يوميات wojood وحربها ضد السمنه

[وجود البحرين]

مرحبا بنات سيدات الأمارات صباحو عليكم كلكم

أنا قررت أني أشن حرب هوجاء على السمنه الى مرابطه معاي ومب راضيه اتروح عني فأبي أتخلص منها

أنا عمري 30 سنه وطولي 156 وزني 103
من وأنا صغيره والسمنه ملازمتني ما كنت ألعب ولا أركض مثل بنات طفولتي كنت دايما ابروحي حتى لما دخلت المراهقه كنت أشوف بنات جيلي يلبسون وغيره وأنا لا أتلبس ولا أتدعل مثلههم كل هذا وأكثر كان أاثر علي وعلى نفسيتي وتخرجت من الجامعه وأنا وزني في زياده وأهملت روحي بس لما دخلت منتداكم شفت تشجيعكم للأعضاء قررت أني احارب السمنه بتشجيعكم لي وقررت أن
يوم الجمعة 29/7/2010اتكون نقطة تحول في حياتي
هذا هو نبذه عن حياتي ورلاجعه لكم انشالله وأخبركم بتفاصيل حربي ضد السمنه بالصور
أنتظررررررررررررررررروني

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بسـمة ألـمـ]

في انتظارج يالغالية


وخبرينا عشان نستفيد

[bano0ota pink]

انا اشجعج اختيه ع هالخطوه الايجابية و اتمنى لج التوفيق

لازم تنتصرين في حربج ضد الدهون...سيري ونحن من وراءك>>>>خخخ حشى خطبة الجمعه

متابعة لج بإذن الله

[وجود البحرين]

هلوووووووووو بنات كلي حماس خخخخخخخخخخخخخخخخخخخخخخخخخخخخخخخ


اليوم راح أخبركم بالوسائل الى راح استخدمها للحرب على السمنه


رحت الجمعيه اليوم وشريت بعض الوسائل الا بتساعدني لنجاحي في في حربي


شريت


جبن قليل الدسم (( شرايح ))


جبن قليل الدسم (( كوب ))


قشطة قليلة الدسم


لبنه قليلة الدسم


حليب قليل الدسم


روتي أسمر
وبعد لقيت ماي اسمونه (( ماي الزعتر )) مكتوب عليه لتخيف الوزن هم شريته
هم شريت الشاي الأخضر


وانشالله عن قريب أوافيكم بآخر مستجدات الحرب والوسائل الدفاعية

أدعولي بنات استمر وأوصل للي ابيه

[وجود البحرين]

وشكرررررررررررررررررررررررررررا بنات على التشجيع

[اللآلئ]

يالله ..
متاابعيين..
تراا انا بعد اسوي رجيم خخ

[دفوشة]

GooOooOooOOooo GooOooOoooo

عمرج ووزنج قريب مني

بس انا طولي 170

اذا تبين حيااج ويانا بقروب انوثتي في رشاقتي معظمنا اوزانا فووق الـ90

[الزعابيه111]

بالتوفيق خيتووووووو وشدي حيلج

[Miyabi]

بالتوفـــيق لج اختــي

[المقر]

احيييييج ع قرارج

وان شاءالله تكون بدايه خير عليج

بوزن صحي وحياه صحيه

واستمري وان شاءالله نكون من متابعينج

^^

[bellegirl]

ربي يوفقج اختي ويثبتج ان شاء الله

وحياج معانا إذا تبغين تشجيع ^_^

http://forum.uaewomen.net/showthread.php?t=762669

[ميمي الشقية]

الله يوفقج

[وجود البحرين]

صباحو بنات عليكم
اولا شكرا للتشجيع
ثانيا مازلت سائره على الدرب
أمس بنات صار لي موقف خلاني جد افكر بموضوع التخفيف
أمس كنت في المول مع خواتي وحده اكبر مني عمرها 40 والثانيه عمرها 23 لكن خواتي ماشاااه اجسامهم وايد حلوه المهم لما خلصنا التسوق جلسنا ننتظر زوج أختي أمرنا ما كان فيه مكان على الكراس أختي الكبيره لأنها ضعيفه حصلت مكان يم حرمه كبر أمي أما أنا تميت واقفه يم أختي الصغيره جان هذي الحرمه اتقوم من مكانها وتقول (( تفضلي يمه يلسي مكاني )) والله بنات ساعتها يتني حالة صدمه شنو يمه شنو شايفتني هي كبر أمي وتقولي يمه ليش والله بنات دمعتي على خدي بس ما حد سمعها من خواتي بس وايد اثرت فيني رجعت البيت شفت روحي في المرايه لقيت شنو لابسه قميص وسيع ومعاه بنطلون هم وسيع مثل كبار السن ياربي والله قمت اصيح في غرفتي :12 وأقول حرام عليكي يا وجود
لكن هالموقف حمسني

وايد هذرت صح بس بيغيت افضفض لكم

عموما راجعه لكم واقول لكم يومياتي

سي يووووووووو ماي فرند[/SIZE][/CENTER][/B]

[دانة ذهبية]

يلا عزيزتي شدي حيلج و أنا متأكدة إنج بتنزلين من وزنج و بتضعفين و يصير جسمج حلوو

بس نصيحتي لج خلي يوم واحد في الأسبوع مفتوح و كلي فيه اللي تبينه و كل يوم امشي ع الأقل نص ساعة لأن المشي وايد زين و يشد الجسم خاصة منطقة البطن

و بالتوفيق و إن شاء الله بتابعج دايما

[وجود البحرين]

مرحبا بنات
wojood وصلت اتخبركم بيومياتها

اليوم الأول
الجمعه 30/7/2010

الريوق (( الفطور ))
نص خبز بحريني
بيضه مقليه
حليب قليل الدسم (( كوب ))

الضحى
المفروض آكل برتقال بس أنا ما كلتها لأني فطرت الساعه عشر ونص فما جعت

الغداء
من غدى الوالده ااه اخليها برياني (( ملة روب ))
سلطه بدون زيت وبدون جزر

العصر
انا سويت لي سلطة فواكه انا سويتها وبخبركم طريقتها فيما جاي + دايت كولا

العشاء
انشالله راح آكل
شريحتين توست أسمر
جبن شرايح سليس
طماطم
خيار

ها خبروني بنات اش رايكم بنظامي
نسيت راح امشي بعد شوي على السير 10 دقايق لأني لأول مره امشي وراح اسوي تمارين البطن 30 مره وراح اكثر في المره الجايه

هذا برنامجي وادعولي اواصل