimmy Choo]

و شوية صور من رحلتنا لأعلى قمة في اوروبا







محطة القطار

[Jimmy Choo]

HOTEL DE LA PAIX
Gevena, Switzerland
★★★★★

الانترنت: Wi Fii free of charge for 24 hrs



















و جنيف طبعا فيها ممشى طويل عالبحيرة و جوها كان مطر شديد بالايام اللي يلسنا فيها ماشالله
مشاويرنا كانت بالسيارة معظمها
لانه مطر صبيب ماشالله



وكنا نضطر مرات ناكل في اقرب مطعم و كان ايطالي ينقاله Casanova



بالصورة مقارنة بين اقرب مطعم و اللي بعيد هذا مكدونالدز كلنا فيه مره بس ..

[Jimmy Choo]

MARRIOT
Zurich, Switzerland
★★★★★

الانترنت: 35 فرانك على 24 ساعة ..



زيورخ هادية و حسيتها مملة بعض الشي بس زين ما يلسنا فيها وايد بس هي قريبة من كذا معلم
مثل شلالات الراين









هذي شوية صور من الفندق ...
اللوبي ...



هذا الـ window view في غرفتنا ..



جولة حول المنطقة










للحين ماخلصت

[هدى2]

رووووووووووعه

[Jimmy Choo]

على نوعية الغرف اللي كنا حاجزينها
كان في lounge
مسموح لنا ندخله اي وقت
و فيه سناكس خفيفة و فيه شبكة وايرلس و تلفزيون و فاكس و يلسة والحلو فيه ان الواحد ممكن
يدخل و يسويله كوفي او هوت جوكلت باي وقت او ياكل اي سناك او حتى الريوق
بس بوفيه الريوق الاكبر كان غير

هذا اول يوم وصلنا فيه الفندق كنت يوعانه و عيبني شي عندهم



وهذا شكل الـ lounge ..



كان فاظي و صورتلكم









^ بخصوص الفواكه و الببسي من اليوع مب عارفه شو اكل ...






والحين كم صورة من منطقة شتوتقارت Stuttgart
و هي المانيه بس قريبه من زيورخ وايد





و فيها آوت لت وايد حلو و فيه ماركات وايد ..

[Jimmy Choo]

و رجعنا ميونخ و مره ثانيه على السوفتيل و يلسنا فيه باقي الايام

SOFITEL
Munich, Germany
★★★★★

الانترنت: 8 يورو على ال 24 ساعه ...




اللي عاليمين هذا الميريديان و بعد من احسن الفنادق في ميونخ و عالمي اكيد
و سكنا فيه اول مرة رحنا فيها المانيا و من عقب ما قمنا نحصل فيه حجز ..
بس السوفتيل بعد حلو و راقي ..









صوب الغرف
في صور صورتها بنهار و في صور بالليل علشان جي شوي ظلمة








^ يا ساتر انا ما احيد اني تابعت فلم رعب او اكشن خخخخ ...

الفندق ماعليه كلام و الغرف مريحه و واسعه و السيرفس تمام بس العيب الوحيد الحمام مكرمين
مافيه اي خصوصية: 12 (58): و حتى باب مثل الناس مافيه
يعني مجرد زجاج من النوعية الي ينشاف منها






اتمنى تقريري كان خفيف عليكم و اي سوال ان شاءالله راح اقدر ارد عليه بسرعه بحكم اني
صايره ما ادخل المنتدى وايد بس بجيك عالموضوع
المنطقة الوحيده اللي ماصورت فيها هي انترلاكن بس وايد حلوة للشوبينق
و ميونخ ماحطيت صور شوارعها و اسواقها لان كل سنة اصور فيها بس هالسنة ما صورت
باقي الصور بفلكر اللي تبغي الاكاونت تطلبه مني

و يعطيني الف عافية ... تعببببببت ... خخخخخ

[فــطــامـي]

رووووووووووووووووعة
تسلم اناملج صدق ما قصرتي طلعتي كل اليهده
بس موضوعج روعة شوقتيني للسفر مع اني ما احبه
بس
هالاماكن فضييعة يتنمى الواحد يروح لها وخاصة سويسرا
يالله ادعيلي اتزوج ويشلني عريسي (عريس الغفل)خخخخ شهر العسل سويسرا

[missuae3003]

ماشاءالله روعه عطيني الاكاونت ماالج بطالع الصور ^^

[AZYA]

ما شاء الله تقريرج روعة والصور وايد حلوة، ياااااااي تولهت عالسفر

[^الدماني^]

هييييييييييييييييييه يا جيمي تشو !

قلبتي علي المواجع !

الظاهر انتو كنتوا يرانا في الرحلة !

انتظروا تقرير رحلة ^الدماني^ الى سويسرا

قريبا ان شا الله

[NONE_LIKE_ME]

ذكرتيني بالايااام الحللوة